لقمة طيبة » لوز https://monasaboni.com الأكل عَ أصوله Fri, 04 Jan 2019 06:56:30 +0000 en-US hourly 1 http://wordpress.org/?v=3.6 عجينة التارت باللوز على طريقة بيير هيرميه https://monasaboni.com/%d8%b9%d8%ac%d9%8a%d9%86%d8%a9-%d8%a7%d9%84%d8%aa%d8%a7%d8%b1%d8%aa-%d8%a8%d8%a7%d9%84%d9%84%d9%88%d8%b2-%d8%b9%d9%84%d9%89-%d8%b7%d8%b1%d9%8a%d9%82%d8%a9-%d8%a8%d9%8a%d9%8a%d8%b1-%d9%87%d9%8a%d8%b1/ https://monasaboni.com/%d8%b9%d8%ac%d9%8a%d9%86%d8%a9-%d8%a7%d9%84%d8%aa%d8%a7%d8%b1%d8%aa-%d8%a8%d8%a7%d9%84%d9%84%d9%88%d8%b2-%d8%b9%d9%84%d9%89-%d8%b7%d8%b1%d9%8a%d9%82%d8%a9-%d8%a8%d9%8a%d9%8a%d8%b1-%d9%87%d9%8a%d8%b1/#comments Fri, 02 Nov 2018 08:39:56 +0000 منى http://monasaboni.com/?p=4023 عجينة التارت باللوز على طريقة بيير هيرميه في سنة 2016 كان في فكرة ان نهاجر من البلد وبالفعل بدينا نرتب امورنا ونظمها على هل الاساس .. كان في عندي خزانة كبيرة بطول حيط وبعرض متر ونص ..كانت خزانتي الي برتب فيها الاشياء الخاصة بالتصوير من خلفيات وقماشات واشياء تانية كنت جامعتها على مدة اكتر من […]

The post عجينة التارت باللوز على طريقة بيير هيرميه appeared first on لقمة طيبة.

]]> Pâte sucrée façon Pierre Hermé

Pâte sucrée façon Pierre Hermé

عجينة التارت باللوز على طريقة بيير هيرميه

في سنة 2016 كان في فكرة ان نهاجر من البلد وبالفعل بدينا نرتب امورنا ونظمها على هل الاساس .. كان في عندي خزانة كبيرة بطول حيط وبعرض متر ونص ..كانت خزانتي الي برتب فيها الاشياء الخاصة بالتصوير من خلفيات وقماشات واشياء تانية كنت جامعتها على مدة اكتر من 6 سنين .. هل الخزانة كلها فضيت لما بديت اجهز للهجرة .

الي صار بعدها ان الهجرة ما زبطت لاكتر من سبب ونحن بقينا هون وخزانتي صارت فاضية

هلق لما رجعت اصور للموقع اكتشفت حرفيا اني نسيانة كتير كتير ..ولما ارجع طلع بصوري القديمة عبقول لحالي والله كنت فنانة :D .. ييي هي القطعة الي ورا فرقتها وهي عطيتها لرفيقتي وهي مابعرف وين صارت ..وشو هي ..انا كان عندي هيك شي !! .. يعني هلق بديانة من الصفر ( او تقريبا من الصفر ).

مشان هيك رح تكون الصور حاليا بسيطة حتى ترجع تكبر خزانتي ان شالله .

متل ما شايفين في الصورة البسيطة واحدة من ابسط الوصفات الي ممكن نتعلمها : عجينة التارت .. بس متل كل الوصفات السهلة ..الوصفة البسيطة في الها كتير اسرار حتى تكون ناجحة .يعني الواحد بحاجة يكون عنده وصفة اساس يعتمدها ومن بعدها يمشي وينوع في النكهات ، اذا كان بدك هيك وصفة فهي الوصفة الي كنتي عبتدوري عليها ز. انا معتمدتها في شغلي ومنها بحضر تارت الحروف والارقام ( الاكثر طلبا عند منى )

اليوم رح قدملكم وصفة لشيف من اشهر الشيفات الفرنسيين والي بمجرد ما ينذكر اسمه رح نتذكر الابداع والتجديد واللمسة الراقية ..شيف بير هيرميه Pierre Hermé .. منهم بيسموه مهندس الحلويات .. كتير قدم في مجال الماكرون لان هو واحد من افضل مين خلق وابتكر نكهات جديدة اله . عنده كتير كتب خاصة بالحلويات الشوكولا والتارت والماكرون .. انا جربت اله عجينة تارت اللوز ..وكانت ولا اروع ولا اطيب ولا اسهل ولا احسن . مع تعديلين تلاتة صارت حفر وتنزيل الي .

أسرار الوصفة :
اول الشي استخدام الميزان لقياس المقادير .. انا رح اعطيكم المقادير بالكوب وبالغرامات ، بتمنى اذا حابين تجربوا الوصفة الدقيقة تقيسوا المقادير بالميزان . ارجوكم جيبوا ميزان للحلويات .. هاد اهم قطعة في مطبخ الحلويات بعد الفرن والخفاقة.

تاني شي بعد اضافة السوائل ( الي هو البيض هون ) للازم العجن يكون بلطف وبس حتى تلم العجينة ، بمجرد ما تلم منكتفي . زيادة العجن رح تخلي التارت يصير قاسي ومو هش بعد الخبز.

تالت الشي التبريد التبريد ومن ثم التبريد . يعني منعجن وبعدها منبرد العجينة ومنريحها ، هل الشي رح يخلي العجين يساعدني في المد وما يشقشق اثناء الشغل ، وقبل الخبز كمان التبريد مهم جدا حتى تبقى العجينة محافظة على شكلها وما تنتفخ من هون او هون واخر الشي التبريد مهم بعد الخبز حتى ما تفتت العجينة لما نقلبها من القالب .
.

رابع شي لما نشكل العجينة يفضل استخدام ورق زبدة للرق عواض عن رش الطحين ، لان اذ رشينا طحين وبعدها رجعنا لمينا باقي العجين وعدنا تشكيله رح تتغير مقادير العجينة نفسها وتصير قاسية

هي الاسرار مهمة لاي عجينة تارت بغض النظر عن المقادير الي رح تستعملوها .. وهيك صارت الوصفة واسرارها بين ايديكم .. بشوفكم عل خير اسبوعالقادم ان شالله

لا تحرموني من تواجدكم وردودكم وتفاعلكم وبالصحة والهنا .

The post عجينة التارت باللوز على طريقة بيير هيرميه appeared first on لقمة طيبة.

]]> https://monasaboni.com/%d8%b9%d8%ac%d9%8a%d9%86%d8%a9-%d8%a7%d9%84%d8%aa%d8%a7%d8%b1%d8%aa-%d8%a8%d8%a7%d9%84%d9%84%d9%88%d8%b2-%d8%b9%d9%84%d9%89-%d8%b7%d8%b1%d9%8a%d9%82%d8%a9-%d8%a8%d9%8a%d9%8a%d8%b1-%d9%87%d9%8a%d8%b1/feed/ 18 كاتو النسكافيه و الجوز https://monasaboni.com/%d9%83%d8%a7%d8%aa%d9%88-%d8%a7%d9%84%d9%86%d8%b3%d9%83%d8%a7%d9%81%d9%8a%d9%87-%d9%88-%d8%a7%d9%84%d8%ac%d9%88%d8%b2/ https://monasaboni.com/%d9%83%d8%a7%d8%aa%d9%88-%d8%a7%d9%84%d9%86%d8%b3%d9%83%d8%a7%d9%81%d9%8a%d9%87-%d9%88-%d8%a7%d9%84%d8%ac%d9%88%d8%b2/#comments Tue, 13 May 2014 19:45:59 +0000 منى http://monasaboni.com/?p=3251 صار الي كتير زمان ما حضرت كيك ع مزاجي , و زمان ما دخلت ع المطبخ و قلت يلا ع شي حلو و جديد . ع جية الكهربا رجعت اتشجعت . و فتت ع المطبخ و قلت يلا علييهن حضرت هل الوصفة , كاتو النسكافيه و الجوز , و هي الوصفة رح تعجب كتير الصبايا […]

The post كاتو النسكافيه و الجوز appeared first on لقمة طيبة.

]]> صار الي كتير زمان ما حضرت كيك ع مزاجي , و زمان ما دخلت ع المطبخ و قلت يلا ع شي حلو و جديد . ع جية الكهربا رجعت اتشجعت . و فتت ع المطبخ و قلت يلا علييهن :) حضرت هل الوصفة , كاتو النسكافيه و الجوز , و هي الوصفة رح تعجب كتير الصبايا الي بيدورا على وصفة فيها مكسرات لحتى تتوزع المكسرات في كل القالب , مو تغوص لتحت و تحترق , وصفة الكيك نفسها أنا معتمدتها من زمان بس بغير فيها شي كل مرة , و الكيك رح يطلع غني و بيدوب بالتم دوبان و ما في ثقوب , و هادا أكتر شي بحبه بالكيك . ما بحب أبدا الكيك النفاش الي بيشبه الكاتويات القديمة الهوائية , هو بيجوز يكون طيب , بس أنا ما كتير بحبه .
أما الكريما فكنت حابة حضر شي كمان فيه نسكافيه , بس شي ع السريع , خطرلي البيشاميل فطبقت شي قريب عليه , حطيت المقادير كلها على بعضها , و خفقة صغيرة على النار , رشة فانيليا , و قطعة زبدة و بس , أطيب و أشهى و أسهل كريما , و مو بس طيبة , كمان بتعطيكي شكل حلو ع الكيك , هيك بيصير كأنو متعوب عليه و أخد شغل خيرات الله منك , و انت بتكوني يا دوب كتيتي الكريما كت ع الكاتو , و أهما شي انك تستني الكريما شوي لتبرد قبل ما تصبيها , بس كمان مو تستنيها كتير بتعود بتصير قاسية و ما بتلبس القلب لبس , يعني وقت تحسي أنو الكريما بديت تسمك منصبها على مهلنا فوق الكاتو و هيك رح تغلفه كله بنعومة و تنزل على الأطراف بشكل مغري . و هل الكريما صار جربتها بالكراميل و كمان بالشوكولا و مرة تركتها سادة , كتير سهلة و طيبة
لهل القالب بحب أختار قالب كبير لحتى ما يكون الكيك سميك , لان ما رح أحشيه , بس كريما الوج . و كمان إذا بدك فيك تحضريه باللوز , أو بالجوز أو بالبندق , أيا نوع مكسرات بتحبيه , فيك تستعمليه حسب زوءك .
بتمنى تجربيه و بالصحة و الهنا

The post كاتو النسكافيه و الجوز appeared first on لقمة طيبة.

]]> https://monasaboni.com/%d9%83%d8%a7%d8%aa%d9%88-%d8%a7%d9%84%d9%86%d8%b3%d9%83%d8%a7%d9%81%d9%8a%d9%87-%d9%88-%d8%a7%d9%84%d8%ac%d9%88%d8%b2/feed/ 42 مربى البلح https://monasaboni.com/%d9%85%d8%b1%d8%a8%d9%89-%d8%a7%d9%84%d8%a8%d9%84%d8%ad/ https://monasaboni.com/%d9%85%d8%b1%d8%a8%d9%89-%d8%a7%d9%84%d8%a8%d9%84%d8%ad/#comments Fri, 10 Jan 2014 14:02:46 +0000 منى http://monasaboni.com/?p=2849 وصفة مربى البلح , طريقة اعداد مربى البلح , أسهل وصفة مربى البلح

The post مربى البلح appeared first on لقمة طيبة.

]]> من أأقدم الذكريات الي في راسي صورة مغبشة الي و لماما و نحنا بلبنان , كان حدى عازمنا ع الغدا و العزيمة كانت بالجبل و بالليل و كانت سفرة ممدودة كبيررررررة و كنت عبفكر انو انا نقطة و هل السفرة عاموووود طويل مرمي ع الأرض , و كان في غنية لملحم بركات مدري شو هي بس كانت اول مرة بسمعها , من كل هل السفرة ما بتذكر الا نوع مربى قالولي انو هادا مربى البلح , بوقتها ما كنت اعرف شو بيفرق البلح عن التمر . و مع اني كنت و لا زلت ما بحب الحلو , بس منظره لفتني و دقته , اي و بعدها تركت السفرة كلها و قعت جنبه و لقمشت الصحن كله تقريباً .

لهلأ ما بحب من الحلو الا التمر و البلح , و هل المربى لازم كل سنة حضره بموسم البلح , طري و معطر بالقرنفل و القرفة , محشي باللوز , أو بالقشطة , وصفة بتااخد العقل , خرج تحضريها و تقدميها لضيوفك , كتير رح يحبوها , و الطريقة سهلة كتير و بنص ساعة بيكون المربى جاهز .

بالصحة و الهنا

The post مربى البلح appeared first on لقمة طيبة.

]]> https://monasaboni.com/%d9%85%d8%b1%d8%a8%d9%89-%d8%a7%d9%84%d8%a8%d9%84%d8%ad/feed/ 12 امبراطور https://monasaboni.com/%d8%a7%d9%85%d8%a8%d8%b1%d8%a7%d8%b7%d9%88%d8%b1/ https://monasaboni.com/%d8%a7%d9%85%d8%a8%d8%b1%d8%a7%d8%b7%d9%88%d8%b1/#comments Wed, 31 Jul 2013 09:49:49 +0000 منى http://monasaboni.com/?p=2704 عصير فخم بنكهته و قوامه و مكوناته و طعمته , و كل ما يكون عندي ضيوف و جاي ع بالي شي سهل ادللهن فيه بختار هل الوصفة , بتكون الكاسات باردة و عرقانة و بتبل القلب و بتطفي الشوبات بالصحة و الهنا

The post امبراطور appeared first on لقمة طيبة.

]]> عصير فخم بنكهته و قوامه و مكوناته و طعمته , و كل ما يكون عندي ضيوف و جاي ع بالي شي سهل ادللهن فيه بختار هل الوصفة , بتكون الكاسات باردة و عرقانة و بتبل القلب و بتطفي الشوبات


بالصحة و الهنا

The post امبراطور appeared first on لقمة طيبة.

]]> https://monasaboni.com/%d8%a7%d9%85%d8%a8%d8%b1%d8%a7%d8%b7%d9%88%d8%b1/feed/ 4 غريبة اللوز الاستنبولية https://monasaboni.com/%d8%ba%d8%b1%d9%8a%d8%a8%d8%a9-%d8%a7%d9%84%d9%84%d9%88%d8%b2-%d8%a7%d9%84%d8%a7%d8%b3%d8%aa%d9%86%d8%a8%d9%88%d9%84%d9%8a%d8%a9/ https://monasaboni.com/%d8%ba%d8%b1%d9%8a%d8%a8%d8%a9-%d8%a7%d9%84%d9%84%d9%88%d8%b2-%d8%a7%d9%84%d8%a7%d8%b3%d8%aa%d9%86%d8%a8%d9%88%d9%84%d9%8a%d8%a9/#comments Sat, 26 Mar 2011 15:43:28 +0000 منى http://monasaboni.com/?p=1605 لو في مدينة بحبها بعد حلب و بتمنى عيش فيها فهي استنبول . سحرها ما بيشبهلوا ايا سحر تاني و الأصالة فيها بتمشي مع الحداثة بشكل متناغم و اله طابعه الخاص . ناسها بيشبهونا كتير و عاداتهن عاداتنا و تاريخنا نفسه , نحنا بحلب اخديين كتير من الاتراك سواء من الحكي أو الاكل او حتى […]

The post غريبة اللوز الاستنبولية appeared first on لقمة طيبة.

]]> لو في مدينة بحبها بعد حلب و بتمنى عيش فيها فهي استنبول . سحرها ما بيشبهلوا ايا سحر تاني و الأصالة فيها بتمشي مع الحداثة بشكل متناغم و اله طابعه الخاص . ناسها بيشبهونا كتير و عاداتهن عاداتنا و تاريخنا نفسه , نحنا بحلب اخديين كتير من الاتراك سواء من الحكي أو الاكل او حتى الشبه بالشكل , لهيك يمكن بيقولوا بنات حلب احلى بنات العرب , الله حيو و نيال الي بيبوس ايد حاله


و انا عم اتمشى في استنبول شفت هل الشوفة





غريبة استبولية و بقلب استبول , قلت بدي منهاااا , لازم دوقها , الغريبة الاستبولية بالعادة هو النوع الوحيد الي باكله من الضيافة , بس بشرط انو يكون محشي شوكولا و مو ايا شوكولا , لازم تكون شوكولا مرة لحتى تخفف حلاوة الغريبة و لو كان من عند أزرق بيكون أطيب و أطيب , . المهم الغريبة الي دقتها ما كانت بتشبه غريبة حلب كتير , طيبة بس غريبتنا أطيب , فيكن تقولوا هي بنت عمها اللزم للغريبتنا الاستبولية .


هل الوصفة اتعلمتها من هنا Hena Balık Yörükoğlu, شو سهلة و طيبة , يمكن هي اسهل وصفة بحضرها بحياتي , و البسكويتات طلعوا يممممي و خلصوا بلمح البصر . يسلم ايديكي هنا و أنا استخدمت خلاصة اللوز عواض عن اللوز المر او زيت اللوز , و هي متوفرة عنا يشكل عادي و كمان فيكي تستعمليها لكتير انواع حلو , بتعطي نكهة فخامة و غنى للوصفة . أخر شي مرة حمصت اللوزات قبل استخدامهن لهل الوصفة , انو عم اتفنن يعني , طلعت مو طيبة ابداً .


يلا بنتي انتي و اياها , دقت ساعة التغيير , دقت ساعة الحقيقة , بسكويت بسكويت , من كل بيت , يلا خيت خيت , الى الامام و المطبخ سر


بالصحة و الهنا

The post غريبة اللوز الاستنبولية appeared first on لقمة طيبة.

]]> https://monasaboni.com/%d8%ba%d8%b1%d9%8a%d8%a8%d8%a9-%d8%a7%d9%84%d9%84%d9%88%d8%b2-%d8%a7%d9%84%d8%a7%d8%b3%d8%aa%d9%86%d8%a8%d9%88%d9%84%d9%8a%d8%a9/feed/ 23