لقمة طيبة » مطبخ سوري https://monasaboni.com الأكل عَ أصوله Fri, 04 Jan 2019 06:56:30 +0000 en-US hourly 1 http://wordpress.org/?v=3.6 مكدوس الشوكي بالفليفلة https://monasaboni.com/%d9%85%d9%83%d8%af%d9%88%d8%b3-%d8%a7%d9%84%d8%b4%d9%88%d9%83%d9%8a-%d8%a8%d8%a7%d9%84%d9%81%d9%84%d9%8a%d9%81%d9%84%d8%a9/ https://monasaboni.com/%d9%85%d9%83%d8%af%d9%88%d8%b3-%d8%a7%d9%84%d8%b4%d9%88%d9%83%d9%8a-%d8%a8%d8%a7%d9%84%d9%81%d9%84%d9%8a%d9%81%d9%84%d8%a9/#comments Thu, 29 May 2014 13:38:49 +0000 منى http://monasaboni.com/?p=3280 كنت حضرت مكدوس الشوكي بطريقة بسيطة و سريعة و كتيرر طيبة , اليوم رح حضره بطريقة تانية , شي بيشبه مكودس الباتنجان , بس على شوكي . هلأ عبكتب الوصفة و ريحة المطبخ كله صايرة من هل المكدوس الطيبة , عبكتب و عبمصمص شفايفي , مع اني رح خلص نص المرطبان , بس ما بقدر […]

The post مكدوس الشوكي بالفليفلة appeared first on لقمة طيبة.

]]> كنت حضرت مكدوس الشوكي بطريقة بسيطة و سريعة و كتيرر طيبة , اليوم رح حضره بطريقة تانية , شي بيشبه مكودس الباتنجان , بس على شوكي . هلأ عبكتب الوصفة و ريحة المطبخ كله صايرة من هل المكدوس الطيبة , عبكتب و عبمصمص شفايفي , مع اني رح خلص نص المرطبان , بس ما بقدر اقاومه , شي بياخد العقل ..

بالصحة و الهنا

The post مكدوس الشوكي بالفليفلة appeared first on لقمة طيبة.

]]> https://monasaboni.com/%d9%85%d9%83%d8%af%d9%88%d8%b3-%d8%a7%d9%84%d8%b4%d9%88%d9%83%d9%8a-%d8%a8%d8%a7%d9%84%d9%81%d9%84%d9%8a%d9%81%d9%84%d8%a9/feed/ 4 سلطة الفطر و الشوكي https://monasaboni.com/%d8%b3%d9%84%d8%b7%d8%a9-%d8%a7%d9%84%d9%81%d8%b7%d8%b1-%d9%88-%d8%a7%d9%84%d8%b4%d9%88%d9%83%d9%8a/ https://monasaboni.com/%d8%b3%d9%84%d8%b7%d8%a9-%d8%a7%d9%84%d9%81%d8%b7%d8%b1-%d9%88-%d8%a7%d9%84%d8%b4%d9%88%d9%83%d9%8a/#comments Mon, 05 May 2014 13:50:56 +0000 منى http://monasaboni.com/?p=3230 فكرة هي السلطة بتشبه سلطة من المطبخ الحلبي , سلطة الشوكي التازة , دوماً بهي الفترة من السنة بحضرها , و ما بشبع منها , بنفس الطريقة المذكورة في الوصفة بس من دون الفطر , و كل ما بحضر هل السلطة بترك الطبخة الرئيسية و بتهنا فيها . هل السنة اتوفقت بفطر تازة و كنت […]

The post سلطة الفطر و الشوكي appeared first on لقمة طيبة.

]]> فكرة هي السلطة بتشبه سلطة من المطبخ الحلبي , سلطة الشوكي التازة , دوماً بهي الفترة من السنة بحضرها , و ما بشبع منها , بنفس الطريقة المذكورة في الوصفة بس من دون الفطر , و كل ما بحضر هل السلطة بترك الطبخة الرئيسية و بتهنا فيها .
هل السنة اتوفقت بفطر تازة و كنت جايبة شوكي , خطرلي ادمجهن مع بعض , ممممممممممم , مو معقول شو طيبة , سلطة الفطر و الشوكي التازة سلطة بتعبي الراس . و بتنعنش القلب بلونها الحلو .
بالصحة و الهنا

The post سلطة الفطر و الشوكي appeared first on لقمة طيبة.

]]> https://monasaboni.com/%d8%b3%d9%84%d8%b7%d8%a9-%d8%a7%d9%84%d9%81%d8%b7%d8%b1-%d9%88-%d8%a7%d9%84%d8%b4%d9%88%d9%83%d9%8a/feed/ 2 بازركان https://monasaboni.com/%d8%a8%d8%a7%d8%b2%d8%b1%d9%83%d8%a7%d9%86/ https://monasaboni.com/%d8%a8%d8%a7%d8%b2%d8%b1%d9%83%d8%a7%d9%86/#comments Mon, 21 Apr 2014 13:44:14 +0000 منى http://monasaboni.com/?p=3198 بازركان واحدة من السلطات الخفيفة الطيبة الي ما بينشبع منها , وقت يكونوا الشنكليشات طيبات , بس ما بديتي فيها ما بتشيلي ايدك ليخلص الصحن ع الأخير , هو و مرقته كمان , مع كاسة شاي و خبز تازة , اللهم أدم النعم و لا تجعلها إلى زوال . هي السلطة بتذكرني بالسفر , نحنا […]

The post بازركان appeared first on لقمة طيبة.

]]> بازركان واحدة من السلطات الخفيفة الطيبة الي ما بينشبع منها , وقت يكونوا الشنكليشات طيبات , بس ما بديتي فيها ما بتشيلي ايدك ليخلص الصحن ع الأخير , هو و مرقته كمان , مع كاسة شاي و خبز تازة , اللهم أدم النعم و لا تجعلها إلى زوال .
هي السلطة بتذكرني بالسفر , نحنا بحلب ما منعرفها و لا منعملها , بس كنا دوما ناكل منها بصلنفة و باللادقية و بحمص و بجبلة , أيام ما كنا نقدر نسافر و الطرقات كانت مفتوحة , هلأ مناكل البازركان بالبيت و منتخيل البحر أو الجبل ادامنا , لوقت ما رب العالمين يفرجها على عباده .
كنت كل مرة دوقها بطريقة شكل , مرة مع بقدونس , مرة مع نعناع فريش , مرة مع زيتون أخضر , و مرة كانوا حاطيين معها شوي دبس رمان . رح اكتب الوصفة البسيطة الي بحضرها دوما و انت فيك تضيفي اشيا ع زوءك .

بالصحة و الهنا

The post بازركان appeared first on لقمة طيبة.

]]> https://monasaboni.com/%d8%a8%d8%a7%d8%b2%d8%b1%d9%83%d8%a7%d9%86/feed/ 10 شنكليش https://monasaboni.com/%d8%b4%d9%86%d9%83%d9%84%d9%8a%d8%b4/ https://monasaboni.com/%d8%b4%d9%86%d9%83%d9%84%d9%8a%d8%b4/#comments Sun, 20 Apr 2014 20:03:12 +0000 منى http://monasaboni.com/?p=3183 شنكليش أو سوركة واحدة من الوصفات الي ما تركت شغلة ما جربتها لحتى تطلع معي , مين ما شوف من الستات الكبارية أسألهن , مين ما صحلي حدى من شي ضيعة من ضيعنا الحلوة اسألوا , و حتى اجتني كتير وصفات من زوار الموقع الكرام .. كنت جرب و جرب و جرب , يطلع معي […]

The post شنكليش appeared first on لقمة طيبة.

]]> شنكليش أو سوركة واحدة من الوصفات الي ما تركت شغلة ما جربتها لحتى تطلع معي , مين ما شوف من الستات الكبارية أسألهن , مين ما صحلي حدى من شي ضيعة من ضيعنا الحلوة اسألوا , و حتى اجتني كتير وصفات من زوار الموقع الكرام .. كنت جرب و جرب و جرب , يطلع معي اشيا طيبة بس بتشبه كرات اللبنة , اكتر منها الشنكليش .
المهم شفت وصفة لسها في جروبها tea and cake و جربتها , كتير كانت سهلة , المقادير كلها تحت ايدي , قمت فوراً و جربتها , ريحتها كانت روعة , لونها طلع بيعقد , شغلهاا كان متعة و الأهم انها كانت خالصة بربع ساعة , شي ما بيتسدق و وصفة ما فيها جنس التعقيد ..
لتيتها بالفليفلة و الزعتر , و خليتها تنشف شي اسبوع , و بعدها اجى وقت الدوااق , مممم , فعلاً روووعة و اطيب من اطيب شنكليش خرج تشتريه من السوق . تسلم دياتك سهى .
إذا ما في عندك قريشة ففي حلينن ادامك , اما تجيبي لبن بقر و تغليه ع النار مع عصرة ليمونة لوقت يفرط , بعدها بتخليه يبرد و تصفيه و تستعمليه في الوصفة و هادا افضل حل , و في حل سريع هو انك تحضري الوصفة باستعمال الفيتا , بس طبعاً ما في داعي تضيفي ملح لان الفيتا مالحة و خالصة

بالصحة و الهنا

The post شنكليش appeared first on لقمة طيبة.

]]> https://monasaboni.com/%d8%b4%d9%86%d9%83%d9%84%d9%8a%d8%b4/feed/ 32 كبة مقلية بدون هبرة https://monasaboni.com/%d9%83%d8%a8%d8%a9-%d9%85%d9%82%d9%84%d9%8a%d8%a9-%d8%a8%d8%af%d9%88%d9%86-%d9%87%d8%a8%d8%b1%d8%a9/ https://monasaboni.com/%d9%83%d8%a8%d8%a9-%d9%85%d9%82%d9%84%d9%8a%d8%a9-%d8%a8%d8%af%d9%88%d9%86-%d9%87%d8%a8%d8%b1%d8%a9/#comments Wed, 25 Dec 2013 05:20:11 +0000 منى http://monasaboni.com/?p=2811 كتير اشيا ما عادت متوفرة متل قبل , او بالاحرى قليل من الاشيا الي صارت متوفرة متل قبل , بس نحنا قدها و قدود , دوما عنا حلول للمشاكل الي بتصير . المعبر مسكر و ما في هبرة , الكهربا مقطوعة و ما في ماكينة كبة , معنا ما في يأس و كل شغلى إلها […]

The post كبة مقلية بدون هبرة appeared first on لقمة طيبة.

]]> كتير اشيا ما عادت متوفرة متل قبل , او بالاحرى قليل من الاشيا الي صارت متوفرة متل قبل , بس نحنا قدها و قدود , دوما عنا حلول للمشاكل الي بتصير .

المعبر مسكر و ما في هبرة , الكهربا مقطوعة و ما في ماكينة كبة , معنا ما في يأس و كل شغلى إلها حلة و دوبارة , و هل الوصفة سميناها في البيت كبة الحصار , لان جكارة بالي عم يحاصرنا و الي عم يقطع علينا الكهربا نحنا ااقوى منكن انتو الاتنين و نحنا أهل البلد بقيانين هون و انتو رايحيين ..

بالصحة و الهنا

The post كبة مقلية بدون هبرة appeared first on لقمة طيبة.

]]> https://monasaboni.com/%d9%83%d8%a8%d8%a9-%d9%85%d9%82%d9%84%d9%8a%d8%a9-%d8%a8%d8%af%d9%88%d9%86-%d9%87%d8%a8%d8%b1%d8%a9/feed/ 20 يهودي مسافر https://monasaboni.com/%d9%8a%d9%87%d9%88%d8%af%d9%8a-%d9%85%d8%b3%d8%a7%d9%81%d8%b1/ https://monasaboni.com/%d9%8a%d9%87%d9%88%d8%af%d9%8a-%d9%85%d8%b3%d8%a7%d9%81%d8%b1/#comments Tue, 25 Oct 2011 11:33:33 +0000 منى http://monasaboni.com/?p=1311 وصفة قديمة و تراثية من المطبخ الشامي و التركي كمان , و واحدة من وصفات الصيف المفضلة عندي , لان خفيفة و سريعة و معها لبن عيران بارد بتنعنش القلب .. اسمها غريب و اصله انه يهود الشام كانوا يسموها ( مسلم هربان ) و لما دريوا المسلمين قالوا يا باطل و ردوا عليهم بان […]

The post يهودي مسافر appeared first on لقمة طيبة.

]]> وصفة قديمة و تراثية من المطبخ الشامي و التركي كمان , و واحدة من وصفات الصيف المفضلة عندي , لان خفيفة و سريعة و معها لبن عيران بارد بتنعنش القلب ..

اسمها غريب و اصله انه يهود الشام كانوا يسموها ( مسلم هربان ) و لما دريوا المسلمين قالوا يا باطل و ردوا عليهم بان صاروا يسموها يهودي مسافر , و انا حابة الفت انتباهكم لهل الوصفة الطيبة و غير هيك ما كنت جبت اسمهم لليهود هون .

الوصفة نفسها بتتحضر في المطبخ التركي و الشامي و الفرق الوحيد انو في المطبخ التركي بيضيفوا للوصفة بعد ما تخلص بقدونس مفروم , انا اذا في عندي بضيف و اذا ما في عادي و بالطريقتين الطعمة طيبة و كل واحدة الها نكهة مختلفة غير التانية . و كمان ممكن تحضري الوصفة باللحمة , بتقلي البصل مع اللحمة و بعدها بتضيفي البندورة و بس ما استوت اللحمة بتضيفي البرغل و بتخليه لحتى يستوي .. بس انا بحبها نباتية لان سهلة و سريعة و بنص ساعة بتكون صارت على السفرة و بصورة عامة بالصيف بحب الوصفات النباتية اكتر .

بالصحة و الهنا

The post يهودي مسافر appeared first on لقمة طيبة.

]]> https://monasaboni.com/%d9%8a%d9%87%d9%88%d8%af%d9%8a-%d9%85%d8%b3%d8%a7%d9%81%d8%b1/feed/ 20 كبة سماقية https://monasaboni.com/%d9%83%d8%a8%d8%a9-%d8%b3%d9%85%d8%a7%d9%82%d9%8a%d8%a9/ https://monasaboni.com/%d9%83%d8%a8%d8%a9-%d8%b3%d9%85%d8%a7%d9%82%d9%8a%d8%a9/#comments Mon, 19 Jan 2009 07:29:39 +0000 منى http://monasaboni.com/?p=1637 في موسوعة خير الدين الأسدي بيقول أنو في أكتر من 58 نوع كبة بحلب , و الحقيقة أنو في اكتر من هيك بكتير , في انواع كتير مشهورة , في أنواع خاصة بحلب , و في أنواع ما بيحضروها الا اخوتنا المسيحية و خصوصي بايام صيامهن , المهم هلأ أنو كبة سماقية هي واحدة من […]

The post كبة سماقية appeared first on لقمة طيبة.

]]> في موسوعة خير الدين الأسدي بيقول أنو في أكتر من 58 نوع كبة بحلب , و الحقيقة أنو في اكتر من هيك بكتير , في انواع كتير مشهورة , في أنواع خاصة بحلب , و في أنواع ما بيحضروها الا اخوتنا المسيحية و خصوصي بايام صيامهن , المهم هلأ أنو كبة سماقية هي واحدة من أطيب و ألذ الأنواع و إلي ما بتتحضر الا بحلب .
.

بينادي البياع في الشارع : أطيب من الكماية يا بانجان و ما بتلاقي الا الستات رفعوا كمامهن و بلشوا تحضير المحاشي و المخلل و كمان الكبة السماقية , يممي

تحضر السماقية من السماق الي يطبخ مع الباذنجان و ممكن تتحضر سماقية الأرضي شوكي بنفس الطريقة تماماً و ممكن المزج بين الباذنجان و الشوكي و كله مع العافية ما في أطيب منه . و كمان في وصفة في حلب اسمها كبة جلغم و هي مو كتير معروفة و الاسم مأخوذ من العراق لان في العراق بيسموا اللفت شلغم و لوقت ما وصلت لعندنا صارت جلغم , هي الكبة تنعمل بنفس طريقة سماقية الباذنجان مع استبدال الباذنجان باللفت . و أكيد كبة حامض شلغم العراقية كتير مختلفة عن كبة جلغم الحلبية . و أخر الشي في غزة الحبيبة وصفة الها نفس الاسم : سماقية و هي تختلف تماماً عن السماقية السورية و إذا الله راد ببقى بنزل وصفة سماقية غزة و وصفة حامض شلغم قريب إذا ربنا عطاني عمر .

مرق السماقية بيتحضر و بيتقدم مع الكبة و ممكن تحضيرها و تقديمها مع المغربية عوض عن الكفتة بالصلصة . و أكيد الحمض في الوصفة ممكن يتعدل حسب الرغبة و الزوء .

بألف صحة و هنا

The post كبة سماقية appeared first on لقمة طيبة.

]]> https://monasaboni.com/%d9%83%d8%a8%d8%a9-%d8%b3%d9%85%d8%a7%d9%82%d9%8a%d8%a9/feed/ 19 مقلوبة القرنبيط باللحمة https://monasaboni.com/%d9%85%d9%82%d9%84%d9%88%d8%a8%d8%a9-%d8%a7%d9%84%d9%82%d8%b1%d9%86%d8%a8%d9%8a%d8%b7/ https://monasaboni.com/%d9%85%d9%82%d9%84%d9%88%d8%a8%d8%a9-%d8%a7%d9%84%d9%82%d8%b1%d9%86%d8%a8%d9%8a%d8%b7/#comments Thu, 25 Dec 2008 03:42:56 +0000 منى http://monasaboni.com/?p=1273 مقلوبة القرنبيط من اطيب وصفات الشتي عندي , مع مخلل اللفت أو كاسة لبن عيران او سلطة حامضة , مممم يم يم . و هي الوصفة كانت كتير صعبة علي باول فوتتي ع المطبخ , تطلع معي شي طيب طعمتو متل المقلوبة , بس تطلع مقلوبة بس قالبة وجها , هيك قايمة و قاعدة لوقت […]

The post مقلوبة القرنبيط باللحمة appeared first on لقمة طيبة.

]]> مقلوبة القرنبيط من اطيب وصفات الشتي عندي , مع مخلل اللفت أو كاسة لبن عيران او سلطة حامضة , مممم يم يم . و هي الوصفة كانت كتير صعبة علي باول فوتتي ع المطبخ , تطلع معي شي طيب طعمتو متل المقلوبة , بس تطلع مقلوبة بس قالبة وجها , هيك قايمة و قاعدة لوقت ما صرت حضرها بغير طريقة , صرت أحط أول الشي الرز المبهر و المتبل بطنجرة كبيرة , و بحط فوقه قطع اللحمة و القرنبيط و بصب فوقهن المرقة المغلية شوي شوي و بعدها أطبخها و كاني عبطبخ رز عادي . بطفي النار و بخليها ربع ساعة ليتفلفل الرز و بعدها بجيب وعاء عميق دائري و برتب فيه اللحمة و القرنبيط و فوقهن الرز , بكبس بطبق مستدير و بخليهن كم دقيقة و بعدها بقلبهن , و هيك صارت مقلوبتي حمو بس طيبة و حلوة كمان . بقى انتي فيكي تحضريها بهي الطريقة أو تحضريها متل مو مذكور تحت بالوصفة , يعني بالطريقة الي بيعملوها امهاتنا :)
المقلوبة أصولها بالرز المصري , بس بعد كتير تجارب طلع معي انو افضل نتيجة مناخدها اذا طبخنا نوعين رز مع بعضهن , انا بحب طعمة الرز المصري و فلفلة الرز البسمتي , وقت نستخدم نوعين مناخد طعمة و شكل و أكيد في فيكي تستعملوا نوع واحد
بالصحة و الهنا

The post مقلوبة القرنبيط باللحمة appeared first on لقمة طيبة.

]]> https://monasaboni.com/%d9%85%d9%82%d9%84%d9%88%d8%a8%d8%a9-%d8%a7%d9%84%d9%82%d8%b1%d9%86%d8%a8%d9%8a%d8%b7/feed/ 28 مخلل القتة https://monasaboni.com/%d9%85%d8%ae%d9%84%d9%84-%d8%a7%d9%84%d9%82%d8%aa%d8%a9/ https://monasaboni.com/%d9%85%d8%ae%d9%84%d9%84-%d8%a7%d9%84%d9%82%d8%aa%d8%a9/#comments Tue, 19 Aug 2008 10:42:58 +0000 منى http://monasaboni.com/?p=343 هي الوصفة الي بحضر فيها كل مخللاتي , مخلل الخيار , مخلل القتة , مخلل القرنبيط , مخلل الجزر , مخلل الملفوف , كلهن كلهن نفس العيار و بغير نوعية الخضرة كل مرة , دوماً بيطلع مقرمش و هش و حامض , ما في أطيب من هيك مخلل . بالهنا و العافية

The post مخلل القتة appeared first on لقمة طيبة.

]]> هي الوصفة الي بحضر فيها كل مخللاتي , مخلل الخيار , مخلل القتة , مخلل القرنبيط , مخلل الجزر , مخلل الملفوف , كلهن كلهن نفس العيار و بغير نوعية الخضرة كل مرة , دوماً بيطلع مقرمش و هش و حامض , ما في أطيب من هيك مخلل .

بالهنا و العافية

The post مخلل القتة appeared first on لقمة طيبة.

]]> https://monasaboni.com/%d9%85%d8%ae%d9%84%d9%84-%d8%a7%d9%84%d9%82%d8%aa%d8%a9/feed/ 8 فريكة باللحمة https://monasaboni.com/%d9%81%d8%b1%d9%8a%d9%83%d8%a9-%d8%a8%d8%a7%d9%84%d9%84%d8%ad%d9%85%d8%a9/ https://monasaboni.com/%d9%81%d8%b1%d9%8a%d9%83%d8%a9-%d8%a8%d8%a7%d9%84%d9%84%d8%ad%d9%85%d8%a9/#comments Wed, 26 Dec 2007 11:37:06 +0000 منى http://monasaboni.com/?p=1247 فريكة بلحمة ملكة العزايم , ملكة السفرة , و الأحلى من هيك أنو تحضيرها من أسهل الوصفات , لو حضرتيها ع طريقتي , من أول مرة رح تشوفي اديه ناجحة و زابطة معك , مفلفلة و مبهرة و طعمتها و لا أروع . أول سر من أسرار تحضير الفريكة أنها ما بتنغسل , لأن طيابة […]

The post فريكة باللحمة appeared first on لقمة طيبة.

]]> فريكة بلحمة ملكة العزايم , ملكة السفرة , و الأحلى من هيك أنو تحضيرها من أسهل الوصفات , لو حضرتيها ع طريقتي , من أول مرة رح تشوفي اديه ناجحة و زابطة معك , مفلفلة و مبهرة و طعمتها و لا أروع .
أول سر من أسرار تحضير الفريكة أنها ما بتنغسل , لأن طيابة الفريكة بنكهة التشويط , و وقت نغسلها بتروح كل الطعمة و بتصير الفريكة بتزعل :(
لهيك اختيار الفريكة كتير مهم , لازم نختار الحبات الي لونها أخضر غامق و تكون الحبات مو مكسرة , و ريحتها قوية و بتذكرك بريحة الأرض , و تكون نضيفة ما فيها عيدان أو حجر . و قبل الاستخدام بتحطيها ع طبق كبير مدور و اله حرف , متل صينية مثلاً , و بتنسفيها , لحتى إذا في شي ناعم أو عواد بيعودوا بيطيروا .
السر التاني , اتعلمته ماما من واحدة من بنات العشاير , بتعرفوا أهل العشاير مشهوريين بمناسف الفريكة العرمرمية , , و السر ما في أسهل منه , بس هو الي بيعمل كل الفرق , بعد ما تنسفي الفريكة و تحطيها بطنجرة الطبخ بتفركيها بالدهنة و السمنة شوي , و بتخليها ع جنب شي ربع ساعة , هل الفركة رح تخلي الفريكة مفلفلة و طعمتها و لا أروع .
السر التالت بقى أنو لازم ننقع الفريكة بمرقة اللحمة , يعني أنا طابخة 3 كاسات فريكة مثلا , نسفتها و فركتها بالدهنة و السمنة و خليتها ع جنب شي ربع ساعة , هلا بنقعها بش كاستين من مرق سلق اللحمة و بخليها ع جنب لترتاح و تشرب كل المرقة , و بهل المرحلة بضيف البهارات , و بس
خلصت طبخة الفريكة و لو تشوفي كيف رح تطلع معك ما بتعودي تحضريها الا بهي الطريقة ..
إذا عندك طنجرة ضغط فيك تستعمليها لطبخة الفريكة
بالصحة و الهنا

The post فريكة باللحمة appeared first on لقمة طيبة.

]]> https://monasaboni.com/%d9%81%d8%b1%d9%8a%d9%83%d8%a9-%d8%a8%d8%a7%d9%84%d9%84%d8%ad%d9%85%d8%a9/feed/ 14 خضرة مشكلة https://monasaboni.com/%d8%ae%d8%b6%d8%b1%d8%a9-%d9%85%d8%b4%d9%83%d9%84%d8%a9/ https://monasaboni.com/%d8%ae%d8%b6%d8%b1%d8%a9-%d9%85%d8%b4%d9%83%d9%84%d8%a9/#comments Tue, 16 Oct 2007 02:30:36 +0000 منى http://monasaboni.com/?p=845 هل الوصفة الرائعة اتعلمتها من بنت احماي هلا و الي هي اتعلمتها من حماتها خالة لميس , الله يرحم روحها , وصفة بتاكلي بتاكلي منها ما بتشبعي , ع كتر مو طيبة و ع كتر مو الوانها بتفتح النفس , شغلةةة . و نحنا ع كتر ما منحبها من تحت ديات هلا منطلب منها تحضرلنا […]

The post خضرة مشكلة appeared first on لقمة طيبة.

]]> هل الوصفة الرائعة اتعلمتها من بنت احماي هلا و الي هي اتعلمتها من حماتها خالة لميس , الله يرحم روحها , وصفة بتاكلي بتاكلي منها ما بتشبعي , ع كتر مو طيبة و ع كتر مو الوانها بتفتح النفس , شغلةةة . و نحنا ع كتر ما منحبها من تحت ديات هلا منطلب منها تحضرلنا اياها بكل عزيمة .
دقناها مرة بالشام بمطعم الكمال و كان حاطط تشكيلة كبيرة من الخضرة , بامة و كوسا و باتنجان , و مرة فاصوليا و ذرة , انت استخدمي الخضرة الي بتحبيها , بس انا شفت انو اطيب توليفة هي الخضرة الي ذكرتها بالوصفة .
تقشير الخضرة و تقطيعها ممكن ياخد وقت , بقى اذا كنت مستعجلة ممكن تجهزي الخضرة قبل بيوم , تغمري البطاطا بالمي , و الباقي حطيهم بكيس نايلون بيتسكر منيح و تاني يوم ع الطبخ فوراً .
بالصحة و الهنا

The post خضرة مشكلة appeared first on لقمة طيبة.

]]> https://monasaboni.com/%d8%ae%d8%b6%d8%b1%d8%a9-%d9%85%d8%b4%d9%83%d9%84%d8%a9/feed/ 20 يبرق https://monasaboni.com/%d8%a7%d9%84%d9%8a%d8%a8%d8%b1%d9%82-%d9%88%d8%b1%d9%82-%d8%a7%d9%84%d8%b9%d9%86%d8%a8-%d8%b9%d9%84%d9%89-%d8%a7%d9%84%d8%b7%d8%b1%d9%8a%d9%82%d8%a9-%d8%a7%d9%84%d8%b3%d9%88%d8%b1%d9%8a%d8%a9/ https://monasaboni.com/%d8%a7%d9%84%d9%8a%d8%a8%d8%b1%d9%82-%d9%88%d8%b1%d9%82-%d8%a7%d9%84%d8%b9%d9%86%d8%a8-%d8%b9%d9%84%d9%89-%d8%a7%d9%84%d8%b7%d8%b1%d9%8a%d9%82%d8%a9-%d8%a7%d9%84%d8%b3%d9%88%d8%b1%d9%8a%d8%a9/#comments Mon, 08 Oct 2007 02:19:42 +0000 منى http://monasaboni.com/?p=843 أطيب و ألذ و أفخم وصفات المطبخ السوري , اليبرق الي بيعشقه الكبار و الصغار و الي لازم يكون مزين كل سفرة عزيمة سورية فخمة , و بيقول المثل : اليبرق يا ما أسهل رمه و يا ما أصعب لفه , لأن تحضيره بده كثير من وقت و صبر , لهيك لازم تحضريه قبل بيوم […]

The post يبرق appeared first on لقمة طيبة.

]]> أطيب و ألذ و أفخم وصفات المطبخ السوري , اليبرق الي بيعشقه الكبار و الصغار و الي لازم يكون مزين كل سفرة عزيمة سورية فخمة , و بيقول المثل : اليبرق يا ما أسهل رمه و يا ما أصعب لفه , لأن تحضيره بده كثير من وقت و صبر , لهيك لازم تحضريه قبل بيوم من موعد التقديم
هلأ حجم حبة اليبرق مو متل اليالنجي , لأن اليالنجياية لازم تكون سمينة شوي , أما اليبرقاية فلازم تكون رفيعة و طويلة و من وصايا الأمهات أن نقول مع كل حبة و وقت عم نلفها سبحان الله و الحمد لله لا اله الا الله و الله أكبر , يا رزاق يا موسع , لطرح البركة في اليبرق ..
اليبرق بده لكثير من الوقت على النار و ممكن يقل الوقت أو يكثر حسب نعومة الورق بس بصورة عامة بده أربع ساعات فأكثر على النار , و أمي الله يخليها تترك اليبرق على نار هادئة كتير لمدة عشر ساعات , يعني متل ضو الشمعة , و بيطلع طري و من ألذ ما يكون .. يم يمممي كتابة هذه الوصفة و أنا صائمة تعذيب الصرااحة …. الحمد لله رح أفطر منه ان شاء الله اليوم

و انا عم اتمشى بالنت , شفت اه خيو هل القصيدة عن اليبرق و حبيت تقروها معي , لحتى يفرط ريقكم شوي .. يقول الشاعر بكري أبو حلب في وصف يبرق أمه المتختخ بالدهن و الحمض و التوم , في قصيدة تعتبر من أجمل ما كتبه و سماها قصيدة اليبرق :grin

يبرق مع العصاعيص
يا حبي
تحتك دهن شرحــــات
متخبي


والتوم نيفا
انسـاب واتسوسح
والريحة آاخ , ولي على قلبي


والمرقة عم
تنضح بحامضهــا
وعم ينقف
الهبّال على
عصبي


وكم يبرقاية
اتفزرّت واتسقسقت
وانبحتت الرزات على
دربــــي

يا يبرق
الأحرار كرمــــالـك أنا
بفخر بكوني مواطنٌ
عربــــــي


جاية عبالي
قول: أنـــــا بحبك
بكل اللغات الشرقي
والغربي


يلله استوي
وحققلي أحلامي
قد ساف قلبي في لظى
اللهبِ


لقد استوى يا
فرحتي وسـعدي
ياعمري يا أنسي وَ يـا
طربي


هاتـــوا
الخبز والطنـجرة كلهــــا
وبعدولي مــــــــا بدي حدا
جنبي


لا أخي ،، لا
أختي لا جدي لا ســـــتي
لا عمي لا عمتي لك لا أمي لا
أبي

عم أمضغ
العصعوص واليبرق سوا
شو هالنعيم هــــادا
يــــاربـــي


اذا رحـــت
فيهــــا بـــــعـــد هالأكلة
ذنبك يـَأمي هادا ……… موذنبي

The post يبرق appeared first on لقمة طيبة.

]]> https://monasaboni.com/%d8%a7%d9%84%d9%8a%d8%a8%d8%b1%d9%82-%d9%88%d8%b1%d9%82-%d8%a7%d9%84%d8%b9%d9%86%d8%a8-%d8%b9%d9%84%d9%89-%d8%a7%d9%84%d8%b7%d8%b1%d9%8a%d9%82%d8%a9-%d8%a7%d9%84%d8%b3%d9%88%d8%b1%d9%8a%d8%a9/feed/ 40