لقمة طيبة » وصفات تراثية https://monasaboni.com الأكل عَ أصوله Fri, 04 Jan 2019 06:56:30 +0000 en-US hourly 1 http://wordpress.org/?v=3.6 تسقية بسمنة ( تسقية ببدوة ) https://monasaboni.com/%d8%aa%d8%b3%d9%82%d9%8a%d8%a9-%d8%a8%d8%b3%d9%85%d9%86%d8%a9-%d8%aa%d8%b3%d9%82%d9%8a%d8%a9-%d8%a8%d8%a8%d8%af%d9%88%d8%a9/ https://monasaboni.com/%d8%aa%d8%b3%d9%82%d9%8a%d8%a9-%d8%a8%d8%b3%d9%85%d9%86%d8%a9-%d8%aa%d8%b3%d9%82%d9%8a%d8%a9-%d8%a8%d8%a8%d8%af%d9%88%d8%a9/#comments Fri, 26 Oct 2018 07:20:26 +0000 منى http://monasaboni.com/?p=4007 تسقية بسمنة ( تسقية ببدوة ) امبارح واليوم امطار متل السيل في حلب ..الجو ولا احلى من هيك وصبحية يوم الجمعة .. في احلى من هيك صحن لهيك يوم وهيك جو ؟ من حوالي السنة أو أكتر كنت في البيت عبفتل متل ما اغلب ستات البيوت بيقضوا يومهم ، الراديو كانت على شي اذاعة من […]

The post تسقية بسمنة ( تسقية ببدوة ) appeared first on لقمة طيبة.

]]> IMG_3324
تسقية بسمنة ( تسقية ببدوة )

امبارح واليوم امطار متل السيل في حلب ..الجو ولا احلى من هيك وصبحية يوم الجمعة .. في احلى من هيك صحن لهيك يوم وهيك جو ؟

من حوالي السنة أو أكتر كنت في البيت عبفتل متل ما اغلب ستات البيوت بيقضوا يومهم ، الراديو كانت على شي اذاعة من الاذاعات ، فجاة اتذكرت راديو مونت كارلو قلت يا ترى ممكن أأقدر أطالعها . والله تركت كل شي من ايدي ودورت عليها ولقيتها.

صوتها ما كان صوت اذاعة عادي, كان صوت طفولتي والراديو الاسود العتيق الي في بيت اهلي ..المذيعة كانت عبتعمل مقابلة مع صبية , وانا كنت سبحانة في بجر عميق من الحنين ..فجاة صار الكلام مألوف وشدني شوي شوي لحتى رجعت وعيت.. كان الحكي عن الطبخ وبالاخص عن مبادرة قاموا فيها مجموعة من المدونات العربيات لحفظ تراثنا الغني من الوصفات العربية الاصيلة ، وكملت الصبية : صاحبة الفكرة منى صابوني الي اسست الجروب ، هون انا وصلت على السقف من النطة الي نطيتها .. أن شو هل الصدفة الي خلتني أدور على اذاعة صار عشر سنين اذا ما كان أكتر ما سمعتها وفي اللحظة المناسبة على الظبط :D

بداية نكهة عربية كان في سنة 2014 بقصة، كان في جروب تصوير مهم كتير مختص بتصوير الطعام وفيه ناس من كل العالم, بتنزل واحدة وصفة الدقة الغزاوية وبتكتب تعريف عنها انها السلطة الاسرائيلية, بتحكي واحدة من الصبايا الفلسطينيات ان هي سلطة غزاوية، بتقوم ادارة الجروب بتطالعها هي ومجموعة كبيرة من العربيات الي ناقشوا الاسرائيلية .. انا وصلت ماخرة ما حضرت كل الي صار , بس فتحت الجروب فهمت كل الكركبة الي صارت .
وصراحة انا من زمان كنت حابة اعمل جروب يجمعنا نحن المدونات العربيات , بس ما كنت عبقدر نظم افكاري كيف ممكن نجتمع وننظم امورنا وهيك .. اقترحت عليهم الفكرة ، وافقوا فورا .
الاسم الاول الي اخترته كان : على مائدة مستديرة . بس بعد التصويت فضل اغلبية الاعضاء ان يكون في كلمة “عربي” اشارة لاهم ما يميز مجموعتنا ، و هيك صار. اخترنا وصفة الدقة الغزاوية طبقناها كلياتنا . وبموعد محدد من الشهر نشرنا الوصفة وغرقنا الدنيا بالصور وقصة الوصفة وتفاصيلها . وبعدها صرنا كل شهر نعمل نفس الشي

كان في حماس كتير وبالبداية كان في اسماء مهمة جدا في الجروب , ولكن منهم مااستمروا ومنهم ما قدروا الالتزام ومنهم اشتغلوا على الجروب وكانوا عبيشتغلوا على مشروعهم الخاص بكل امانة وحماسة وعطاء . بعد شوي صار قطع للنت عن حلب ونحن حرفيا انقطعنا عن العالم الخارجي ومابقى اي وسيلة تواصل .. بهل الوقت كانت الغالية نسرين رحال ماسكة الجروب متل الام الحنونة المنظمة ..وصراحة رح اعترف ان هي السبب لاستمرار الفكرة و لان في كتير ناس بيجيهم افكار حلوة و بيبدوا فيها .. الكلام على الاستمرار ..والاستمرار كان بفضل رب العالمين وفضل نسرين .

وبما اني عدت الي التدوين ( ان شالله ) فلازم اجدد نشاطي في المجموعة . ووصفة هل الشهر ( للصدفة الجميلة ) كانت وصفة شامية : وصفة التسقية ببدوة لعائشة ميداني , وانا كنت كتير مشتهية اتعلمها بالتفصيل . لان كل ما كنت أسال يقولولي حمص حب وحمص عادي وشوية لبن وشوية ليمون .. يعني اعملها على النظر .. وبالنسبة لوصفة بسيطة فهاد شي صعب وخصوصي لما ما يكون الطبق جزء من .
عيلتي و شي تربيت عليه .

بالنسبة الي كان اكتر شي جديد هو كمية اللبن وعصير الليمون و الطحينة , لو اعملها على ذوقي كنت قلت كتير كمية اللبن و الليمون وكنت كترت الطحينة , بس مع الالتزام بالوصفة وتطبيقها اكتشفت ان الكمية مناسبة تماما وان هل الحمضية هو شي طيب كتير و تقليل الطحينة خلى الوصفة مميزة عن الفتة الي بعملها بالعادة . وشغلة تانية كمان مختلفة هو استعمال الخبز من دون تحميص , حتى لما كنت عبحضر الوصفة قليت خبز في مرحلة الاعداد لاكتشف بعد ما قرات الوصفة مرة تانية ان مافي داعي للقلي , خسارة اني كنت صورت الوصفة بالخبز المقلي وما كان في مجال اعيد الصورة .. ( يرجى اعتبار الخبز ني وتغميض العيون عن اللون الذهبي الجميل للخبز في الصورة ) ..واخر شي هو ان مافي كمون في الصلصة .. طبعا فكرت ان الكمون سقط سهوا ، بس بعدها طلع ان الوصفة ما بدها كمون .

انا التزمت بالوصفة حرفيا ، ما عدا تفصيلة واحدة ، وهي اني صفتيت الحمص بمصفاية ناعمة بعد الطحن ، حتى يكون الصوص ناعم .. انت ممكن تستغني عن هل الخطوة او ممكن تستعملي حمص جاهز وبهي الطريقة بتصير الوصفة ولا اسهل من هيك

موعدنا اسبوع القادم باذن الله ، لا تحرموني من تعليقاتكم

صحة وهنا

The post تسقية بسمنة ( تسقية ببدوة ) appeared first on لقمة طيبة.

]]> https://monasaboni.com/%d8%aa%d8%b3%d9%82%d9%8a%d8%a9-%d8%a8%d8%b3%d9%85%d9%86%d8%a9-%d8%aa%d8%b3%d9%82%d9%8a%d8%a9-%d8%a8%d8%a8%d8%af%d9%88%d8%a9/feed/ 4 تحضير و حفظ الزيتون المكسر https://monasaboni.com/%d8%aa%d8%ad%d8%b6%d9%8a%d8%b1-%d9%88-%d8%ad%d9%81%d8%b8-%d8%a7%d9%84%d8%b2%d9%8a%d8%aa%d9%88%d9%86-%d8%a7%d9%84%d9%85%d9%83%d8%b3%d8%b1/ https://monasaboni.com/%d8%aa%d8%ad%d8%b6%d9%8a%d8%b1-%d9%88-%d8%ad%d9%81%d8%b8-%d8%a7%d9%84%d8%b2%d9%8a%d8%aa%d9%88%d9%86-%d8%a7%d9%84%d9%85%d9%83%d8%b3%d8%b1/#comments Thu, 04 Dec 2014 20:25:26 +0000 منى http://monasaboni.com/?p=3522 لو كان في اكلة بس بتختصر كل شي بحبه في الاكل ، فهي الزيتون .. فيو بركة ، بينحفظ بطريقة سهلة و بيبقى سنين ، بيتحضر بعشرين طريقة كل طريقة أطيب من الطريقة التانية ، صحي و كله فوائد ، أكل الدرويش و الغني .. لو كنت بعرف اكتب شعر ، كنت كتبت بالزيتون لما […]

The post تحضير و حفظ الزيتون المكسر appeared first on لقمة طيبة.

]]> لو كان في اكلة بس بتختصر كل شي بحبه في الاكل ، فهي الزيتون .. فيو بركة ، بينحفظ بطريقة سهلة و بيبقى سنين ، بيتحضر بعشرين طريقة كل طريقة أطيب من الطريقة التانية ، صحي و كله فوائد ، أكل الدرويش و الغني .. لو كنت بعرف اكتب شعر ، كنت كتبت بالزيتون
لما كنت صغيرة بيبي كنت كل ما شوف زيتون أضحك ، قام صاروا الكبار يقرصوني من خدودي حتى ابكي و بعدها يورجوني زيتونة ، فاضحك :D يعني بحب الزيتون و هو غرامي بالفطرة . و دايما لما كنا نجتمع انا و خواتي بصلنفة يكون فطورنا كل يوم صحن هل الاد .. انا ما بحب بس طعمته ، بحب كل شي بتذكره معه .
بموسم الزيتون كل سنة منحضره و منكسره و منحفظه بمي و ملح لسنة التانية ، اذا كانت طريقة الحفظ مزبوطة بيبقى سنتين و تلاتة و هو محافظ على حاله من دون ما ينتزع . الزيتون الأخضر بيتكسر بحجرة او مدقة خاصة من دون ما تنكسر البذرة ، و ممكن يتكسر بماكينات خاصة ، انا بشتريه مكسر و خالص و بعدها بشتغل فيه . بالوصفة تحت رح تشوفوا طريقة تحضير و حفظ الزيتون المكسر . بعد الحفظ منتركه على القليل شهر بمية الملح و الافضل شهرين الى تلات شهور و بعدها منحليه ، يعني منغير الماء حتى تروح منه كل طعمة المرار ، هي القصة بتاخد كم يوم حسب نوعية الزيتون و بعدها منتبله تبلات مشكل و ملون و انتوا و الي بتحبوه .
بالصحة و الهنا

The post تحضير و حفظ الزيتون المكسر appeared first on لقمة طيبة.

]]> https://monasaboni.com/%d8%aa%d8%ad%d8%b6%d9%8a%d8%b1-%d9%88-%d8%ad%d9%81%d8%b8-%d8%a7%d9%84%d8%b2%d9%8a%d8%aa%d9%88%d9%86-%d8%a7%d9%84%d9%85%d9%83%d8%b3%d8%b1/feed/ 8 بازركان https://monasaboni.com/%d8%a8%d8%a7%d8%b2%d8%b1%d9%83%d8%a7%d9%86/ https://monasaboni.com/%d8%a8%d8%a7%d8%b2%d8%b1%d9%83%d8%a7%d9%86/#comments Mon, 21 Apr 2014 13:44:14 +0000 منى http://monasaboni.com/?p=3198 بازركان واحدة من السلطات الخفيفة الطيبة الي ما بينشبع منها , وقت يكونوا الشنكليشات طيبات , بس ما بديتي فيها ما بتشيلي ايدك ليخلص الصحن ع الأخير , هو و مرقته كمان , مع كاسة شاي و خبز تازة , اللهم أدم النعم و لا تجعلها إلى زوال . هي السلطة بتذكرني بالسفر , نحنا […]

The post بازركان appeared first on لقمة طيبة.

]]> بازركان واحدة من السلطات الخفيفة الطيبة الي ما بينشبع منها , وقت يكونوا الشنكليشات طيبات , بس ما بديتي فيها ما بتشيلي ايدك ليخلص الصحن ع الأخير , هو و مرقته كمان , مع كاسة شاي و خبز تازة , اللهم أدم النعم و لا تجعلها إلى زوال .
هي السلطة بتذكرني بالسفر , نحنا بحلب ما منعرفها و لا منعملها , بس كنا دوما ناكل منها بصلنفة و باللادقية و بحمص و بجبلة , أيام ما كنا نقدر نسافر و الطرقات كانت مفتوحة , هلأ مناكل البازركان بالبيت و منتخيل البحر أو الجبل ادامنا , لوقت ما رب العالمين يفرجها على عباده .
كنت كل مرة دوقها بطريقة شكل , مرة مع بقدونس , مرة مع نعناع فريش , مرة مع زيتون أخضر , و مرة كانوا حاطيين معها شوي دبس رمان . رح اكتب الوصفة البسيطة الي بحضرها دوما و انت فيك تضيفي اشيا ع زوءك .

بالصحة و الهنا

The post بازركان appeared first on لقمة طيبة.

]]> https://monasaboni.com/%d8%a8%d8%a7%d8%b2%d8%b1%d9%83%d8%a7%d9%86/feed/ 10 شنكليش https://monasaboni.com/%d8%b4%d9%86%d9%83%d9%84%d9%8a%d8%b4/ https://monasaboni.com/%d8%b4%d9%86%d9%83%d9%84%d9%8a%d8%b4/#comments Sun, 20 Apr 2014 20:03:12 +0000 منى http://monasaboni.com/?p=3183 شنكليش أو سوركة واحدة من الوصفات الي ما تركت شغلة ما جربتها لحتى تطلع معي , مين ما شوف من الستات الكبارية أسألهن , مين ما صحلي حدى من شي ضيعة من ضيعنا الحلوة اسألوا , و حتى اجتني كتير وصفات من زوار الموقع الكرام .. كنت جرب و جرب و جرب , يطلع معي […]

The post شنكليش appeared first on لقمة طيبة.

]]> شنكليش أو سوركة واحدة من الوصفات الي ما تركت شغلة ما جربتها لحتى تطلع معي , مين ما شوف من الستات الكبارية أسألهن , مين ما صحلي حدى من شي ضيعة من ضيعنا الحلوة اسألوا , و حتى اجتني كتير وصفات من زوار الموقع الكرام .. كنت جرب و جرب و جرب , يطلع معي اشيا طيبة بس بتشبه كرات اللبنة , اكتر منها الشنكليش .
المهم شفت وصفة لسها في جروبها tea and cake و جربتها , كتير كانت سهلة , المقادير كلها تحت ايدي , قمت فوراً و جربتها , ريحتها كانت روعة , لونها طلع بيعقد , شغلهاا كان متعة و الأهم انها كانت خالصة بربع ساعة , شي ما بيتسدق و وصفة ما فيها جنس التعقيد ..
لتيتها بالفليفلة و الزعتر , و خليتها تنشف شي اسبوع , و بعدها اجى وقت الدوااق , مممم , فعلاً روووعة و اطيب من اطيب شنكليش خرج تشتريه من السوق . تسلم دياتك سهى .
إذا ما في عندك قريشة ففي حلينن ادامك , اما تجيبي لبن بقر و تغليه ع النار مع عصرة ليمونة لوقت يفرط , بعدها بتخليه يبرد و تصفيه و تستعمليه في الوصفة و هادا افضل حل , و في حل سريع هو انك تحضري الوصفة باستعمال الفيتا , بس طبعاً ما في داعي تضيفي ملح لان الفيتا مالحة و خالصة

بالصحة و الهنا

The post شنكليش appeared first on لقمة طيبة.

]]> https://monasaboni.com/%d8%b4%d9%86%d9%83%d9%84%d9%8a%d8%b4/feed/ 32 الزيتون المكلس https://monasaboni.com/%d8%a7%d9%84%d8%b2%d9%8a%d8%aa%d9%88%d9%86-%d8%a7%d9%84%d9%85%d9%83%d9%84%d8%b3/ https://monasaboni.com/%d8%a7%d9%84%d8%b2%d9%8a%d8%aa%d9%88%d9%86-%d8%a7%d9%84%d9%85%d9%83%d9%84%d8%b3/#comments Sat, 14 Dec 2013 12:05:37 +0000 منى http://monasaboni.com/?p=2776 من كم سنة , أيام ما كنت بدي جرب حضر كل شي بالبيت , جربت كلّس الزيتون على إيدي و نجح و كان كتير طيب , بس راحت و رحنا و ما عدت عدتها للتجربة . هل السنة كنا بجمعة و حكوا على تكليس الزيتون , قمت ارجعت اشتهيت حضره , الي شجعني اكتر انو […]

The post الزيتون المكلس appeared first on لقمة طيبة.

]]> من كم سنة , أيام ما كنت بدي جرب حضر كل شي بالبيت , جربت كلّس الزيتون على إيدي و نجح و كان كتير طيب , بس راحت و رحنا و ما عدت عدتها للتجربة .


هل السنة كنا بجمعة و حكوا على تكليس الزيتون , قمت ارجعت اشتهيت حضره , الي شجعني اكتر انو ل كم يوم اسمع انو فلانة كلّست زيتون و علانة كمان كلّست , و خالتي و مرت خالي و خالة امي و و و , قمت نفضت غبرة الكسل عني و قلت بدي كلسه أنا هل السنة كمان ..


لما كلّسته من زمان أستعملت الكلسة , بس كل الي جربها هل السنة استخدم القطرونة , قمت قررت استعملها انا كمان , و الطريقة مو صعبة أبداً بس بتاخد شوي وقت , و بدها انو يبقى الزيتون براسنا و نحركوا كل شوي وقت يكون منقوع بالقطرونة و كمان وقت نكون عم نحليه من القطرونة , و هي شغلة كتير مهمة لتكليس الزيتون لحتى تنجح العملية و يطلع الزيتون كلو لون واحد . و كمان مهم أنو نختار وعاء يكون فتحته مو كبيرة و نغطي الوج بطبق كبير لحتى ما نخلي و لا زيتونة تتفلحص من التكليس . منحرك و منرجع الطبق فوق الزيتون لحتى نضمن انو كل الحبات مغمورات بشكل كامل ..


أخر شي رح احكي عن اختيار الزيتون المناسب للتكليس , للزيتون المكلس كل ما كانت الحبة كبيرة بيكون أحسن و رح نشوف كذا نوع معروض , منختار الزيتون الي لونه أخضر غامق . و في شغلة اتعلمتها من سهى قمند أنو نشتري الزيتون بعد بداية موسم المطر لأن بيكون الزيت فيه أكتر و طعمته أطيب و كمان بيحلى بسرعة .


كمان من سهى اتعلمت تتبيلة بتجنن للزيتون المكلس , بالعادة الزيتون المكلس مناكله مع خبز و حلاوة , و التتبيلات بس للزيتون المكسر , مع وصفة سهى تبلنا الزيتون المكلس بتتبيلة غير شكل , كان فخاامة و تغير شكل و شي بينعاد كل سنة .


بالصحة و الهنا

The post الزيتون المكلس appeared first on لقمة طيبة.

]]> https://monasaboni.com/%d8%a7%d9%84%d8%b2%d9%8a%d8%aa%d9%88%d9%86-%d8%a7%d9%84%d9%85%d9%83%d9%84%d8%b3/feed/ 4 مخلل القتة https://monasaboni.com/%d9%85%d8%ae%d9%84%d9%84-%d8%a7%d9%84%d9%82%d8%aa%d8%a9/ https://monasaboni.com/%d9%85%d8%ae%d9%84%d9%84-%d8%a7%d9%84%d9%82%d8%aa%d8%a9/#comments Tue, 19 Aug 2008 10:42:58 +0000 منى http://monasaboni.com/?p=343 هي الوصفة الي بحضر فيها كل مخللاتي , مخلل الخيار , مخلل القتة , مخلل القرنبيط , مخلل الجزر , مخلل الملفوف , كلهن كلهن نفس العيار و بغير نوعية الخضرة كل مرة , دوماً بيطلع مقرمش و هش و حامض , ما في أطيب من هيك مخلل . بالهنا و العافية

The post مخلل القتة appeared first on لقمة طيبة.

]]> هي الوصفة الي بحضر فيها كل مخللاتي , مخلل الخيار , مخلل القتة , مخلل القرنبيط , مخلل الجزر , مخلل الملفوف , كلهن كلهن نفس العيار و بغير نوعية الخضرة كل مرة , دوماً بيطلع مقرمش و هش و حامض , ما في أطيب من هيك مخلل .

بالهنا و العافية

The post مخلل القتة appeared first on لقمة طيبة.

]]> https://monasaboni.com/%d9%85%d8%ae%d9%84%d9%84-%d8%a7%d9%84%d9%82%d8%aa%d8%a9/feed/ 8 كاتو رأس العبد https://monasaboni.com/%d9%83%d8%a7%d8%aa%d9%88-%d8%b1%d8%a3%d8%b3-%d8%a7%d9%84%d8%b9%d8%a8%d8%af/ https://monasaboni.com/%d9%83%d8%a7%d8%aa%d9%88-%d8%b1%d8%a3%d8%b3-%d8%a7%d9%84%d8%b9%d8%a8%d8%af/#comments Sat, 26 Jul 2008 01:05:30 +0000 غيث http://monasaboni.com/?p=1561 بسم الله الرحمن الرحيم : هذا النوع من الكاتو معروف جدا بحلب وقد تستغربون من شكله و أنني صنفته من أنواع الكاتو رغم أنه لا يوجد في مقاديره طحين أو بيض أووو و قوامه الرئيسي هو السميد و لكننا نجده يباع في حلب بكل المحلات التي تختص ببيع الكاتو كنوع من أنواع الكاتو بدأ من […]

The post كاتو رأس العبد appeared first on لقمة طيبة.

]]> بسم الله الرحمن الرحيم :

هذا النوع من الكاتو معروف جدا بحلب وقد تستغربون من شكله و أنني صنفته من أنواع الكاتو رغم أنه لا يوجد في مقاديره طحين أو بيض أووو و قوامه الرئيسي هو السميد و لكننا نجده يباع في حلب بكل المحلات التي تختص ببيع الكاتو كنوع من أنواع الكاتو بدأ من منيون وانتهاء بالميني ماركت ..

أما طريقة صنعه فقد أخذتها من أختي الحبيبة و الغالية هناء الله يجزيها الخير يا رب و أتمنى ان تجربوها فهي سهلة و بسيطة و سريعة و إن شاء الله تنال إعجابكم و تدعو لنا .

هذا النوع من الكاتو معروف جدا بحلب وقد تستغربون من شكله و أنني صنفته من أنواع الكاتو رغم أنه لا يوجد في مقاديره طحين أو بيض أووو و قوامه الرئيسي هو السميد و لكننا نجده يباع في حلب بكل المحلات التي تختص ببيع الكاتو كنوع من أنواع الكاتو بدأ من منيون وانتهاء بالميني ماركت ..

أما طريقة صنعه فقد أخذتها من أختي الحبيبة و الغالية هناء الله يجزيها الخير يا رب و أتمنى ان تجربوها فهي سهلة و بسيطة و سريعة و إن شاء الله تنال إعجابكم و تدعو لنا

The post كاتو رأس العبد appeared first on لقمة طيبة.

]]> https://monasaboni.com/%d9%83%d8%a7%d8%aa%d9%88-%d8%b1%d8%a3%d8%b3-%d8%a7%d9%84%d8%b9%d8%a8%d8%af/feed/ 51 سجق رول https://monasaboni.com/%d8%b3%d8%ac%d9%82-%d8%b1%d9%88%d9%84/ https://monasaboni.com/%d8%b3%d8%ac%d9%82-%d8%b1%d9%88%d9%84/#comments Tue, 15 Apr 2008 01:10:04 +0000 منى http://monasaboni.com/?p=329 وصفة سهلة كتير و بتبيض الوج و بلمسة صغيرة رح ناخد طعمة قريبة على السجق الأصلي ببهارات موجودة تحت ايدينا كل يوم , السر بس انو نتبل اللحمة و نخليها تتخمر ع رياحتها و رح يطلع معنا أطيب سجق و أسهل سجق و كمان أنضف سجق , و إذا اتوفرت عندك بهارات من السجق ضيفي […]

The post سجق رول appeared first on لقمة طيبة.

]]> وصفة سهلة كتير و بتبيض الوج و بلمسة صغيرة رح ناخد طعمة قريبة على السجق الأصلي ببهارات موجودة تحت ايدينا كل يوم , السر بس انو نتبل اللحمة و نخليها تتخمر ع رياحتها و رح يطلع معنا أطيب سجق و أسهل سجق و كمان أنضف سجق , و إذا اتوفرت عندك بهارات من السجق ضيفي معلقة صغيرة لحتى تركزي الطعك أكتر .
بالصحة و الهنا

The post سجق رول appeared first on لقمة طيبة.

]]> https://monasaboni.com/%d8%b3%d8%ac%d9%82-%d8%b1%d9%88%d9%84/feed/ 21 فريكة باللحمة https://monasaboni.com/%d9%81%d8%b1%d9%8a%d9%83%d8%a9-%d8%a8%d8%a7%d9%84%d9%84%d8%ad%d9%85%d8%a9/ https://monasaboni.com/%d9%81%d8%b1%d9%8a%d9%83%d8%a9-%d8%a8%d8%a7%d9%84%d9%84%d8%ad%d9%85%d8%a9/#comments Wed, 26 Dec 2007 11:37:06 +0000 منى http://monasaboni.com/?p=1247 فريكة بلحمة ملكة العزايم , ملكة السفرة , و الأحلى من هيك أنو تحضيرها من أسهل الوصفات , لو حضرتيها ع طريقتي , من أول مرة رح تشوفي اديه ناجحة و زابطة معك , مفلفلة و مبهرة و طعمتها و لا أروع . أول سر من أسرار تحضير الفريكة أنها ما بتنغسل , لأن طيابة […]

The post فريكة باللحمة appeared first on لقمة طيبة.

]]> فريكة بلحمة ملكة العزايم , ملكة السفرة , و الأحلى من هيك أنو تحضيرها من أسهل الوصفات , لو حضرتيها ع طريقتي , من أول مرة رح تشوفي اديه ناجحة و زابطة معك , مفلفلة و مبهرة و طعمتها و لا أروع .
أول سر من أسرار تحضير الفريكة أنها ما بتنغسل , لأن طيابة الفريكة بنكهة التشويط , و وقت نغسلها بتروح كل الطعمة و بتصير الفريكة بتزعل :(
لهيك اختيار الفريكة كتير مهم , لازم نختار الحبات الي لونها أخضر غامق و تكون الحبات مو مكسرة , و ريحتها قوية و بتذكرك بريحة الأرض , و تكون نضيفة ما فيها عيدان أو حجر . و قبل الاستخدام بتحطيها ع طبق كبير مدور و اله حرف , متل صينية مثلاً , و بتنسفيها , لحتى إذا في شي ناعم أو عواد بيعودوا بيطيروا .
السر التاني , اتعلمته ماما من واحدة من بنات العشاير , بتعرفوا أهل العشاير مشهوريين بمناسف الفريكة العرمرمية , , و السر ما في أسهل منه , بس هو الي بيعمل كل الفرق , بعد ما تنسفي الفريكة و تحطيها بطنجرة الطبخ بتفركيها بالدهنة و السمنة شوي , و بتخليها ع جنب شي ربع ساعة , هل الفركة رح تخلي الفريكة مفلفلة و طعمتها و لا أروع .
السر التالت بقى أنو لازم ننقع الفريكة بمرقة اللحمة , يعني أنا طابخة 3 كاسات فريكة مثلا , نسفتها و فركتها بالدهنة و السمنة و خليتها ع جنب شي ربع ساعة , هلا بنقعها بش كاستين من مرق سلق اللحمة و بخليها ع جنب لترتاح و تشرب كل المرقة , و بهل المرحلة بضيف البهارات , و بس
خلصت طبخة الفريكة و لو تشوفي كيف رح تطلع معك ما بتعودي تحضريها الا بهي الطريقة ..
إذا عندك طنجرة ضغط فيك تستعمليها لطبخة الفريكة
بالصحة و الهنا

The post فريكة باللحمة appeared first on لقمة طيبة.

]]> https://monasaboni.com/%d9%81%d8%b1%d9%8a%d9%83%d8%a9-%d8%a8%d8%a7%d9%84%d9%84%d8%ad%d9%85%d8%a9/feed/ 14 البهار الحلبي https://monasaboni.com/%d8%a7%d9%84%d8%a8%d9%87%d8%a7%d8%b1-%d8%a7%d9%84%d8%ad%d9%84%d8%a8%d9%8a/ https://monasaboni.com/%d8%a7%d9%84%d8%a8%d9%87%d8%a7%d8%b1-%d8%a7%d9%84%d8%ad%d9%84%d8%a8%d9%8a/#comments Wed, 14 Nov 2007 13:27:33 +0000 منى http://monasaboni.com/?p=541 امبارحة يوم السبت , العطلة الرسمية في سورية بعد يوم الجمعة , أخدت أولادي و رحنا لسوق المدينة و هو واحد من أحلى و أأقدم الأسواق المسقوفة في العالم , بالنسبة الي وقت أكون جنب القلعة , في شعور غريب بيغمرني , شعور إني بنت هل الأرض , بنت هل التاريخ , شعور إني إنسانة […]

The post البهار الحلبي appeared first on لقمة طيبة.

]]> امبارحة يوم السبت , العطلة الرسمية في سورية بعد يوم الجمعة , أخدت أولادي و رحنا لسوق المدينة و هو واحد من أحلى و أأقدم الأسواق المسقوفة في العالم , بالنسبة الي وقت أكون جنب القلعة , في شعور غريب بيغمرني , شعور إني بنت هل الأرض , بنت هل التاريخ , شعور إني إنسانة مو عادية لأن رب العالمين خلاني كون بنت حلب ,. شعور بالعظمة و الجلال . بعشق حلب و خصوصي القسم القديم منها , و بس روح لهونيك لا بحس على الوقت و لا على الناس , بحس بس إني قطعة من تاريخ قديم و مستقبل عظيم إن شا الله ..

درت في السوق و اشتريت كم غرض لازمني , و بعدها وصلت لسوق العطاريين , و هو متل كل الأسواق القديمة , محلات صغيرة كتير جنب بعضها , و كلها متخصصة بالبهارات و التوابل , من هل المحل بشتري أطيب شاي أخضر , و من عند التاني بشتري شاي معطر و ريحتو و طعمتو ما في أطيب منهن , لا تقولولي شاي ليبتون و ما بعرف شو , إلي ما داق هل الشاي ما داق الشاي , و من عند هاد بهارت بطاطا , و من عند هاد كاكاو هولندي فاخر و شي بيتقدم للملوك , و من عند عمو اسماعيل ويس خلطة بهارات حلبية لا يعلى عليها , وقفت عندو و طلبت منه يطحنلي ربع كيلو بهار مشكل , و ببعدها طالعت الليستة و بديت شوف و دوق و أخد الي يعجبني , و هو عبيطحنلي البهارات , خطرلي أسئله إذا كان للبهار الحلبي عيار محدد , قالي طبعا , قلتلو بتقدر تعطيني ياه و إلا سر المصلحة ؟ قال الي طبعا بعطيكي ياه , و طالع كرتونة و أخد قلم من ورا ادنه و كتبلي العيارات , و هيك صار عندي طريقة البهار الحلبي أو الي بيسموه السبع بهارات , و كمان الدقة الحلبية , و كمان الخلطة الحلبية , و إلي هوأهم سر من أسرار مطبخنا الطيب , شكرته كتير , و هو صار يقلي عادي , ما عملت شي , هيك الانسان السوري كريم بطبعه

رجعت على البيت و جربت أحضر ربع الكمية إلي كتبلي ياها , و طلعت رووعة , ريحتها الدافية عطرت مطبخي بأطيب ريحة , ريحة حلب الحلوة :)

سوق البهارات

بالصحة و الهنا

The post البهار الحلبي appeared first on لقمة طيبة.

]]> https://monasaboni.com/%d8%a7%d9%84%d8%a8%d9%87%d8%a7%d8%b1-%d8%a7%d9%84%d8%ad%d9%84%d8%a8%d9%8a/feed/ 32 يبرق https://monasaboni.com/%d8%a7%d9%84%d9%8a%d8%a8%d8%b1%d9%82-%d9%88%d8%b1%d9%82-%d8%a7%d9%84%d8%b9%d9%86%d8%a8-%d8%b9%d9%84%d9%89-%d8%a7%d9%84%d8%b7%d8%b1%d9%8a%d9%82%d8%a9-%d8%a7%d9%84%d8%b3%d9%88%d8%b1%d9%8a%d8%a9/ https://monasaboni.com/%d8%a7%d9%84%d9%8a%d8%a8%d8%b1%d9%82-%d9%88%d8%b1%d9%82-%d8%a7%d9%84%d8%b9%d9%86%d8%a8-%d8%b9%d9%84%d9%89-%d8%a7%d9%84%d8%b7%d8%b1%d9%8a%d9%82%d8%a9-%d8%a7%d9%84%d8%b3%d9%88%d8%b1%d9%8a%d8%a9/#comments Mon, 08 Oct 2007 02:19:42 +0000 منى http://monasaboni.com/?p=843 أطيب و ألذ و أفخم وصفات المطبخ السوري , اليبرق الي بيعشقه الكبار و الصغار و الي لازم يكون مزين كل سفرة عزيمة سورية فخمة , و بيقول المثل : اليبرق يا ما أسهل رمه و يا ما أصعب لفه , لأن تحضيره بده كثير من وقت و صبر , لهيك لازم تحضريه قبل بيوم […]

The post يبرق appeared first on لقمة طيبة.

]]> أطيب و ألذ و أفخم وصفات المطبخ السوري , اليبرق الي بيعشقه الكبار و الصغار و الي لازم يكون مزين كل سفرة عزيمة سورية فخمة , و بيقول المثل : اليبرق يا ما أسهل رمه و يا ما أصعب لفه , لأن تحضيره بده كثير من وقت و صبر , لهيك لازم تحضريه قبل بيوم من موعد التقديم
هلأ حجم حبة اليبرق مو متل اليالنجي , لأن اليالنجياية لازم تكون سمينة شوي , أما اليبرقاية فلازم تكون رفيعة و طويلة و من وصايا الأمهات أن نقول مع كل حبة و وقت عم نلفها سبحان الله و الحمد لله لا اله الا الله و الله أكبر , يا رزاق يا موسع , لطرح البركة في اليبرق ..
اليبرق بده لكثير من الوقت على النار و ممكن يقل الوقت أو يكثر حسب نعومة الورق بس بصورة عامة بده أربع ساعات فأكثر على النار , و أمي الله يخليها تترك اليبرق على نار هادئة كتير لمدة عشر ساعات , يعني متل ضو الشمعة , و بيطلع طري و من ألذ ما يكون .. يم يمممي كتابة هذه الوصفة و أنا صائمة تعذيب الصرااحة …. الحمد لله رح أفطر منه ان شاء الله اليوم

و انا عم اتمشى بالنت , شفت اه خيو هل القصيدة عن اليبرق و حبيت تقروها معي , لحتى يفرط ريقكم شوي .. يقول الشاعر بكري أبو حلب في وصف يبرق أمه المتختخ بالدهن و الحمض و التوم , في قصيدة تعتبر من أجمل ما كتبه و سماها قصيدة اليبرق :grin

يبرق مع العصاعيص
يا حبي
تحتك دهن شرحــــات
متخبي


والتوم نيفا
انسـاب واتسوسح
والريحة آاخ , ولي على قلبي


والمرقة عم
تنضح بحامضهــا
وعم ينقف
الهبّال على
عصبي


وكم يبرقاية
اتفزرّت واتسقسقت
وانبحتت الرزات على
دربــــي

يا يبرق
الأحرار كرمــــالـك أنا
بفخر بكوني مواطنٌ
عربــــــي


جاية عبالي
قول: أنـــــا بحبك
بكل اللغات الشرقي
والغربي


يلله استوي
وحققلي أحلامي
قد ساف قلبي في لظى
اللهبِ


لقد استوى يا
فرحتي وسـعدي
ياعمري يا أنسي وَ يـا
طربي


هاتـــوا
الخبز والطنـجرة كلهــــا
وبعدولي مــــــــا بدي حدا
جنبي


لا أخي ،، لا
أختي لا جدي لا ســـــتي
لا عمي لا عمتي لك لا أمي لا
أبي

عم أمضغ
العصعوص واليبرق سوا
شو هالنعيم هــــادا
يــــاربـــي


اذا رحـــت
فيهــــا بـــــعـــد هالأكلة
ذنبك يـَأمي هادا ……… موذنبي

The post يبرق appeared first on لقمة طيبة.

]]> https://monasaboni.com/%d8%a7%d9%84%d9%8a%d8%a8%d8%b1%d9%82-%d9%88%d8%b1%d9%82-%d8%a7%d9%84%d8%b9%d9%86%d8%a8-%d8%b9%d9%84%d9%89-%d8%a7%d9%84%d8%b7%d8%b1%d9%8a%d9%82%d8%a9-%d8%a7%d9%84%d8%b3%d9%88%d8%b1%d9%8a%d8%a9/feed/ 40