لقمة طيبة » سلطة https://monasaboni.com الأكل عَ أصوله Fri, 04 Jan 2019 06:56:30 +0000 en-US hourly 1 http://wordpress.org/?v=3.6 بازركان https://monasaboni.com/%d8%a8%d8%a7%d8%b2%d8%b1%d9%83%d8%a7%d9%86/ https://monasaboni.com/%d8%a8%d8%a7%d8%b2%d8%b1%d9%83%d8%a7%d9%86/#comments Mon, 21 Apr 2014 13:44:14 +0000 منى http://monasaboni.com/?p=3198 بازركان واحدة من السلطات الخفيفة الطيبة الي ما بينشبع منها , وقت يكونوا الشنكليشات طيبات , بس ما بديتي فيها ما بتشيلي ايدك ليخلص الصحن ع الأخير , هو و مرقته كمان , مع كاسة شاي و خبز تازة , اللهم أدم النعم و لا تجعلها إلى زوال . هي السلطة بتذكرني بالسفر , نحنا […]

The post بازركان appeared first on لقمة طيبة.

]]> بازركان واحدة من السلطات الخفيفة الطيبة الي ما بينشبع منها , وقت يكونوا الشنكليشات طيبات , بس ما بديتي فيها ما بتشيلي ايدك ليخلص الصحن ع الأخير , هو و مرقته كمان , مع كاسة شاي و خبز تازة , اللهم أدم النعم و لا تجعلها إلى زوال .
هي السلطة بتذكرني بالسفر , نحنا بحلب ما منعرفها و لا منعملها , بس كنا دوما ناكل منها بصلنفة و باللادقية و بحمص و بجبلة , أيام ما كنا نقدر نسافر و الطرقات كانت مفتوحة , هلأ مناكل البازركان بالبيت و منتخيل البحر أو الجبل ادامنا , لوقت ما رب العالمين يفرجها على عباده .
كنت كل مرة دوقها بطريقة شكل , مرة مع بقدونس , مرة مع نعناع فريش , مرة مع زيتون أخضر , و مرة كانوا حاطيين معها شوي دبس رمان . رح اكتب الوصفة البسيطة الي بحضرها دوما و انت فيك تضيفي اشيا ع زوءك .

بالصحة و الهنا

The post بازركان appeared first on لقمة طيبة.

]]> https://monasaboni.com/%d8%a8%d8%a7%d8%b2%d8%b1%d9%83%d8%a7%d9%86/feed/ 10 تبولة منال https://monasaboni.com/%d8%aa%d8%a8%d9%88%d9%84%d8%a9-%d9%85%d9%86%d8%a7%d9%84/ https://monasaboni.com/%d8%aa%d8%a8%d9%88%d9%84%d8%a9-%d9%85%d9%86%d8%a7%d9%84/#comments Sat, 11 Jan 2014 21:00:08 +0000 منى http://monasaboni.com/?p=2863 هيك بكون قاعدة في البيت ما عبفكر لا بطبخة و لا بنفخة بتدقلي واحدة من رفقاتي و نحنا عمنشمي من حديث لحديث بتقلي ييي نسيت أحكيلك عن هل الطبخة , و بتخبرني عن أخر طبخاتها , و أديه طلعت طيبة و أديه حبوها عيلتها , بقوم أنا بسكر التلفون و متل الحلويين بركض على المطبخ […]

The post تبولة منال appeared first on لقمة طيبة.

]]> هيك بكون قاعدة في البيت ما عبفكر لا بطبخة و لا بنفخة بتدقلي واحدة من رفقاتي و نحنا عمنشمي من حديث لحديث بتقلي ييي نسيت أحكيلك عن هل الطبخة , و بتخبرني عن أخر طبخاتها , و أديه طلعت طيبة و أديه حبوها عيلتها , بقوم أنا بسكر التلفون و متل الحلويين بركض على المطبخ لأعمل متلها .

هل الوصفة وصفة رفيقتي منال , كنا عبنحكي و قالتلي , يييي و لا مرة ما دوقتك تبولتي , ما ؟ . قلتلها اي ما !
المهم حكتلي طريقتها و وصفتلي طعمتها , و أديه كل مين داقها عندها حبها و طلب الطريقة , و أنا انسانة ادام السلطات قلبي ضعيييف , لهيك سكرت التلفون و يلا ع المطبخ , حضرتها و طلعت يم يم يم

منال بتحضر تبولتها ببرغل المندار تبع الكبة النية , انا اتكاسلت وسخ ماكينة الكبة و استعملت عواضها محضرة الطعام , قلبت البرغل مع البقدونس و البندورة , و حمضت السلطة بشوية دبس رمان , و ليمون حامض طلعت اكلة غيرررر شكل .

بالصحة و الهنا

The post تبولة منال appeared first on لقمة طيبة.

]]> https://monasaboni.com/%d8%aa%d8%a8%d9%88%d9%84%d8%a9-%d9%85%d9%86%d8%a7%d9%84/feed/ 8 سلطة التونا بالطحينة https://monasaboni.com/%d8%b3%d9%84%d8%b7%d8%a9-%d8%a7%d9%84%d8%aa%d9%88%d9%86%d8%a7-%d8%a8%d8%a7%d9%84%d8%b7%d8%ad%d9%8a%d9%86%d8%a9/ https://monasaboni.com/%d8%b3%d9%84%d8%b7%d8%a9-%d8%a7%d9%84%d8%aa%d9%88%d9%86%d8%a7-%d8%a8%d8%a7%d9%84%d8%b7%d8%ad%d9%8a%d9%86%d8%a9/#comments Sat, 06 Oct 2012 04:01:47 +0000 منى http://monasaboni.com/?p=267 هي السلطة من سلطات أبو الشباب المفضلة , دقناها مرة في الغراند و بعدها صرت دوما حضرلوا ياها في البيت , و هي فكرة الطحينة مع الطون جديدة و تغير شكل . هلا الي بيحب التوم بيقدر يضيفه للسلطة , انا لهل الوصفة ما كتير بحبه , بس انت بتقدري تضيفيه حسب زوء عيلتك . […]

The post سلطة التونا بالطحينة appeared first on لقمة طيبة.

]]>

هي السلطة من سلطات أبو الشباب المفضلة , دقناها مرة في الغراند و بعدها صرت دوما حضرلوا ياها في البيت , و هي فكرة الطحينة مع الطون جديدة و تغير شكل .

هلا الي بيحب التوم بيقدر يضيفه للسلطة , انا لهل الوصفة ما كتير بحبه , بس انت بتقدري تضيفيه حسب زوء عيلتك . و في شغلة تانية , انا ما بحب التون لهيك كتير مرات بحضر الوصفة نفسها بالخس بس من دون التون , طعمتة الخس و الطحينة غرااام .

بالصحة و الهنا

The post سلطة التونا بالطحينة appeared first on لقمة طيبة.

]]> https://monasaboni.com/%d8%b3%d9%84%d8%b7%d8%a9-%d8%a7%d9%84%d8%aa%d9%88%d9%86%d8%a7-%d8%a8%d8%a7%d9%84%d8%b7%d8%ad%d9%8a%d9%86%d8%a9/feed/ 9 سلطة الأفوكادو و البرتقال https://monasaboni.com/%d8%b3%d9%84%d8%b7%d8%a9-%d8%a7%d9%84%d8%a3%d9%81%d9%88%d9%83%d8%a7%d8%af%d9%88-%d9%88-%d8%a7%d9%84%d8%a8%d8%b1%d8%aa%d9%82%d8%a7%d9%84/ https://monasaboni.com/%d8%b3%d9%84%d8%b7%d8%a9-%d8%a7%d9%84%d8%a3%d9%81%d9%88%d9%83%d8%a7%d8%af%d9%88-%d9%88-%d8%a7%d9%84%d8%a8%d8%b1%d8%aa%d9%82%d8%a7%d9%84/#comments Thu, 01 Dec 2011 05:27:41 +0000 منى http://monasaboni.com/?p=265 وصفة غريبة كتير و طعمتها ما بتشبه ايا شي دقته قبل بحياتي , بس كتير طيبة وجديدة و انا عني هل الوصفة لما بحضرها بتكون كمية بتكفي لشخص واحد متل حكايتي , نكهة البرتقال لما عم يتغلف بالصوص عطى حلاوة خفيفة مع مزة اللبمون و نعومة الافوكادو و قرمشة الشيبس صارت لقمة ما بتشبه ايا […]

The post سلطة الأفوكادو و البرتقال appeared first on لقمة طيبة.

]]> وصفة غريبة كتير و طعمتها ما بتشبه ايا شي دقته قبل بحياتي , بس كتير طيبة وجديدة و انا عني هل الوصفة لما بحضرها بتكون كمية بتكفي لشخص واحد متل حكايتي , نكهة البرتقال لما عم يتغلف بالصوص عطى حلاوة خفيفة مع مزة اللبمون و نعومة الافوكادو و قرمشة الشيبس صارت لقمة ما بتشبه ايا لقمة تانية , عن جد لقمة طيبةةة


جربت حطيت معها شوية جرجير اخر مرة بس ما كتير حبيته معها و مرة كمان جربت ضيف فيتا , طلعت كتير طيبة بس اضافتها اختيارية اذا متوفرة منيح اذا نو رح تبقى رائعة معها او بدونها .


بالصحة و الهنا

The post سلطة الأفوكادو و البرتقال appeared first on لقمة طيبة.

]]> https://monasaboni.com/%d8%b3%d9%84%d8%b7%d8%a9-%d8%a7%d9%84%d8%a3%d9%81%d9%88%d9%83%d8%a7%d8%af%d9%88-%d9%88-%d8%a7%d9%84%d8%a8%d8%b1%d8%aa%d9%82%d8%a7%d9%84/feed/ 8 سلطة الباذنجان و الفليفلة المشوية https://monasaboni.com/%d8%b3%d9%84%d8%b7%d8%a9-%d8%a7%d9%84%d8%a8%d8%a7%d8%b0%d9%86%d8%ac%d8%a7%d9%86-%d9%88-%d8%a7%d9%84%d9%81%d9%84%d9%8a%d9%81%d9%84%d8%a9-%d8%a7%d9%84%d9%85%d8%b4%d9%88%d9%8a%d8%a9/ https://monasaboni.com/%d8%b3%d9%84%d8%b7%d8%a9-%d8%a7%d9%84%d8%a8%d8%a7%d8%b0%d9%86%d8%ac%d8%a7%d9%86-%d9%88-%d8%a7%d9%84%d9%81%d9%84%d9%8a%d9%81%d9%84%d8%a9-%d8%a7%d9%84%d9%85%d8%b4%d9%88%d9%8a%d8%a9/#comments Sun, 30 Oct 2011 11:56:51 +0000 منى http://monasaboni.com/?p=263 هي الوصفة من الوصفات الي اتعذبت بصورتها كتيررر , هي تالت صيفية بحضرها و ما بقدر نزلها لان صورتها مو عاجبتني , بتكون هيك مشقرقة على الحقيقة و بتطلع باهتة بالصورة , بس اليوم لما حضرتها كنت مقررة انو رح نزلها لو شو ما كانت الصورة , و هي هي الوصفة .. كتير طيبة و […]

The post سلطة الباذنجان و الفليفلة المشوية appeared first on لقمة طيبة.

]]> هي الوصفة من الوصفات الي اتعذبت بصورتها كتيررر , هي تالت صيفية بحضرها و ما بقدر نزلها لان صورتها مو عاجبتني , بتكون هيك مشقرقة على الحقيقة و بتطلع باهتة بالصورة , بس اليوم لما حضرتها كنت مقررة انو رح نزلها لو شو ما كانت الصورة , و هي هي الوصفة ..

كتير طيبة و خفيفة و نعنوشة و انا هل الوصفة بحبها اكتر من المتبل لان بحسها باردة و فيكي تاكليها بالخبزة او بالمعلقة و انا كنت محضرة معها خبز بيدا التركي . و ما بتتخيلي الفليفلة المشوية طعمتها ادي طيبة و مختلفة , يمممم .

عم استعمل اللبن البقري , و مع اني من 3 شهور كنت ما حبه ابدا , هلا صايرة ما عم حب لبن الغنم لان على الاغلب عم يكون حامض كتير و عم تطغى طعمته على باقي المكونات , لهيك للارمان بلبن او الشاكرية و اللبنية عم استعمل لبن غنم و الباقي كله لبن بقر , و هادا اكيد راي شخصي , انت فيك تستعملي الي بتحبيه . عم جفف اللبن شوي لان ما بحب السلطة تكون مريقة , بحبها يكون الها قوام . و كمية اللبن تقريبة , فيكي تزيدي او تنقصي حسب الحاجة .

بالصحة و الهنا

The post سلطة الباذنجان و الفليفلة المشوية appeared first on لقمة طيبة.

]]> https://monasaboni.com/%d8%b3%d9%84%d8%b7%d8%a9-%d8%a7%d9%84%d8%a8%d8%a7%d8%b0%d9%86%d8%ac%d8%a7%d9%86-%d9%88-%d8%a7%d9%84%d9%81%d9%84%d9%8a%d9%81%d9%84%d8%a9-%d8%a7%d9%84%d9%85%d8%b4%d9%88%d9%8a%d8%a9/feed/ 17 ezme تغميسة البندورة على الطريقة التركية https://monasaboni.com/ezme-%d8%aa%d8%ba%d9%85%d9%8a%d8%b3%d8%a9-%d8%a7%d9%84%d8%a8%d9%86%d8%af%d9%88%d8%b1%d8%a9-%d8%b9%d9%84%d9%89-%d8%a7%d9%84%d8%b7%d8%b1%d9%8a%d9%82%d8%a9-%d8%a7%d9%84%d8%aa%d8%b1%d9%83%d9%8a%d8%a9/ https://monasaboni.com/ezme-%d8%aa%d8%ba%d9%85%d9%8a%d8%b3%d8%a9-%d8%a7%d9%84%d8%a8%d9%86%d8%af%d9%88%d8%b1%d8%a9-%d8%b9%d9%84%d9%89-%d8%a7%d9%84%d8%b7%d8%b1%d9%8a%d9%82%d8%a9-%d8%a7%d9%84%d8%aa%d8%b1%d9%83%d9%8a%d8%a9/#comments Sun, 23 Oct 2011 09:45:16 +0000 منى http://monasaboni.com/?p=421 اليوم وصفتنا مدري سلطة مدري تغميسة , شوفي الي بيناسبك . اول مرة دقتها بمطعم في غازي عنتاب و كانت بتاخد العقل , يمكن لان الأكل كله كان أطيب أكل باكله مو بس بتركيا لا بكل حياتي , أو يمكن لان كان الجو حلو و اول الربيع , أو يمكن لان كنت بوقتها مبسوطة كتير […]

The post ezme تغميسة البندورة على الطريقة التركية appeared first on لقمة طيبة.

]]> اليوم وصفتنا مدري سلطة مدري تغميسة , شوفي الي بيناسبك . اول مرة دقتها بمطعم في غازي عنتاب و كانت بتاخد العقل , يمكن لان الأكل كله كان أطيب أكل باكله مو بس بتركيا لا بكل حياتي , أو يمكن لان كان الجو حلو و اول الربيع , أو يمكن لان كنت بوقتها مبسوطة كتير .. المهم طعمة هل السلطة بقيت تحت سناني و اد ما جربت اعملها ما عم تطلع معي متل الي دقتها بتركيا , مو بالطعم لان الطعم نفسه , بس القوام , سلطة تركيا كانت الا شوي متل المعجون بس فيه قطع صغيرة كتير , انا ما عم تطلع معي الازمي ناعمة شو ما فرمتها , بس طعمتها يممممم .

اتوقع الي اخترعها كان عم يحضر لحم بعجين , قام شال شوي من الخضار المفرومة و حضر منهم سلطة .. يسلموا ايديه على هل الفكرة الطيبة .

المفروض اننا نفرمها ناعم ناعم ناعم بس من دون ما تنهرس وانا عم افرمها على سكينتي المفضلة , الي بتشبه سكينة عمو اللحام الي الها ايدتين و بتفرمي بسهولة و بيسر و بنفس الوقت اذا كنت معصبة من اولادك لان ما عم يدرسوا أو من حالك لان ما نظمتي يومك منيح او من واحدة من رفقاتك لان عاملة فيك فصل ناقص , اي اذا كنت معصبة بتفشي الي قلبك بهل الخضرة و بتروحي و بتجي على لوح الفرم لوقت ما تروقي و تصير الخضرة هل الاد صغيرة .

أخر شي هل السلطة اذا تركتيها شوي بتتركز الطعمات كلها مع بعضها و بتصير اطيب .

بالصحة و الهنا

The post ezme تغميسة البندورة على الطريقة التركية appeared first on لقمة طيبة.

]]> https://monasaboni.com/ezme-%d8%aa%d8%ba%d9%85%d9%8a%d8%b3%d8%a9-%d8%a7%d9%84%d8%a8%d9%86%d8%af%d9%88%d8%b1%d8%a9-%d8%b9%d9%84%d9%89-%d8%a7%d9%84%d8%b7%d8%b1%d9%8a%d9%82%d8%a9-%d8%a7%d9%84%d8%aa%d8%b1%d9%83%d9%8a%d8%a9/feed/ 5 سلطة الخضار بصوص الرانش https://monasaboni.com/%d8%b3%d9%84%d8%b7%d8%a9-%d8%a7%d9%84%d8%ae%d8%b6%d8%a7%d8%b1-%d8%a8%d8%b5%d9%88%d8%b5-%d8%a7%d9%84%d8%b1%d8%a7%d9%86%d8%b4/ https://monasaboni.com/%d8%b3%d9%84%d8%b7%d8%a9-%d8%a7%d9%84%d8%ae%d8%b6%d8%a7%d8%b1-%d8%a8%d8%b5%d9%88%d8%b5-%d8%a7%d9%84%d8%b1%d8%a7%d9%86%d8%b4/#comments Mon, 17 Oct 2011 08:29:54 +0000 منى http://monasaboni.com/?p=261 في كتير ناس بتنتبه على اكلها , و كتير عم يحاولوا يخففوا من المعلبات و هل القصص ..الحمد لله انا من اول دقيقة بحاول قدر الامكان انو كلو يكون شغل ايدي , على اد ما بقدر او بعرف . و اذا كنت بشتري اشيا جاهزة , ففي اشيا ما بشتريها لو بدي موت من الجوع […]

The post سلطة الخضار بصوص الرانش appeared first on لقمة طيبة.

]]> في كتير ناس بتنتبه على اكلها , و كتير عم يحاولوا يخففوا من المعلبات و هل القصص ..الحمد لله انا من اول دقيقة بحاول قدر الامكان انو كلو يكون شغل ايدي , على اد ما بقدر او بعرف .

و اذا كنت بشتري اشيا جاهزة , ففي اشيا ما بشتريها لو بدي موت من الجوع .. متل صلصات السلطة الجاهزة , البيستو , الفلفل الاحمر المشوي و هل النوعية من المرطبانات .. ما بتقبل فكرة اني تبل سلطتي بصوص محضر من 6 شهور في بلاد الفرنجة , الله لا يعيزنا و لا يروينا .

صلصة الرانش واحدة من الصوصات الجاهزة الي بتلبق مع كل نوع سلطة بيخطر ببالك و هل الوصفة رح تعطيكي صوص طيب كتير و قريب على الصوص الجاهز , و انا بشوفه اطيب من الجاهز . معه تشكيلة خضرة و فطر فريش و كل هل التوليفة مع بعضها رح تعطيكي سلطة بتاخد العقل و كل ما بحضرها بتكون اول طبق بيخلص على السفرة , الحمد لله اولادي مغرمين بالسلطة طالعين الي و ابو الشباب كمان مغرم بالسلطة , انعدى مني.

لما بيكون البقدونس بوقته بتصير طعمته طيبة كتير و مميزة , بس بهل الوقت من السنة بضيف لنفس الوصفة ملعقة كبيرة منه مفروم ناعم كتير , و في حال ما كان عندي كريم فريش ببدله بنص كاسة لبن بقري , كمان بيطلع يمممم . بحط لبن على قماشة بيضا على مصفاية لمدة ساعة و هل اللبن المنشف استعمله عواض الكريم , صاير بين اللبن و اللبنة ..

بالصحة و الهنا

The post سلطة الخضار بصوص الرانش appeared first on لقمة طيبة.

]]> https://monasaboni.com/%d8%b3%d9%84%d8%b7%d8%a9-%d8%a7%d9%84%d8%ae%d8%b6%d8%a7%d8%b1-%d8%a8%d8%b5%d9%88%d8%b5-%d8%a7%d9%84%d8%b1%d8%a7%d9%86%d8%b4/feed/ 4 سلطة الباذنجان و الفيتا https://monasaboni.com/%d8%b3%d9%84%d8%b7%d8%a9-%d8%a7%d9%84%d8%a8%d8%a7%d8%b0%d9%86%d8%ac%d8%a7%d9%86-%d9%88-%d8%a7%d9%84%d9%81%d9%8a%d8%aa%d8%a7/ https://monasaboni.com/%d8%b3%d9%84%d8%b7%d8%a9-%d8%a7%d9%84%d8%a8%d8%a7%d8%b0%d9%86%d8%ac%d8%a7%d9%86-%d9%88-%d8%a7%d9%84%d9%81%d9%8a%d8%aa%d8%a7/#comments Wed, 28 Sep 2011 10:08:35 +0000 منى http://monasaboni.com/?p=259 انو تكون اللقمة الي عم تاكليها متل سمفونية رائعة كلها مكملة بعضها و كل نغمة فيها عم تدعم التانية لحتى تصير احلى , هل الوصف بيلبق على وصفتنا . النعومة و الطعم الكريمي من قطع الباتنجان المقلي , الطعم القوي اللاذع من الجرجير , الطعمة الغنية من الفيتا و اللمسة الفريش من البندورة و كلو […]

The post سلطة الباذنجان و الفيتا appeared first on لقمة طيبة.

]]> انو تكون اللقمة الي عم تاكليها متل سمفونية رائعة كلها مكملة بعضها و كل نغمة فيها عم تدعم التانية لحتى تصير احلى , هل الوصف بيلبق على وصفتنا . النعومة و الطعم الكريمي من قطع الباتنجان المقلي , الطعم القوي اللاذع من الجرجير , الطعمة الغنية من الفيتا و اللمسة الفريش من البندورة و كلو دايب بصلصة الخل البلسميك .

من اربع مقادير بس طلعت معي هل السلطة الطيبة و السهلة و المميزة , بجد يمكن بحياتي ما اتهنيت بسلطة متل هل السلطة , لازم و حتما و فورا تجربيها

بالصحة و الهنا

The post سلطة الباذنجان و الفيتا appeared first on لقمة طيبة.

]]> https://monasaboni.com/%d8%b3%d9%84%d8%b7%d8%a9-%d8%a7%d9%84%d8%a8%d8%a7%d8%b0%d9%86%d8%ac%d8%a7%d9%86-%d9%88-%d8%a7%d9%84%d9%81%d9%8a%d8%aa%d8%a7/feed/ 10 سلطة العدس و الباذنجان المشوي https://monasaboni.com/%d8%b3%d9%84%d8%b7%d8%a9-%d8%a7%d9%84%d8%b9%d8%af%d8%b3-%d9%88-%d8%a7%d9%84%d8%a8%d8%a7%d8%b0%d9%86%d8%ac%d8%a7%d9%86-%d8%a7%d9%84%d9%85%d8%b4%d9%88%d9%8a/ https://monasaboni.com/%d8%b3%d9%84%d8%b7%d8%a9-%d8%a7%d9%84%d8%b9%d8%af%d8%b3-%d9%88-%d8%a7%d9%84%d8%a8%d8%a7%d8%b0%d9%86%d8%ac%d8%a7%d9%86-%d8%a7%d9%84%d9%85%d8%b4%d9%88%d9%8a/#comments Sun, 18 Sep 2011 10:51:16 +0000 منى http://monasaboni.com/?p=257 انا مو كتير صحبة مع البانجان بس هلا صايريين صحاب كتير و عم اكله بكتير طرق , مشوي مع قطعة بندورة و مخلل قتة . مقلي مع رشة كمون و فليفلة , سلطة , متبل , فتة , محشي , مسقعة , يعني فاقس كيفي عليه هل الصيفية . العدس بحبه كتير كمان شو ما […]

The post سلطة العدس و الباذنجان المشوي appeared first on لقمة طيبة.

]]> انا مو كتير صحبة مع البانجان بس هلا صايريين صحاب كتير و عم اكله بكتير طرق , مشوي مع قطعة بندورة و مخلل قتة . مقلي مع رشة كمون و فليفلة , سلطة , متبل , فتة , محشي , مسقعة , يعني فاقس كيفي عليه هل الصيفية .

العدس بحبه كتير كمان شو ما كانت طريقة طبخه و هل الوصفة الغريبة و الجديدة جمعتلي التنين , عدا عن انها مغذية و صحية , طعمتها كتير كتير طيبة و دبس الرمان مع بقية التوليفة عامل نكهة مميزة ….و لما بينحط هل الصحن ادامي , بستغني عن الغدا لخاطره

بالصحة و الهنا

The post سلطة العدس و الباذنجان المشوي appeared first on لقمة طيبة.

]]> https://monasaboni.com/%d8%b3%d9%84%d8%b7%d8%a9-%d8%a7%d9%84%d8%b9%d8%af%d8%b3-%d9%88-%d8%a7%d9%84%d8%a8%d8%a7%d8%b0%d9%86%d8%ac%d8%a7%d9%86-%d8%a7%d9%84%d9%85%d8%b4%d9%88%d9%8a/feed/ 15 سلطة المرتديلا الحلبية https://monasaboni.com/%d8%b3%d9%84%d8%b7%d8%a9-%d8%a7%d9%84%d9%85%d8%b1%d8%aa%d8%af%d9%8a%d9%84%d8%a7-%d8%a7%d9%84%d8%ad%d9%84%d8%a8%d9%8a%d8%a9/ https://monasaboni.com/%d8%b3%d9%84%d8%b7%d8%a9-%d8%a7%d9%84%d9%85%d8%b1%d8%aa%d8%af%d9%8a%d9%84%d8%a7-%d8%a7%d9%84%d8%ad%d9%84%d8%a8%d9%8a%d8%a9/#comments Sat, 09 Apr 2011 11:29:44 +0000 منى http://monasaboni.com/?p=255 الاسبوع الي مر كان من اكتر الاسابيع الحافلة الي مرت علي بحياتي , تقريبا كل يوم كان في شي ” ضخم ” و مهم و مؤثر كتير . بحس احيانا انو في احدث لو اتوزعت على اشهر بحياتنا لملاها اثارة أو حزن أو سعادة أو ألم . حضرت مرتديلا حلبية , كل ما بحضرها بتذكر […]

The post سلطة المرتديلا الحلبية appeared first on لقمة طيبة.

]]> الاسبوع الي مر كان من اكتر الاسابيع الحافلة الي مرت علي بحياتي , تقريبا كل يوم كان في شي ” ضخم ” و مهم و مؤثر كتير . بحس احيانا انو في احدث لو اتوزعت على اشهر بحياتنا لملاها اثارة أو حزن أو سعادة أو ألم .

حضرت مرتديلا حلبية , كل ما بحضرها بتذكر نانا الله يخليلي ياها . و كمان كنت كل ما اكل من المرتديلا ” الحمرا ” بتذكرها . لما كان عمري شي 10 سنين , كنت واقفة جنب نانا بمطبخها عم راقبها و هي عم تحضر المرتديلا و عم نكش بالاسئلة و هي بكل قلب كبير عم تجاوبني و تفهمني و تصبر علي . بهديك الايام كنت موت على المرتديلا المعلبة , بعد ما سالت نانا عن كل التفاصيل , ليش عم تحطي بيض , ليش الكعك , ليش عم تدعكيها كتير , ليش الخل . بالاخير قلتلها اي احسن من هل العذاب جيبي مرتديلا المعلبة , يم يم . طلعت علي بنظرة عتب , و قالتلي له يا منى , بعرفك بتعرفي طعمة تمك . هديك بس لونها بيخليني ما ااقدر حطها بتمي , قلتلها بالعكس لونها الاحمر بيشهي . قالتلي كل هل اللون ليخبوا شي ما بيشهي فيها . الله اعلم شو فيها !!

هلا صرت من رايها , و اخر مرة اكلت فيها مرتديلا ” حمراء ” , قرقش شي تحت سناني و كانت القشة التي قصمت ظهر البعير . من وقتها صار اذا اجى على بالي مرتديلا , اما بحضرها على ايدي او بجيب من الانواع المدخنة الي محضرة من ” لحمة حقيقية ” مو ايا كلام .

برجع لسلطتي , الفكرة شفتها السنة الماضية في مطعم بوابة الشهباء , بصورة عامة الاكل كان مو طيب و تجربة ما بتنعاد , بس في كم فكرة عجبتني و ساويتها على زوءي و صاروا من الوصفات المفضلة و هي واحدة من بيناتهم , بس اكيد هنن كانوا محضرينها بالمرتديلا ” اياها ” , انا استعملت لتحضيرها المرتديلا الحلبية و طلعت بتجنن , ما في اطيب منها . و كل ما بحضرها بتخلص بلمح البصر لو شو ما كانت الكمية كبيرة . قطع الليمون فيها عطتها طعمة بتاخد العقل و هي فكرة اتعلمتها من خالة حسنا , دوما بسلطاتها في ليمون مفروم , كمية قليلة بس بتخلي السلطة يم يم .

بالصحة و الهنا

The post سلطة المرتديلا الحلبية appeared first on لقمة طيبة.

]]> https://monasaboni.com/%d8%b3%d9%84%d8%b7%d8%a9-%d8%a7%d9%84%d9%85%d8%b1%d8%aa%d8%af%d9%8a%d9%84%d8%a7-%d8%a7%d9%84%d8%ad%d9%84%d8%a8%d9%8a%d8%a9/feed/ 15 سلطة الزعتر على طريقة نورا https://monasaboni.com/%d8%b3%d9%84%d8%b7%d8%a9-%d8%a7%d9%84%d8%b2%d8%b9%d8%aa%d8%b1-%d8%b9%d9%84%d9%89-%d8%b7%d8%b1%d9%8a%d9%82%d8%a9-%d9%86%d9%88%d8%b1%d8%a7/ https://monasaboni.com/%d8%b3%d9%84%d8%b7%d8%a9-%d8%a7%d9%84%d8%b2%d8%b9%d8%aa%d8%b1-%d8%b9%d9%84%d9%89-%d8%b7%d8%b1%d9%8a%d9%82%d8%a9-%d9%86%d9%88%d8%b1%d8%a7/#comments Sun, 20 Mar 2011 09:09:17 +0000 منى http://monasaboni.com/?p=253 خلصنا زيارة و كنا راجعين انا و سمسمة على البيت , بالطريق عدينا من جنب سوق صغير للخضرة اول مرة بشوفه , قلتلها خلينا نوقف شوي بدي اشتري بقدونس , لان صار الي فترة عم افرم تلات باقات بقدونس على الغدا لحضر فيهن تبولة و اذا زاد منهم شوي بتعشاهم . كاني كنت نسيانة انو […]

The post سلطة الزعتر على طريقة نورا appeared first on لقمة طيبة.

]]> خلصنا زيارة و كنا راجعين انا و سمسمة على البيت , بالطريق عدينا من جنب سوق صغير للخضرة اول مرة بشوفه , قلتلها خلينا نوقف شوي بدي اشتري بقدونس , لان صار الي فترة عم افرم تلات باقات بقدونس على الغدا لحضر فيهن تبولة و اذا زاد منهم شوي بتعشاهم .
كاني كنت نسيانة انو الربيع زهر و مع تفتيح ورده نزلت كل خضرته الطيبة الي استيناها من زمان , نعناع اخضر زعتر اخضر جرجير بصل اخضر خس و بقدونس و حتى حميضة و خبيزة . بما انو هي اول مرة اتعامل فيها مع الحميضة , سالت البياع شوفيني اعمل فيها , قالي للسلطة و الروجيم ما في منها :) . حطيت كيس هيك اده من هل الخضرة و ما نسيت اخد كم باقة سبانخ وداعية و عدت للمنزل الجميل و انا محتارة بايا سلطة بدي ابدى . فتحت الموقع و كان في رد لنورا على سلطة الزعتر الاخضر شاركت فيها بطريقتها , قلت خلص اجت على اجريها مقاديرها كلها عندي و حبيت انو الزعتر ما بده نتف , فرم ,,, ييييي شو اسهل و بنفس الطعم . المهم هي السلطة نفس وصفة نورا بس انا زدت عليها نعناع اخضر , بما انو متوفر عندي و هو و الجبنة بيلبقو على بعض كتير . و السلطة طلعت بتعقد , ما بحب استعمل كلمة بتعقد , بس عن جد هل السلطة بتعقد , ما بتعرفي كيف بديتي فيها و ما بتعرفي كيف خلصتيها و كمان حبيت فكرة انو ممكن نعمل فيها سندويش .


كان هادا بث حي و مباشر من مطبخي , و الطبق انتهى بثواني , يسلم ايديكي نورا و بانتظار وصفات تانية منك


بالصحة و الهنا

The post سلطة الزعتر على طريقة نورا appeared first on لقمة طيبة.

]]> https://monasaboni.com/%d8%b3%d9%84%d8%b7%d8%a9-%d8%a7%d9%84%d8%b2%d8%b9%d8%aa%d8%b1-%d8%b9%d9%84%d9%89-%d8%b7%d8%b1%d9%8a%d9%82%d8%a9-%d9%86%d9%88%d8%b1%d8%a7/feed/ 11 تبولة الملفوف https://monasaboni.com/%d8%aa%d8%a8%d9%88%d9%84%d8%a9-%d8%a7%d9%84%d9%85%d9%84%d9%81%d9%88%d9%81/ https://monasaboni.com/%d8%aa%d8%a8%d9%88%d9%84%d8%a9-%d8%a7%d9%84%d9%85%d9%84%d9%81%d9%88%d9%81/#comments Thu, 10 Mar 2011 11:35:16 +0000 منى http://monasaboni.com/?p=251 فكرة هل السلطة اجتني من سلطة دقتها بتركيا بمطعم صغير بيحضر وصفات بيتية , دايما الاتراك بيحضروا التبولة بخضار اضافية للبقدونس , يعني شي ملفوف شي جزر شي حمص و عن جد كتير كتير طيبات و تغير شكل . اولادي ما بيحبوا الملفوف للاسف , لو شو ما عملت فيه بيكون الطبق بالاخير من نصيبي […]

The post تبولة الملفوف appeared first on لقمة طيبة.

]]> فكرة هل السلطة اجتني من سلطة دقتها بتركيا بمطعم صغير بيحضر وصفات بيتية , دايما الاتراك بيحضروا التبولة بخضار اضافية للبقدونس , يعني شي ملفوف شي جزر شي حمص و عن جد كتير كتير طيبات و تغير شكل .


اولادي ما بيحبوا الملفوف للاسف , لو شو ما عملت فيه بيكون الطبق بالاخير من نصيبي و نصيب ابو الشباب و انا بحب عودهم ان ياكلوا كل شي , قلت رح جرب هل السلطة على اعتبار ان صار الي 20 يوم فاقس كيفي على التبولة و كل يوم عم حضر جاط كبير على الغدا , المهم حضرتها و يا سلام يا سلام شو طيبة , القرمشة الي بحبها بالسلطة زادت و حتى ابو الشباب الي مو كتير صحبة مع التبولة قالي هي اطيب مرة بتطلع معك :)


الاولاد حبوها كتير , ما عدا جودي خانم ست الصبايا , على اعتبارها مغرمة بالتبولة , قالتلي هيك غيرتي طعمتها , قلتلها يا ستي كل يوم رح حضرها هيك حتى تبوسي التبولة و تاكلي ملفوف لحالك متل الحلويين .


كمية البرغل كتيرة شوي و انا هيك بحب تبولتي , انتي فيك تتحكمي بالكمية على زووءك .



بالصحة و الهنا

The post تبولة الملفوف appeared first on لقمة طيبة.

]]> https://monasaboni.com/%d8%aa%d8%a8%d9%88%d9%84%d8%a9-%d8%a7%d9%84%d9%85%d9%84%d9%81%d9%88%d9%81/feed/ 19