لقمة طيبة » وصفة صيفية https://monasaboni.com الأكل عَ أصوله Fri, 04 Jan 2019 06:56:30 +0000 en-US hourly 1 http://wordpress.org/?v=3.6 بيستو https://monasaboni.com/%d8%a8%d9%8a%d8%b3%d8%aa%d9%88/ https://monasaboni.com/%d8%a8%d9%8a%d8%b3%d8%aa%d9%88/#comments Thu, 11 Oct 2012 04:00:41 +0000 منى http://monasaboni.com/?p=599 كنز المطبخ الايطالي الي طار و ملى الدني , ريحان و صنوبر و بارمجان و زيت زيتون , مزيج مستحيل ما يكون طيب , مستحيل ما يضيف نكهة روعة لكل طبق بينضاف اله , معكرونة , معجنات , سندويشات , ايا شي بيخطر ببالك ممكن تضيفله البيستو , حتى البيض بالبيستو بيطلع خيلة . في […]

The post بيستو appeared first on لقمة طيبة.

]]> كنز المطبخ الايطالي الي طار و ملى الدني , ريحان و صنوبر و بارمجان و زيت زيتون , مزيج مستحيل ما يكون طيب , مستحيل ما يضيف نكهة روعة لكل طبق بينضاف اله , معكرونة , معجنات , سندويشات , ايا شي بيخطر ببالك ممكن تضيفله البيستو , حتى البيض بالبيستو بيطلع خيلة .

في اخر كل صيفية بحضر كمية كبيرة من البيستو و بعبيه بمرطبانات صغيرة , ريحته و لونه و طعمه رح تخلي ايا وصفة بالشتي منعنشة بريحة الصيف . بيكفيني طول الشتوية لحتى ارجع ازرعه بالربيع و يرجع يطلع .

الحلو كمان بالريحان انو كل ما قطفتي منه أكتر بيشتغل أكتر , نبتة كريمة بنكهتها و بريحتها و كمان بعطائها و مو بس هيك , نفس النبتة بتعطيكي بذورها لحتى ترجع تنبت السنة الجاية و هل المعلومة خبرتني عنها الست غالية. علمتني وصفتها للكبة النية و كمان علمتني كيف ازرع الريحان , باخر الصيفية بتزهر الريحانة زهرات صغيرة و بعدها بتنشف و بيصير فيها بذور صغيرة , هل العود لما بينشف على الاخر بقصه و بحتفظ فيه في مكان جاف , بشهر شباط بهز هل الاعواد بشكل خفيف بيطلع منها البزر , هل البذر بسمي بالرحمن و بزرعه و بسقيه شي بسيط , بعد عشر ايام بيبدى الريحان بيطلع , سبحان الخلاق , احساس حلو كتير لما بتزرعي شي بايدك .

إذا حابة تزرعي الريحان فافضل وقت انك تزرعيه بشباط او أذار و اسقيه كل ما بينشف التراب مو كل يوم , و بعد ما ينبت الورق حاولي ما ترشي الورق بالمي لان الريحان بينبت و هو جنب بعضه , اذا انغسل الورق بيبعدوا الاعواد عن بعضهن و بحسهن زعلوا و ما بيعودوا يقربوا مرة تانية على بعضهن البعض :(

البيستو بيتحضر بالريحان و الصنوبر , اتعلمت من ريم الزعيم اني ضيف بقدونس , اللون عم يصير روعة و الطعم بقي بيجنن , يم يم . و جربت حضره بالكاجو و اللوز و كمان بالجوز , كل نوع من المكسرات اله ميزة و نكهة مختلفة بس كلو طيب كتير كتير كتيرر

بالصحة و الهنا

The post بيستو appeared first on لقمة طيبة.

]]> https://monasaboni.com/%d8%a8%d9%8a%d8%b3%d8%aa%d9%88/feed/ 6 يهودي مسافر https://monasaboni.com/%d9%8a%d9%87%d9%88%d8%af%d9%8a-%d9%85%d8%b3%d8%a7%d9%81%d8%b1/ https://monasaboni.com/%d9%8a%d9%87%d9%88%d8%af%d9%8a-%d9%85%d8%b3%d8%a7%d9%81%d8%b1/#comments Tue, 25 Oct 2011 11:33:33 +0000 منى http://monasaboni.com/?p=1311 وصفة قديمة و تراثية من المطبخ الشامي و التركي كمان , و واحدة من وصفات الصيف المفضلة عندي , لان خفيفة و سريعة و معها لبن عيران بارد بتنعنش القلب .. اسمها غريب و اصله انه يهود الشام كانوا يسموها ( مسلم هربان ) و لما دريوا المسلمين قالوا يا باطل و ردوا عليهم بان […]

The post يهودي مسافر appeared first on لقمة طيبة.

]]> وصفة قديمة و تراثية من المطبخ الشامي و التركي كمان , و واحدة من وصفات الصيف المفضلة عندي , لان خفيفة و سريعة و معها لبن عيران بارد بتنعنش القلب ..

اسمها غريب و اصله انه يهود الشام كانوا يسموها ( مسلم هربان ) و لما دريوا المسلمين قالوا يا باطل و ردوا عليهم بان صاروا يسموها يهودي مسافر , و انا حابة الفت انتباهكم لهل الوصفة الطيبة و غير هيك ما كنت جبت اسمهم لليهود هون .

الوصفة نفسها بتتحضر في المطبخ التركي و الشامي و الفرق الوحيد انو في المطبخ التركي بيضيفوا للوصفة بعد ما تخلص بقدونس مفروم , انا اذا في عندي بضيف و اذا ما في عادي و بالطريقتين الطعمة طيبة و كل واحدة الها نكهة مختلفة غير التانية . و كمان ممكن تحضري الوصفة باللحمة , بتقلي البصل مع اللحمة و بعدها بتضيفي البندورة و بس ما استوت اللحمة بتضيفي البرغل و بتخليه لحتى يستوي .. بس انا بحبها نباتية لان سهلة و سريعة و بنص ساعة بتكون صارت على السفرة و بصورة عامة بالصيف بحب الوصفات النباتية اكتر .

بالصحة و الهنا

The post يهودي مسافر appeared first on لقمة طيبة.

]]> https://monasaboni.com/%d9%8a%d9%87%d9%88%d8%af%d9%8a-%d9%85%d8%b3%d8%a7%d9%81%d8%b1/feed/ 20 شوربة كريم البندورة بالبيستو https://monasaboni.com/%d8%b4%d9%88%d8%b1%d8%a8%d8%a9-%d9%83%d8%b1%d9%8a%d9%85-%d8%a7%d9%84%d8%a8%d9%86%d8%af%d9%88%d8%b1%d8%a9-%d8%a8%d8%a7%d9%84%d8%a8%d9%8a%d8%b3%d8%aa%d9%88/ https://monasaboni.com/%d8%b4%d9%88%d8%b1%d8%a8%d8%a9-%d9%83%d8%b1%d9%8a%d9%85-%d8%a7%d9%84%d8%a8%d9%86%d8%af%d9%88%d8%b1%d8%a9-%d8%a8%d8%a7%d9%84%d8%a8%d9%8a%d8%b3%d8%aa%d9%88/#comments Sat, 15 Oct 2011 11:07:20 +0000 منى http://monasaboni.com/?p=73 أخر ايام الصيفية , عم نودع الخضرة الطيبة بالوانها الي بتفرفح القلب و محضرين حالنا على السما الملبدة و البرد و ان شاء الله المطر .. ما بحب الشتي و دوما باوله بيصير معي اكتئاب من الجو المغير , بحب الدني تكون منورة و مشقرقة بالشمس , سبحان الله رب العالمين الي بيخلق الفصول المختلفة […]

The post شوربة كريم البندورة بالبيستو appeared first on لقمة طيبة.

]]> أخر ايام الصيفية , عم نودع الخضرة الطيبة بالوانها الي بتفرفح القلب و محضرين حالنا على السما الملبدة و البرد و ان شاء الله المطر ..

ما بحب الشتي و دوما باوله بيصير معي اكتئاب من الجو المغير , بحب الدني تكون منورة و مشقرقة بالشمس , سبحان الله رب العالمين الي بيخلق الفصول المختلفة لحتى نحس بالنور بعد الظلام و الدفا بعد البرد , لحتى نقدر قيمة كل شي في الدنيا , المنيح نعمة و كمان الي مو منيح نعمة لحتى نحس بالمنيح و نقدره …

صلصة البيستو عندي بالفريزر دايما لهيك ما باكل هم تحضيرها و انت فيك تحضري البيستو على ايدك او فيكي تشتري عبوات جاهزة بتلاقيها بالمول , بس تحضيره اسهل من انك تطرقي طريق للمول و تشتري بيستو محضر من 6 شهور على الاقل , من تحت ديات مدري ايا طنط او انكل , مدري بايا بلد .شغل ايدك اطيب و اضمن و انظف

هل الوصفة رح تعملك اطيب شوربة بندوة رح تدوقيها بحياتك , على اد مو طيبة بحبها حتى و هي باردة .نحنا مو كتير معوديين على هل النوعية من الوصفات , بس ما رح تعرفي اديه طيبة الا لحتى تجربيها بنفسك .الوصفة بسيطة كتير و طيبتها ببساطتها و مقاديرها القليلة , يعني لما صرت ضيف عليها اشيا اتغيرت الطعمة و ما عادت متل ما بدي و سرها الوحيد انك تستعملي بندورة ناضجة و مختمرة , لان هي اساس الطعم

بحب قدم معها خبز التوم , شرايح توست بدهنهم بزيت زيتون مقلبه معه شوي توم و بعدها بحمصه في الفرن مع جبنة بارمجان او موزتاريلا كتيرة , يممم ..

بالصحة و الهنا

The post شوربة كريم البندورة بالبيستو appeared first on لقمة طيبة.

]]> https://monasaboni.com/%d8%b4%d9%88%d8%b1%d8%a8%d8%a9-%d9%83%d8%b1%d9%8a%d9%85-%d8%a7%d9%84%d8%a8%d9%86%d8%af%d9%88%d8%b1%d8%a9-%d8%a8%d8%a7%d9%84%d8%a8%d9%8a%d8%b3%d8%aa%d9%88/feed/ 6