سندويش التوشكا أو الطوشكا أطيب سندويشات في المطبخ السوري , بكم دقيقة بتتحضر و رح تاكليها و تاكلي صابيعك وراها , خبز تازة , لحمة متبلة , و جبنة داييبة , في اشهى من هيك , مممم
تتبيلة الحمة بتختلف من بيت لبيت , ممكن تبليها ببهارات السجق , ممكن تبليها بشوية توم و كاري . أنا بتبلها ببهارات حلب المشكلة و بس , بحس هي الطريقة أطيب الشي , طبعاً التتبيلات التانية كمان بتعطي طعمة يمممي , بس مع هيك وصفات بحب دوماً البساطة .
ممكن تستعملي كتير انواع جبنة , جبنة حلب المسنرة , جبنة عكاوي , جبنة موتزاريلا , جبنة تشيدر , شو بتحبي . اليوم أنا مستعملة جبنة موتزاريلا مع جبنة عكاوي .
أصول الوصفة نها تنشوى على الفحم , مع كاسة شاي ع الفحم بتطلع غير شكل , بس للسرعة ممكن تشويها على سخانة السندويش , و إذا مقطوعة عندكن الكهربا اشويها ع التيفال 🙂
بالصحة و الهنا
- المقادير:
نصف كيلو لحمة غنم مدهنة قليلاً
جبنة مقطعة شرائح رقيقة أو مبشورة ( ممكن استعمال جبنة عكاوي أو تشدر أو موزاريبلا أو جبنة حلب المسنرة )
نصف ملعقة صغيرة بهار مشكل
نصف ملعقة صغيرة بهارات السجق الجاهزة ( اختياري )
ملعقة كبيرة فليفلة حمراء ناعمة حلوة أو حرّة حسب الزوق , أو دبس فليفلة
رشة صغيرة قرفة
خبز عربي
ملح قليل , مراعاة لملوحة الجبنة
نصف كيلو لحمة غنم مدهنة قليلاً
جبنة مقطعة شرائح رقيقة أو مبشورة ( ممكن استعمال جبنة عكاوي أو تشدر أو موزاريبلا أو جبنة حلب المسنرة )
نصف ملعقة صغيرة بهار مشكل
نصف ملعقة صغيرة بهارات السجق الجاهزة ( اختياري )
ملعقة كبيرة فليفلة حمراء ناعمة حلوة أو حرّة حسب الزوق , أو دبس فليفلة
رشة صغيرة قرفة
خبز عربي
ملح قليل , مراعاة لملوحة الجبنة
- طريقة التحضير:
1 - تدعك اللحمة مع البهار و القرفة و الفليفلة الحمراء و بهارات السجق في حال استعمالها و القليل من الملح مراعاة لملوحة الجبنة .
2 - تقسم أرغفة الخبز إلى نصفيين ثم تمد طيقة من اللحمة في أرغفة الخبز المقسمة .
3 - توزع الجبنة فوق اللحمة بحيث تغطيها .
4 - تكرر العملية حتى الانتهاء من كل الكمية
5 -تشوى سندويشات التوشكا على سخانة السندويش أو في صينية تيفال على نار متوسطة و تقلب على الوجهيين حتى تنضج اللحمة و تذوب الجبنة و يمكن شويها أيضاً على الفحم فتأخذ نكهة لذيذة جداً .
1 - تدعك اللحمة مع البهار و القرفة و الفليفلة الحمراء و بهارات السجق في حال استعمالها و القليل من الملح مراعاة لملوحة الجبنة .
2 - تقسم أرغفة الخبز إلى نصفيين ثم تمد طيقة من اللحمة في أرغفة الخبز المقسمة .
3 - توزع الجبنة فوق اللحمة بحيث تغطيها .
4 - تكرر العملية حتى الانتهاء من كل الكمية
5 -تشوى سندويشات التوشكا على سخانة السندويش أو في صينية تيفال على نار متوسطة و تقلب على الوجهيين حتى تنضج اللحمة و تذوب الجبنة و يمكن شويها أيضاً على الفحم فتأخذ نكهة لذيذة جداً .
-
وصفات تانية ممكن تعجبك
انتي مصرة كل يوم تجوعيني قبل ما أروح عالبيت :grin
يسلمو إيديكي عنجد شي كتير كتير طيب و مشهي من الشكل بس, فشلون رح يكون الطعم :zzz
كل ما جعت بتاكل أطيب 😉
تسلمي على زووءك و كلامك الحلو
نور الموقع بدور 🙂
السلام عليكم و رحمة الله و بركاته
يا فرحتي انا بالجبنة البيضااختي منى بينفع نستعمل جبنة مثلثات نقطعها شرائح او بستعمل الجبنةالبيضالكبيرة الطويلة اللي يسهل تقطيعها لشرائح
السندويش مبينتو طيب و شكلو كتير حلو
اختي منى بدي اعرف كمية اللحم هي كم سندويش عملتلك لان راح ساوي بس كمية صغيرة تحتى احسب حسابي و كمان لازم صينية تيفال ما بينفع صينية عادية او راح تلزق و هل فينا نحطن فوق ورق المنيوم تحتى نتفادى انهم يلزقو او يحترقو
جازاك الله خيرا اختي منى و جعله في ميزان حسناتك
بالتوفيق
سلام
هلا اختي 🙂 لا اكيد ما بينفع جبنة المثلثات , و الجبنة البيضاء الي حكيتي عليها أظن انها بتنفع :roll , الكمية على التحديد ما بذكر بس ممكن 3 أرغفة عربي من الحجم الوسط , بس مو متاكدة , أختي لازم التيفال لان رح تلزق , مو ضروري صينية اذا عندك طواية بيصير و إذا كان و لا بد ممكن تجربيها على صينية عادية بس عينك تبقى عليها , انا مو مجربتها 😉
:p :cry 😡 ما شاء الله بيشهي رائع
هلا رنوشة 🙂
لا حبيبتي مسحي دمعاتك , يلا أحلى سندويش توشكا لعيونك خلال دقيقتين او تلاتة و سخن كمان 😉
جربتها يا منى تسلمي بتشهي ممممممم
الله يبارك فيك يا رب :grin
يسلمو منى مشي الحال تفعل التسجيل امبارحة جربت هالاكلة عملت نص السندوشات توشكا ونصهم ماريا شو طلعو طيببين مع صحن تبولة وعصير زكرتيني بحلب وايام حلب :zzz صار كتير جربت وصفات يعطيك العافية يا شطورة
هلا هادينة 🙂
الف صحة و هنا و عافية يا رب بكل لقمة , الله يعافيك و يخليك يا رب 😉
بس هيك يعني مابدا بندورة ما بندورة
بتذكر انو يمكن اكلت منها مرة كان الها خضار
عكل يمكن مخربطة ويسلمو كتير
هديك الماريا الي بدها بندورة ما بندورة 😉
ممم من الوجبات المغرية والشهية جدا..أنا بعملها بنفس الطريقة لكن ما خطرتلي فكرة القرفة..رح جربها انشالله..تسلم إيديكي يا شطورة الشطورات 🙂
يمي يمي مبين عليها بتشهي لازم جربا طب ليش ما بندخنا بالفحم بعد ما نعملا عالغاز شلون بتطلع ؟؟؟؟؟
جربيها و ما بتندمي دمدوم 🙂
لان هي طيابتها من النار ع الاكل فوراً , إذا حنستنى نبخرها يمكن تبرد االسندويشة و ما بتعود كتير طيبة
ممممممممم مزبوط كلامك 🙂 أحلى منى بالكون يسلمو اديكي 🙂
الحلا انتي , و الله منورة 🙂
اي رغود جربيها و متاكدة رح تحبيها 🙂
الله يسلمك رغودة حبيبتي و منور قسم السندويشات بطلتك :zzz
ذكرتيني بهالاكله يامنى اكيد كتييييييييير شهيه بس بتكون اطيب مع لحمة وجبنة وخبز حلب
صدقيني غير شكل . مافي اطعم ولا اطيب من اكل حلب .
اي و الله مزهرة , لان لحمتنا غير نكهة و بهارنا غير طعم و جبنتنا ما في منها , مااا في متل حلب