لقمة طيبة » كاتو https://monasaboni.com الأكل عَ أصوله Fri, 04 Jan 2019 06:56:30 +0000 en-US hourly 1 http://wordpress.org/?v=3.6 كاتو النسكافيه و الجوز https://monasaboni.com/%d9%83%d8%a7%d8%aa%d9%88-%d8%a7%d9%84%d9%86%d8%b3%d9%83%d8%a7%d9%81%d9%8a%d9%87-%d9%88-%d8%a7%d9%84%d8%ac%d9%88%d8%b2/ https://monasaboni.com/%d9%83%d8%a7%d8%aa%d9%88-%d8%a7%d9%84%d9%86%d8%b3%d9%83%d8%a7%d9%81%d9%8a%d9%87-%d9%88-%d8%a7%d9%84%d8%ac%d9%88%d8%b2/#comments Tue, 13 May 2014 19:45:59 +0000 منى http://monasaboni.com/?p=3251 صار الي كتير زمان ما حضرت كيك ع مزاجي , و زمان ما دخلت ع المطبخ و قلت يلا ع شي حلو و جديد . ع جية الكهربا رجعت اتشجعت . و فتت ع المطبخ و قلت يلا علييهن حضرت هل الوصفة , كاتو النسكافيه و الجوز , و هي الوصفة رح تعجب كتير الصبايا […]

The post كاتو النسكافيه و الجوز appeared first on لقمة طيبة.

]]> صار الي كتير زمان ما حضرت كيك ع مزاجي , و زمان ما دخلت ع المطبخ و قلت يلا ع شي حلو و جديد . ع جية الكهربا رجعت اتشجعت . و فتت ع المطبخ و قلت يلا علييهن :) حضرت هل الوصفة , كاتو النسكافيه و الجوز , و هي الوصفة رح تعجب كتير الصبايا الي بيدورا على وصفة فيها مكسرات لحتى تتوزع المكسرات في كل القالب , مو تغوص لتحت و تحترق , وصفة الكيك نفسها أنا معتمدتها من زمان بس بغير فيها شي كل مرة , و الكيك رح يطلع غني و بيدوب بالتم دوبان و ما في ثقوب , و هادا أكتر شي بحبه بالكيك . ما بحب أبدا الكيك النفاش الي بيشبه الكاتويات القديمة الهوائية , هو بيجوز يكون طيب , بس أنا ما كتير بحبه .
أما الكريما فكنت حابة حضر شي كمان فيه نسكافيه , بس شي ع السريع , خطرلي البيشاميل فطبقت شي قريب عليه , حطيت المقادير كلها على بعضها , و خفقة صغيرة على النار , رشة فانيليا , و قطعة زبدة و بس , أطيب و أشهى و أسهل كريما , و مو بس طيبة , كمان بتعطيكي شكل حلو ع الكيك , هيك بيصير كأنو متعوب عليه و أخد شغل خيرات الله منك , و انت بتكوني يا دوب كتيتي الكريما كت ع الكاتو , و أهما شي انك تستني الكريما شوي لتبرد قبل ما تصبيها , بس كمان مو تستنيها كتير بتعود بتصير قاسية و ما بتلبس القلب لبس , يعني وقت تحسي أنو الكريما بديت تسمك منصبها على مهلنا فوق الكاتو و هيك رح تغلفه كله بنعومة و تنزل على الأطراف بشكل مغري . و هل الكريما صار جربتها بالكراميل و كمان بالشوكولا و مرة تركتها سادة , كتير سهلة و طيبة
لهل القالب بحب أختار قالب كبير لحتى ما يكون الكيك سميك , لان ما رح أحشيه , بس كريما الوج . و كمان إذا بدك فيك تحضريه باللوز , أو بالجوز أو بالبندق , أيا نوع مكسرات بتحبيه , فيك تستعمليه حسب زوءك .
بتمنى تجربيه و بالصحة و الهنا

The post كاتو النسكافيه و الجوز appeared first on لقمة طيبة.

]]> https://monasaboni.com/%d9%83%d8%a7%d8%aa%d9%88-%d8%a7%d9%84%d9%86%d8%b3%d9%83%d8%a7%d9%81%d9%8a%d9%87-%d9%88-%d8%a7%d9%84%d8%ac%d9%88%d8%b2/feed/ 42 كاتو القرفة المميز https://monasaboni.com/%d9%83%d8%a7%d8%aa%d9%88-%d8%a7%d9%84%d9%82%d8%b1%d9%81%d8%a9/ https://monasaboni.com/%d9%83%d8%a7%d8%aa%d9%88-%d8%a7%d9%84%d9%82%d8%b1%d9%81%d8%a9/#comments Thu, 13 Mar 2014 06:44:08 +0000 منى http://monasaboni.com/?p=2960 كيك القرفة الهش الطري , مع صوص الكراميل اللذيذ , سهل و فخم

The post كاتو القرفة المميز appeared first on لقمة طيبة.

]]> هل الكاتو مو معقول شو خفيف و هش و طري و طعمته روووعة , بتاكلي بتاكلي منه و ما بتشبعي و بتحضريه بسرعة ضيافة مميزة و سهلة و بتبيض الوج .
دوما عندي بالبيت في مرطبان من صلصة التوفي كريم الجاهز , لهيك وقت يطلع الكاتو من الفرن و يبرد , بدهن وجو من الصلصة و برش قرفة , إذا ا عندك صوص كراميل , أو ممكن تدهني وش الكاتو بالزبدة و ترشيله سكر بودرة أو سكر بني و قرفة , عن جد رااائع . بتمنى تجربي هل الوصفة لتحضير كاتو القرفة و بتمنى تعجبك
بالصحة و الهنا

The post كاتو القرفة المميز appeared first on لقمة طيبة.

]]> https://monasaboni.com/%d9%83%d8%a7%d8%aa%d9%88-%d8%a7%d9%84%d9%82%d8%b1%d9%81%d8%a9/feed/ 8 كاتو على الصوبة https://monasaboni.com/%d9%83%d8%a7%d8%aa%d9%88-%d8%a7%d9%84%d8%b5%d9%88%d8%a8%d8%a9/ https://monasaboni.com/%d9%83%d8%a7%d8%aa%d9%88-%d8%a7%d9%84%d8%b5%d9%88%d8%a8%d8%a9/#comments Mon, 10 Mar 2014 19:53:58 +0000 منى http://monasaboni.com/?p=2907 كاتو الشوكولا الرائع بدقائق و على الصوبة

The post كاتو على الصوبة appeared first on لقمة طيبة.

]]> من امبارحة لليوم المطر ما وقف الحمد لله , و عند كل نزلة مطر في دعوات رب العالمين ما بيردها , يا رب تريح بالنا و تغسل همومنا و تجعل هل المطرة رحمة على كل الناس ..

يمكن أخر مرة رح نشعل الصوبة , لهيك لحقت حالي و حضرت الكاتو عليها , و طلع رااائع متل كل مرة . و للأمانة الفكرة انا شفتها ع جروبات الطبخ في الفيس بوك منتشرة , ما بعرف صاحبتها الأصلية , بس الله يجزيها عنا كل خير , فكرة بسيطة بس مبدعة . بتحضري الكاتو بثواني , بتغطيه و بتحطيه ع الصوبة , و بتفوح الروايح الطيبة عليكن و انتو قاعديين بهل العتمة , ما في ضو غير النار , قعدة رايقة الحمد لله


ع الصوبة عبيستوي , و الريحة يم يم

الوصفة الي بحضر فيها هل الكاتو كمان سهلة و على ايدك بتصير من دون خفاقة , يعني منقدر نتحلى حتى لو الكهربا مقطوعة , انت فيك تحضري ايا وصفة معتمدتيها و تخبزيها على الصوبة , الفكرة بطريقة الخبز , مو بالمقادير نفسها .

لحتى ينجح معك من اول مرة لازم تنتبهي ع كم نقطة بسيطة بس مهمة , اول الشي لازم تغطيه بشكل محكم , و ما تبان منه و لا زيق هل الاد صغير و الا ما بنفش و بيعجن معك , تاني شي لازم يكون عيار الصوبة ع الوسط , لا عالي بيحترق , و لا واطي ما بيعود بيستوي و لا بينفش . أخر شي شفت بعد كذا تجربة انو اذا استخدمتي القالب الي مثقوب بالنص عبيعطي نتيجة احسن . بكل الاحوال هل العيار رائع , فيك تحضريه و تخبزيه بالفرن , إذا ما كان في صوبة عندك :)

بالصحة و الهنا

The post كاتو على الصوبة appeared first on لقمة طيبة.

]]> https://monasaboni.com/%d9%83%d8%a7%d8%aa%d9%88-%d8%a7%d9%84%d8%b5%d9%88%d8%a8%d8%a9/feed/ 12 دونات مافن https://monasaboni.com/%d8%af%d9%88%d9%86%d8%a7%d8%aa-%d9%85%d8%a7%d9%81%d9%86/ https://monasaboni.com/%d8%af%d9%88%d9%86%d8%a7%d8%aa-%d9%85%d8%a7%d9%81%d9%86/#comments Mon, 22 Apr 2013 03:00:52 +0000 منى http://monasaboni.com/?p=2280 كتير مننا بيحب الدونات بس بيتكاسل على تحضيرها , عجن و تخمير و كمان قلي , لكل الي مو جاي على بالهن يقضوا نص اليوم بالمطبخ و بنفس الوقت جاي على بالهن , او على بال قط صغير نقاق عندهن بالعيلة , هل الوصفة حفر و تنزيل . مزيج المافن بعد ما يتحضر رح يكون […]

The post دونات مافن appeared first on لقمة طيبة.

]]> كتير مننا بيحب الدونات بس بيتكاسل على تحضيرها , عجن و تخمير و كمان قلي , لكل الي مو جاي على بالهن يقضوا نص اليوم بالمطبخ و بنفس الوقت جاي على بالهن , او على بال قط صغير نقاق عندهن بالعيلة , هل الوصفة حفر و تنزيل .

مزيج المافن بعد ما يتحضر رح يكون شوي سميك , منصبه بقوالب الكب كيك الي مغلفينهن بالورق البليسيه لان حشوة المربى فيهن رح تغوص شوي و اذا ما استخدمت الورق ممكن يلزق المافن بالقالب . و أطيب الشي انك تقدمي هل المافنات سخنات , بياخدوا العقل , و حتى للي مو صحبة مع الحلو متلي رح يعجبهن كتيررر .

في المقادير رح تشوفي مكتوب كوب مزيج من حليب و لبن , ما عرفت عبر عن الفكرة غير هيك , المهم انك بتحطي معلقة كبيرة مليانة لبن في الكاسة و بتكملي بالحليب لحتى تكملي الكاسة , هيك صار عنا مقدار كوب من السائل و هو مزيج من الحليب و اللبن . و الحليب الافضل ان يكون بحرارة الغرفة أو مسخن على الميكروييف , اذا كان في كهرباء , شي كم ثانية


عم شوف كانه الصبايا عم يفضلوا ان يكون التفاعل على الفيس بوك اكتر من الموقع هون ، و انا لهل القصة بالذات عملت ان ممكن الواحد يضيف تعليق عن طريق الفيس بوك … بس شو ، لا تنسوا انكم اولا و اساسا من عيلة اللقمة , و كتير بنبسط لما بشوفكن هون بالاسماء الي اتعودت فيها عليكن



بالصحة و الهنا

The post دونات مافن appeared first on لقمة طيبة.

]]> https://monasaboni.com/%d8%af%d9%88%d9%86%d8%a7%d8%aa-%d9%85%d8%a7%d9%81%d9%86/feed/ 12 كاتو الشوكولا مع صوص مايونيز الشوكولا https://monasaboni.com/%d9%83%d8%a7%d8%aa%d9%88-%d8%a7%d9%84%d8%b4%d9%88%d9%83%d9%88%d9%84%d8%a7-%d9%85%d8%b9-%d8%b5%d9%88%d8%b5-%d9%85%d8%a7%d9%8a%d9%88%d9%86%d9%8a%d8%b2-%d8%a7%d9%84%d8%b4%d9%88%d9%83%d9%88%d9%84%d8%a7/ https://monasaboni.com/%d9%83%d8%a7%d8%aa%d9%88-%d8%a7%d9%84%d8%b4%d9%88%d9%83%d9%88%d9%84%d8%a7-%d9%85%d8%b9-%d8%b5%d9%88%d8%b5-%d9%85%d8%a7%d9%8a%d9%88%d9%86%d9%8a%d8%b2-%d8%a7%d9%84%d8%b4%d9%88%d9%83%d9%88%d9%84%d8%a7/#comments Tue, 28 Feb 2012 10:23:19 +0000 منى http://monasaboni.com/?p=1495 هل الوصفة اتعلمتها من بدور , مرت أخي , دقتها عندها باخر مرة كنا عندهن , و كان الكاتو ناعم و طري و عم يدوب بالتم دوبان و لما حضرت الوصفة اكتشفت انو كمان بيعطينا كمية كبيرة , و بتوفي مع عيلة متل عيلتي الي بتعشق الحلويات و رح قدم معه صوص خطير , صوص […]

The post كاتو الشوكولا مع صوص مايونيز الشوكولا appeared first on لقمة طيبة.

]]> هل الوصفة اتعلمتها من بدور , مرت أخي , دقتها عندها باخر مرة كنا عندهن , و كان الكاتو ناعم و طري و عم يدوب بالتم دوبان و لما حضرت الوصفة اكتشفت انو كمان بيعطينا كمية كبيرة , و بتوفي مع عيلة متل عيلتي الي بتعشق الحلويات

و رح قدم معه صوص خطير , صوص سري , صوص كتير مميز . و حطي جنب مميز شي مية كتير لحتى يعطيه حقه , يمكن هي اكتر وصفة بحضرها بمطبخي , على الاغلب دوما عندي منها مرطبان جاهز لحتى قدمه مع الكاتو , و ممكن لعصرونية سريعة مع بسكويتات .

المايونيز على اد مو سهل ممكن اصغر واحد بالعيلة يحضره و انا عم خلي بنوتاتي يحضروه . انو بيفرحوا لان عم يساعدوا ماما بالمطبخ , و عم يحضروا شي يممي , و انا بكون مطمنة عليهن لان ما في نار أو شي ممكن يأذيهم لا سمح الله , كل المقادير بالخلاط و اضربي لحتى تفشي قلبك من شي حدا زاعجك , و رح تشوفي ادام عيونك سحر حلو , من شي سايل و سايط و ما اله قوام مع الخفق رح يصير صوص ناعم سميك و لمعته حلوة , كانو موجات صغيرة و شهية من الشوكولا عم تستنى حدى يسبح فيها

أنا عم استعمل كاكاو هولندية , هيك بمجرد ما تفتحي المرطبان بتحسي حالك قرطتي شي لقمتين من لوح شوكولا طيبة , انت استخدمي افضل نوعية عندك لان هي اساس الطعمة . شي تاني , الافضل انك تستعملي افضل نوعية زيت , لان مرة استعملت نوعية مدري شو , قام طلع الصوص شي بين الشوكولا و البطاطا المقلية :) , و لحتى يكون الصوص كامل الاوصاف , عم حط كل المقادير بمرطبان كبير و عم استخدم الخلاط العامودي , و بنفس المرطبان عم احفظ الصوص , تكتين و خلصنا .. ..

بالصحة و الهنا

The post كاتو الشوكولا مع صوص مايونيز الشوكولا appeared first on لقمة طيبة.

]]> https://monasaboni.com/%d9%83%d8%a7%d8%aa%d9%88-%d8%a7%d9%84%d8%b4%d9%88%d9%83%d9%88%d9%84%d8%a7-%d9%85%d8%b9-%d8%b5%d9%88%d8%b5-%d9%85%d8%a7%d9%8a%d9%88%d9%86%d9%8a%d8%b2-%d8%a7%d9%84%d8%b4%d9%88%d9%83%d9%88%d9%84%d8%a7/feed/ 34 كاتو الشوكولا و الفريز https://monasaboni.com/%d9%83%d8%a7%d8%aa%d9%88-%d8%a7%d9%84%d8%b4%d9%88%d9%83%d9%88%d9%84%d8%a7-%d9%88-%d8%a7%d9%84%d9%81%d8%b1%d9%8a%d8%b2/ https://monasaboni.com/%d9%83%d8%a7%d8%aa%d9%88-%d8%a7%d9%84%d8%b4%d9%88%d9%83%d9%88%d9%84%d8%a7-%d9%88-%d8%a7%d9%84%d9%81%d8%b1%d9%8a%d8%b2/#comments Thu, 05 May 2011 13:23:34 +0000 منى http://monasaboni.com/?p=1491 متل اليوم من أربع سنين الساعة 12 تمام , بدي موقع لقمة طيبة . بدايته الحقيقة كانت بشهر شباط , بس فيكن تقولوا كان لسى جنين ببطن امه كانت الوصفات عم تنطبخ على نار هادية و ب 5 – 5 تم افتتاحه و قصته حكيتلكن ياها من سنتين بالتمام و الكمال , اذا ببتذكروا , […]

The post كاتو الشوكولا و الفريز appeared first on لقمة طيبة.

]]> متل اليوم من أربع سنين الساعة 12 تمام , بدي موقع لقمة طيبة . بدايته الحقيقة كانت بشهر شباط , بس فيكن تقولوا كان لسى جنين ببطن امه كانت الوصفات عم تنطبخ على نار هادية و ب 5 – 5 تم افتتاحه و قصته حكيتلكن ياها من سنتين بالتمام و الكمال , اذا ببتذكروا , سبحان الدايم


للسنة الرابعة حضرت هل الكاتو النممي , طيب و ألوانه حلوة و سهل و شكله مختلف عن ايا قالب كيك عادي الي بيكون مغطى من كل جوانبه بالكريما , هل القالب حلو و الي بقلبه على اطرافه , متل قلبي :)


بهل القالب رح تكون طبقة الكريما أسمك شوي من القوالب العادية , و الكريما نفسها مو كريما عادية , خالطتها مع شوي من كيك الشوكولا , قطعت طبقة رقيقة كتير من الكيك و فتتها و خلطتها مع الكريما بعد ما جهزت , و طلعت طبقة جديدة بنكهة جديدة بطريقة بسيطة كتير , و الكريما الي استعملتها هي كريما حلويات سائلة , خفقتها حتى نفشت , و هي في الها سكر , بس انت ممكن تزيدي كمية السكر اذا بتحبيها تكون أحلى


كل سنة و نحنا مجموعين على اللمة الحلوة و العيلة الي عم تكبر اكتر و اكتر و نبقى مجموعين بالخير و على ما يرضي رب العالمين


بالصحة و الهنا

The post كاتو الشوكولا و الفريز appeared first on لقمة طيبة.

]]> https://monasaboni.com/%d9%83%d8%a7%d8%aa%d9%88-%d8%a7%d9%84%d8%b4%d9%88%d9%83%d9%88%d9%84%d8%a7-%d9%88-%d8%a7%d9%84%d9%81%d8%b1%d9%8a%d8%b2/feed/ 40 كب كيك الخمس دقايق https://monasaboni.com/%d9%83%d8%a8-%d9%83%d9%8a%d9%83-%d8%a7%d9%84%d8%ae%d9%85%d8%b3-%d8%af%d9%82%d8%a7%d9%8a%d9%82/ https://monasaboni.com/%d9%83%d8%a8-%d9%83%d9%8a%d9%83-%d8%a7%d9%84%d8%ae%d9%85%d8%b3-%d8%af%d9%82%d8%a7%d9%8a%d9%82/#comments Sat, 12 Mar 2011 15:16:10 +0000 منى http://monasaboni.com/?p=1489 يعني لسا ما لقفتها بس على وشك .. أخدناها للمسكينة لعند الدكتور , و كانت القصة على اساس قسطرة , شغلة بسيطة , بس بعدها طلعت الشغلة معقدة كتير و بدها فتح و تغيير شبكة , و ما منعرف شو رح يصير معها , ااايه عم احكي عن خفاقتي الكاتو , الله وكيلكن نشفتلي عيوني […]

The post كب كيك الخمس دقايق appeared first on لقمة طيبة.

]]> يعني لسا ما لقفتها بس على وشك ..


أخدناها للمسكينة لعند الدكتور , و كانت القصة على اساس قسطرة , شغلة بسيطة , بس بعدها طلعت الشغلة معقدة كتير و بدها فتح و تغيير شبكة , و ما منعرف شو رح يصير معها , ااايه


عم احكي عن خفاقتي الكاتو , الله وكيلكن نشفتلي عيوني , بتكون شغالة متل الصلاة على النبي , فجاة بتصير تعن , قام شو قال الدكتور , قصدي المصلح , قال انو عم نخفق عليها كمية كبيرة , قلتله الله وكيلك كل عياراتي كاستين او ااقل , بنظرة تانية و متفحصة , الحقها بنظرة العارف ببواطن الامور , قالي طيب معناها عندك حل من تلاتة , اما بدك تكبيها و تخلصي منها , أو خليني جرب فيها بس ما بوعدك بشي , او اذا متمسكة فيها اتركيها عندك …قلتله اتركها عندي شو بدي اعمل فيها لا خليها عندك , يا بكبها و برتاح يا بتصير خلق و عالم ….


و بعد ما كانوا الجيران يتعزلوا بروايح كاتوياتي , اعلنا القحط العام . قالي ابو الشباب اي الغزالة بتغزل على عود , طبعا احمروا داناتي و خدودوي و ارتفع ضغطي و كنت رح ….. , بس بعدها قلت اي عن جد , خليني حضر كيك من دون خفق , لشوف شو بيطلع معي . و الي طلع شي بيجنن . سهل كتير لحتى بنتي الصغيرة صار حضرت الوصفة اكتر من مرة لحالها و الطعمة طيبة كتير و الحلو فيه انو اذا بقي لتاني يوم قطعة الو قطعتين , لان عم حضر ضعف المقدار المذكور , اي اذا بقي شي عم يطلعوا اطيب من اول يوم , و هلا احلى شي انه ما بده جلي , يعني طبقين كبار و مضرب سلك و معلقة للقياس و كاسة شرحه و قوالب الكب كيك و بس , المطبخ نضيف بعد الكيك , اي شو بدي أحسن من هيك , هادا كب كيك احلامي … لا و الالذ انو لما جربت اخفق البيض نظامي ما طلع بطيابة و لذة الي ما خفقته , ادامي هل الزلمة . يا جماعة كتابة هل الوصفة اخد وقت اكتر بكتير من تحضيرها . يلا ادامي على المطبخ و عيروا الساعة و رح تشوفوا انها رح تاخد 5 دقايق او ااقل لتصير بالفرن

بالصحة و الهنا

The post كب كيك الخمس دقايق appeared first on لقمة طيبة.

]]> https://monasaboni.com/%d9%83%d8%a8-%d9%83%d9%8a%d9%83-%d8%a7%d9%84%d8%ae%d9%85%d8%b3-%d8%af%d9%82%d8%a7%d9%8a%d9%82/feed/ 34 كيف أحضر الكيكة الاسفنجية https://monasaboni.com/%d8%a7%d9%84%d9%83%d9%8a%d9%83%d8%a9-%d8%a7%d9%84%d8%a7%d8%b3%d9%81%d9%86%d8%ac%d9%8a%d8%a9/ https://monasaboni.com/%d8%a7%d9%84%d9%83%d9%8a%d9%83%d8%a9-%d8%a7%d9%84%d8%a7%d8%b3%d9%81%d9%86%d8%ac%d9%8a%d8%a9/#comments Wed, 24 Oct 2007 22:12:45 +0000 منى http://monasaboni.com/?p=1407 الكيكة الاسفنجية كيكة بسيطة و خفيفة و هي أساس الكاتويات الكلاسكية ,الفوريه نوار و الكاتو بالشوكولا و الكاتو على ليمون أو على برتقال أو البوش كاتو الكراميل , شو بيخطر ببالك , الكاتو واحد باختلاف النكهات الي ممكن تضيفيها أو طريقة التزيين . هو مو صعب , بس تحضيره بده شوية انتباه و في ملاحظات […]

The post كيف أحضر الكيكة الاسفنجية appeared first on لقمة طيبة.

]]> الكيكة الاسفنجية كيكة بسيطة و خفيفة و هي أساس الكاتويات الكلاسكية ,الفوريه نوار و الكاتو بالشوكولا و الكاتو على ليمون أو على برتقال أو البوش كاتو الكراميل , شو بيخطر ببالك , الكاتو واحد باختلاف النكهات الي ممكن تضيفيها أو طريقة التزيين .


هو مو صعب , بس تحضيره بده شوية انتباه و في ملاحظات لازم تاخديها بعين الاعتبار لحتى يزبط معك من اول مرة , أول الشي كل المقادير المستعملة من بيض و طحين و غيره لازم تكون بدرجة حرارة الغرفة ., الملاحظة التانية لازم نخفق مزيج صفارالبيض حتى يتضاعف حجمه لثلاث مرات تقريباً و هدا هو السر الي رح يعطينا كاتو خفيف كتير . , الملاحظة التالتة ان الطحين رح نضيفه بالتدريج و منقلب المزيج بكل هدوء و لطف و باتجاه واحد حتى ما يطلع الهواء الي دخل لمزيج الصفار , و أخر ملاحظة ان الفرن ما بينفتح نهائياً قبل مرور 40 دقيقة ,


أنا بفضل ما ضيف زيت أو زبدة للوصفة , بحب يبقى الكيك متل لوحة بيضا حيادية , لحتى تظهر كل النكهات الي رح نضيفها عليه , بس بكل الاحوال اضافة ربع كوب زبدة مدوبة مع الطحين رح يخلي الوصفة مضمونة النجاح , يعني اذا كانت هي اول مرة بتحضري الكيك الاسفنجي و خايفة منه , ربع كاسة زبدة مدوبة مع الطحين .


بالصحة و الهنا

The post كيف أحضر الكيكة الاسفنجية appeared first on لقمة طيبة.

]]> https://monasaboni.com/%d8%a7%d9%84%d9%83%d9%8a%d9%83%d8%a9-%d8%a7%d9%84%d8%a7%d8%b3%d9%81%d9%86%d8%ac%d9%8a%d8%a9/feed/ 72