لقمة طيبة » زبدة https://monasaboni.com الأكل عَ أصوله Fri, 04 Jan 2019 06:56:30 +0000 en-US hourly 1 http://wordpress.org/?v=3.6 بسكويت القرفة https://monasaboni.com/%d8%a8%d8%b3%d9%83%d9%88%d9%8a%d8%aa-%d8%a7%d9%84%d9%82%d8%b1%d9%81%d8%a9/ https://monasaboni.com/%d8%a8%d8%b3%d9%83%d9%88%d9%8a%d8%aa-%d8%a7%d9%84%d9%82%d8%b1%d9%81%d8%a9/#comments Fri, 20 Jul 2012 02:40:35 +0000 منى http://monasaboni.com/?p=787 بصورة عامة انا ما بحب البسكوتات او الكوكيز , بس من أكتر من سنتين جابتلي انسانة عزيزة كتير على قلبي علبة من بسكويت قرفة من تركيا , البسكوتات كانوا رقاق كتير , تقريباً متل الخبزة و طعمتهن بتجنن , مع فنجان قهوة الصبح كانت طعمتهن غير شكل . و هل الصديقة طلبت مني دور على […]

The post بسكويت القرفة appeared first on لقمة طيبة.

]]> بصورة عامة انا ما بحب البسكوتات او الكوكيز , بس من أكتر من سنتين جابتلي انسانة عزيزة كتير على قلبي علبة من بسكويت قرفة من تركيا , البسكوتات كانوا رقاق كتير , تقريباً متل الخبزة و طعمتهن بتجنن , مع فنجان قهوة الصبح كانت طعمتهن غير شكل . و هل الصديقة طلبت مني دور على وصفة للبسكويت يطلع فيها نفس هل البسكوتات …

انا طبعا ما كذبت خبر . جربت كتير وصفات . و تقريباً كل وصفة تطلع اطيب من التانية , القرفة وين ما انحطت بتكون روعة . هل الوصفة مميزة و مختلفة عن غيرها بطريقة تحضيرها . رح تعطيكي بسكوتات يمممي بطعم الزبدة و القرفة و رح يدوب الكراميل بتمك , مقرمشين من الأطراف و ناعمين من جوى , شغلة يممممممي . رح يحبها الصغير قبل الكبير و رح تخلص بكم دقيقة .

بالصحة و الهنا

The post بسكويت القرفة appeared first on لقمة طيبة.

]]> https://monasaboni.com/%d8%a8%d8%b3%d9%83%d9%88%d9%8a%d8%aa-%d8%a7%d9%84%d9%82%d8%b1%d9%81%d8%a9/feed/ 11 المعروك السوري https://monasaboni.com/%d8%a7%d9%84%d9%85%d8%b9%d8%b1%d9%88%d9%83-%d8%a7%d9%84%d8%b3%d9%88%d8%b1%d9%8a/ https://monasaboni.com/%d8%a7%d9%84%d9%85%d8%b9%d8%b1%d9%88%d9%83-%d8%a7%d9%84%d8%b3%d9%88%d8%b1%d9%8a/#comments Fri, 20 Jul 2012 01:40:38 +0000 منى http://monasaboni.com/?p=785 هي الوصفة كنت عم دور عليها ما بتعرفوا من اديه , و كنت جرب و جرب و جرب و كمان جرب و يطلع معي بالاخير شي طيب , خبز حلو بس مو معروك ابدا الي كلنا منعرفه . المعروك الي بيزين سفرة رمضان , المعروك الي ما بينوجد الا في رمضان لهيك كتير من الغربتلية […]

The post المعروك السوري appeared first on لقمة طيبة.

]]> هي الوصفة كنت عم دور عليها ما بتعرفوا من اديه , و كنت جرب و جرب و جرب و كمان جرب و يطلع معي بالاخير شي طيب , خبز حلو بس مو معروك ابدا الي كلنا منعرفه . المعروك الي بيزين سفرة رمضان , المعروك الي ما بينوجد الا في رمضان لهيك كتير من الغربتلية انحرموا منه , المعروك الي لما كنا صغار كنا نستنى رمضان مشانه , المعروك الي كتير كتير انطلبت وصفته مني و من دون ما ااقدر ساعد ..

لهيك لما السنة الماضية اجتمعت مع شيف حلواني , و كان في مجال انو اساله و يجاوبني اجوبة صادقة و حقيقية , طلبت منه وصفة المعروك السوري . الوصفة الي عطاني ياها كانت كتير بسيطة , بس كتير منطقية . بس مشكلتها انو كان فيها محسن عجين و كان فيها خميرة فريش , و انا بدي وصفة نقدر نعملها كل يوم بمقادير متوفرة دوما و بمراعاة اختلاف افران البيت عن افران المحلات . المهم . جربت و كل مرة عدل شي من هون و زيد شي من هون , و كنت حاطة براسي انو يطلع معي معروك يتفقوا عليه الكل , النقاقين و الحبابين

لهيك هل الوصفة من اكتر الوصفات الي اخدة معي تجارب بهل الموقع اليمي لحتى وصلن لنفس المعروك , على الضبط , ريحته الرائعة , طعمته الحلوة المميزة , نعومته و لونه الابيض الي يتشبه القطن . الله يديم النعم و الرزق الحلال .

استعملنا لتنكيه المعروك يانسون و شمرة و محلب , ظاهريين بالصورة على التسلسل , بكمية قليلة لأن المطلوب نكهة خفيفة و غامضة لحتى ما تطغى على كل الطعمة

بمناسبة الحديث عن الخميرة الفريش , اذا كانت متوفرة , رح تخلي الوصفة روعة ,عواض الخمبرة الحبيبات استعملي مقدار بيعادل نص حبة جوز لهل الوصفة , بتدوبيها بالحليب و بتعجنيها مع بقية المقادير . و اذا مو متوفرة عندك رح نستعمل خميرة حبيبات عادية بكمية قليلة و منعطيها وقت طويل لتتخمر على راحتها , و هي خطوة بسيطة بس مهمة .

أخر الشي هل المقدار رح يعطينا قرصيين معروك كبار , أو ضفيرتيين متل هي ,

ضفيرة

او 14معروكة صغيرة متل هل الشباب الطيبة

إذا حضرتي القرص الكبير ممكن بعد ما يبرد تقطعيه بالنص و تحشيه الي بدك ياه , شوكولا دهن , جبنة مشلشلة , كريم باتيسير و شرايح موز , و ممكن تقدموا صادة و انا هيك بحبه اكتر الشي .

رمضان كريم على كل امة محمد و يا رب سوريا الحلوة الحزينة تمسح دموعها و تفرح قريب

بالصحة و الهنا

The post المعروك السوري appeared first on لقمة طيبة.

]]> https://monasaboni.com/%d8%a7%d9%84%d9%85%d8%b9%d8%b1%d9%88%d9%83-%d8%a7%d9%84%d8%b3%d9%88%d8%b1%d9%8a/feed/ 110 شوربة كريم الجزر https://monasaboni.com/%d8%b4%d9%88%d8%b1%d8%a8%d8%a9-%d9%83%d8%b1%d9%8a%d9%85-%d8%a7%d9%84%d8%ac%d8%b2%d8%b1/ https://monasaboni.com/%d8%b4%d9%88%d8%b1%d8%a8%d8%a9-%d9%83%d8%b1%d9%8a%d9%85-%d8%a7%d9%84%d8%ac%d8%b2%d8%b1/#comments Thu, 31 May 2012 22:37:37 +0000 منى http://monasaboni.com/?p=75 شوربة خفيفة و منعشة , و بالنسبة الي طعمتها بتجنن , لاني بحب الجزر كتير و بحب الكريم في الشوربة كتير , و كمان بحب الكزبرة الخضراء كتير و فوق منها بحب لما بتكون الطعمة جديدة و كل هل الاشيا موجودة بهل الوصفة لهيك هي عز الطلب بالصحة و الهنا

The post شوربة كريم الجزر appeared first on لقمة طيبة.

]]> شوربة خفيفة و منعشة , و بالنسبة الي طعمتها بتجنن , لاني بحب الجزر كتير و بحب الكريم في الشوربة كتير , و كمان بحب الكزبرة الخضراء كتير و فوق منها بحب لما بتكون الطعمة جديدة و كل هل الاشيا موجودة بهل الوصفة لهيك هي عز الطلب

بالصحة و الهنا

The post شوربة كريم الجزر appeared first on لقمة طيبة.

]]> https://monasaboni.com/%d8%b4%d9%88%d8%b1%d8%a8%d8%a9-%d9%83%d8%b1%d9%8a%d9%85-%d8%a7%d9%84%d8%ac%d8%b2%d8%b1/feed/ 15 بطاطا مشوية , بثلات حشوات https://monasaboni.com/%d8%a8%d8%b7%d8%a7%d8%b7%d8%a7-%d9%85%d8%b4%d9%88%d9%8a%d8%a9-%d8%a8%d8%ab%d9%84%d8%a7%d8%aa-%d8%ad%d8%b4%d9%88%d8%a7%d8%aa/ https://monasaboni.com/%d8%a8%d8%b7%d8%a7%d8%b7%d8%a7-%d9%85%d8%b4%d9%88%d9%8a%d8%a9-%d8%a8%d8%ab%d9%84%d8%a7%d8%aa-%d8%ad%d8%b4%d9%88%d8%a7%d8%aa/#comments Wed, 07 Mar 2012 12:26:14 +0000 منى http://monasaboni.com/?p=425 هي البطاطا من اطيب الوصفات عندي , أول مرة دقتها كانت في مطعم تركي صغير على شط البحر في استنبول , المطعم كان مختص بالبطاطا المشوية و بس . و الفرن عندو كان قديم و من الحديد و شكلوا لحاله تحفة .. ادام الفرن في صحون بيضاء مبردة , نظيفة , فيها أشكال و الوان […]

The post بطاطا مشوية , بثلات حشوات appeared first on لقمة طيبة.

]]> هي البطاطا من اطيب الوصفات عندي , أول مرة دقتها كانت في مطعم تركي صغير على شط البحر في استنبول , المطعم كان مختص بالبطاطا المشوية و بس . و الفرن عندو كان قديم و من الحديد و شكلوا لحاله تحفة ..
ادام الفرن في صحون بيضاء مبردة , نظيفة , فيها أشكال و الوان من الخضار و الحشوات , جرجير , درة , دجاج مدخن , فطر , كولسلو , حتى الهوت دوغ كان شكله حلو .. يا ترى الوصفة طيبة كتير و االا انا كل ما بحضرها و باكلها برجع بالذاكرة لهديك الليلة الدافية

بالعادة بحبها سادة مع رشة ملح و فلفل و زبدة و ممكن جبنة موزاريلا أو بارمجان , بس اليوم رح نحضرها بتلات حشوات , كل واحدة منهم أطيب من التانية .. بتمنى تحطيهم على بالك و تجربيهن بشي يوم من الايام ..

الوصفة الها سريين , لحتى تطلع معك متل بطاطا استنبول , السر الاول انو ما تغلفيها بورق الالمنيوم وقت الشوي لان المفروض انو تنشوى على نار قوية مو تنطبخ على البخار , و السر التاني انو تهرسيها بالشوكة مع الزبدة و البهارات , خفقيها لحتى تصير ناعمة و خفيفة و بتجنن

يا ترى انت كيف بتحضري هل البطاطا

بالصحة و الهنا

The post بطاطا مشوية , بثلات حشوات appeared first on لقمة طيبة.

]]> https://monasaboni.com/%d8%a8%d8%b7%d8%a7%d8%b7%d8%a7-%d9%85%d8%b4%d9%88%d9%8a%d8%a9-%d8%a8%d8%ab%d9%84%d8%a7%d8%aa-%d8%ad%d8%b4%d9%88%d8%a7%d8%aa/feed/ 27 دجاج بالبرتقال و العسل https://monasaboni.com/%d8%af%d8%ac%d8%a7%d8%ac-%d8%a8%d8%a7%d9%84%d8%a8%d8%b1%d8%aa%d9%82%d8%a7%d9%84-%d9%88-%d8%a7%d9%84%d8%b9%d8%b3%d9%84/ https://monasaboni.com/%d8%af%d8%ac%d8%a7%d8%ac-%d8%a8%d8%a7%d9%84%d8%a8%d8%b1%d8%aa%d9%82%d8%a7%d9%84-%d9%88-%d8%a7%d9%84%d8%b9%d8%b3%d9%84/#comments Wed, 07 Mar 2012 11:18:10 +0000 منى http://monasaboni.com/?p=1077 دجاج بتتبيلة البرتقال و العسل , وصفة جديدة أكثر من رائعة

The post دجاج بالبرتقال و العسل appeared first on لقمة طيبة.

]]> داخل ابو الشباب البيت من يوم شغل طويل , تعبان و وضع البلد ما بيسر لا عدو و لا صديق , و بيخلي اكبر متفاءل ما عندو كتير اسباب للابتسام

شو في على الغدا ؟

لما بيكون غدانا وصفة متل وصفة اليوم , بيكون ادامي خياريين , ما في غيرهم .أول خيار اني قله , دجاج بالبرتقال و العسل , رح تكون تطليعة عينه معناتها , شكيتك لله يا منى , اللهم اجرني في مصيبتي و اخلفني خيراً منها .
الخيار التاني اني قله , دجاج مشوي بتتبيلة موني الخطيرة , النتيجة رح ياكل و ياكل صوابيعه ورا الدجاج , و لما يسالني شو حاطة بالدجاج طعمته نغم , بقله لا ما بقدر قلك , هادا سر المحل :D
هل الوصفة مو معقول نكهتها شو طيبة , العسل و الخردل و معهن البرتقال مع بعض عاملين انسجام حلو و جديد , و كمان هل التتبيلة رح تعطي الدجاج لون بياخد العقل , لهيك ما ضفت صويا صوص , مع انو كتير بيلبق لهل الوصفة , حبيت يبقى اللون مشقرق و متل الشمس .
كمان مو معقول شو سهلة , كل المقادير مع بعض في طبق مع الدجاج , و بس خلصنا
بالعادة بقدمها مع صوص كريم , مع انو لحالها بتجنن . و ممكن تحضري معها معكرونة أو بطاطا بيوريه او رز , حسب ما بتحب عيلتك الحلوة , أخر الشي اذا مو حابة تحضري الوصفة بالبرتقال , فممكن تستبدلي عصير البرتقال و بشره بعصير الليمون و بشره . بيطلع طيب , بس لعيون التجديد بنصحك تجربي الوصفة متل ما هي

بالصحة و الهنا

The post دجاج بالبرتقال و العسل appeared first on لقمة طيبة.

]]> https://monasaboni.com/%d8%af%d8%ac%d8%a7%d8%ac-%d8%a8%d8%a7%d9%84%d8%a8%d8%b1%d8%aa%d9%82%d8%a7%d9%84-%d9%88-%d8%a7%d9%84%d8%b9%d8%b3%d9%84/feed/ 27 كاتو الشوكولا مع صوص مايونيز الشوكولا https://monasaboni.com/%d9%83%d8%a7%d8%aa%d9%88-%d8%a7%d9%84%d8%b4%d9%88%d9%83%d9%88%d9%84%d8%a7-%d9%85%d8%b9-%d8%b5%d9%88%d8%b5-%d9%85%d8%a7%d9%8a%d9%88%d9%86%d9%8a%d8%b2-%d8%a7%d9%84%d8%b4%d9%88%d9%83%d9%88%d9%84%d8%a7/ https://monasaboni.com/%d9%83%d8%a7%d8%aa%d9%88-%d8%a7%d9%84%d8%b4%d9%88%d9%83%d9%88%d9%84%d8%a7-%d9%85%d8%b9-%d8%b5%d9%88%d8%b5-%d9%85%d8%a7%d9%8a%d9%88%d9%86%d9%8a%d8%b2-%d8%a7%d9%84%d8%b4%d9%88%d9%83%d9%88%d9%84%d8%a7/#comments Tue, 28 Feb 2012 10:23:19 +0000 منى http://monasaboni.com/?p=1495 هل الوصفة اتعلمتها من بدور , مرت أخي , دقتها عندها باخر مرة كنا عندهن , و كان الكاتو ناعم و طري و عم يدوب بالتم دوبان و لما حضرت الوصفة اكتشفت انو كمان بيعطينا كمية كبيرة , و بتوفي مع عيلة متل عيلتي الي بتعشق الحلويات و رح قدم معه صوص خطير , صوص […]

The post كاتو الشوكولا مع صوص مايونيز الشوكولا appeared first on لقمة طيبة.

]]> هل الوصفة اتعلمتها من بدور , مرت أخي , دقتها عندها باخر مرة كنا عندهن , و كان الكاتو ناعم و طري و عم يدوب بالتم دوبان و لما حضرت الوصفة اكتشفت انو كمان بيعطينا كمية كبيرة , و بتوفي مع عيلة متل عيلتي الي بتعشق الحلويات

و رح قدم معه صوص خطير , صوص سري , صوص كتير مميز . و حطي جنب مميز شي مية كتير لحتى يعطيه حقه , يمكن هي اكتر وصفة بحضرها بمطبخي , على الاغلب دوما عندي منها مرطبان جاهز لحتى قدمه مع الكاتو , و ممكن لعصرونية سريعة مع بسكويتات .

المايونيز على اد مو سهل ممكن اصغر واحد بالعيلة يحضره و انا عم خلي بنوتاتي يحضروه . انو بيفرحوا لان عم يساعدوا ماما بالمطبخ , و عم يحضروا شي يممي , و انا بكون مطمنة عليهن لان ما في نار أو شي ممكن يأذيهم لا سمح الله , كل المقادير بالخلاط و اضربي لحتى تفشي قلبك من شي حدا زاعجك , و رح تشوفي ادام عيونك سحر حلو , من شي سايل و سايط و ما اله قوام مع الخفق رح يصير صوص ناعم سميك و لمعته حلوة , كانو موجات صغيرة و شهية من الشوكولا عم تستنى حدى يسبح فيها

أنا عم استعمل كاكاو هولندية , هيك بمجرد ما تفتحي المرطبان بتحسي حالك قرطتي شي لقمتين من لوح شوكولا طيبة , انت استخدمي افضل نوعية عندك لان هي اساس الطعمة . شي تاني , الافضل انك تستعملي افضل نوعية زيت , لان مرة استعملت نوعية مدري شو , قام طلع الصوص شي بين الشوكولا و البطاطا المقلية :) , و لحتى يكون الصوص كامل الاوصاف , عم حط كل المقادير بمرطبان كبير و عم استخدم الخلاط العامودي , و بنفس المرطبان عم احفظ الصوص , تكتين و خلصنا .. ..

بالصحة و الهنا

The post كاتو الشوكولا مع صوص مايونيز الشوكولا appeared first on لقمة طيبة.

]]> https://monasaboni.com/%d9%83%d8%a7%d8%aa%d9%88-%d8%a7%d9%84%d8%b4%d9%88%d9%83%d9%88%d9%84%d8%a7-%d9%85%d8%b9-%d8%b5%d9%88%d8%b5-%d9%85%d8%a7%d9%8a%d9%88%d9%86%d9%8a%d8%b2-%d8%a7%d9%84%d8%b4%d9%88%d9%83%d9%88%d9%84%d8%a7/feed/ 34 بسكويت البارمجان https://monasaboni.com/%d8%a8%d8%b3%d9%83%d9%88%d9%8a%d8%aa-%d8%a7%d9%84%d8%a8%d8%a7%d8%b1%d9%85%d8%ac%d8%a7%d9%86/ https://monasaboni.com/%d8%a8%d8%b3%d9%83%d9%88%d9%8a%d8%aa-%d8%a7%d9%84%d8%a8%d8%a7%d8%b1%d9%85%d8%ac%d8%a7%d9%86/#comments Wed, 22 Feb 2012 10:30:39 +0000 منى http://monasaboni.com/?p=783 وصفة كتير كتير طيبة و مميزة و شكلها حلو و انا بحب قدمها اما لوحدها او مع شي تغميسة , يمممم ممكن تتحضر بكل انواع الجبنة المتوفرة عندك , بس لما بيكون جاي على بالي دلل حالي باستخدم البارمجان , بيعطيها طعم و لا اغنى و لا ألذ , و بقية انواع الجبنة كمان بتعطي […]

The post بسكويت البارمجان appeared first on لقمة طيبة.

]]> وصفة كتير كتير طيبة و مميزة و شكلها حلو و انا بحب قدمها اما لوحدها او مع شي تغميسة , يمممم

ممكن تتحضر بكل انواع الجبنة المتوفرة عندك , بس لما بيكون جاي على بالي دلل حالي باستخدم البارمجان , بيعطيها طعم و لا اغنى و لا ألذ , و بقية انواع الجبنة كمان بتعطي طعم راائع , كل نوع بيعطي نكهة مختلفة , يعني هي وصفة بعشر نكهات .

من زمان جبت من سوق العطاريين بالمدينة بذور خردل , حبيت شكلهن كتير , لهيك رشيتهن مرة على البسكويت , بس حسيت انو طعمة السمسم أو حبة البركة أطيب بكتير , بقى هي شغلة راجعة لزوقك و رغبتك .

بالصحة و الهنا

The post بسكويت البارمجان appeared first on لقمة طيبة.

]]> https://monasaboni.com/%d8%a8%d8%b3%d9%83%d9%88%d9%8a%d8%aa-%d8%a7%d9%84%d8%a8%d8%a7%d8%b1%d9%85%d8%ac%d8%a7%d9%86/feed/ 16 نيوكي السبانخ بصوص الميرمية و الزبدة https://monasaboni.com/%d9%86%d9%88%d9%83%d9%8a-%d8%a7%d9%84%d8%b3%d8%a8%d8%a7%d9%86%d8%ae/ https://monasaboni.com/%d9%86%d9%88%d9%83%d9%8a-%d8%a7%d9%84%d8%b3%d8%a8%d8%a7%d9%86%d8%ae/#comments Sun, 19 Feb 2012 12:36:13 +0000 منى http://monasaboni.com/?p=1217 النوكي (Gnocchi ) من أشهر المعجنات الايطالية , و عادة بتتحضر من البطاطا و بتتقدم مع تشكيلة كبيرة من الصلصات و هي وجبة أساسية في كل المطاعم الايطالية متلها متل الباستا و اللازانيا و الذي منه … لما حدى بيقدر النوكي يعرف انك عم تحضريهم على ايديكي رح تصيري سوبر ستار شيف بعيونه , و […]

The post نيوكي السبانخ بصوص الميرمية و الزبدة appeared first on لقمة طيبة.

]]> النوكي (Gnocchi ) من أشهر المعجنات الايطالية , و عادة بتتحضر من البطاطا و بتتقدم مع تشكيلة كبيرة من الصلصات و هي وجبة أساسية في كل المطاعم الايطالية متلها متل الباستا و اللازانيا و الذي منه …


لما حدى بيقدر النوكي يعرف انك عم تحضريهم على ايديكي رح تصيري سوبر ستار شيف بعيونه , و الاحلى من هيك انها وصفة سهلة . يعني عصفوريين بحجر . و ان شاء الله اذا رب العالمين راد رح نزل وصفة النوكي الأصلية و كمان النوكي باليقطين و هلا رح حضر النوكي بالسبانخ .. تحضيره كان بالصدفة , جبت حليب و انا عم اغليه وقع فيه حمض :( و صار عندي ريكوتا من غير احم و لا دستور , و دستور من خاطركن يعني , كان عندي سبانخ .. قلت اجى وقتها , مع انو هلا مو وقتها …..!


بحب النوكي مع زيت زيتون و رشة فلفل أسود و رشة صغيرة فلفل أحمر و جبنة بارمجان كتيرة على الوج ( الي نسيت حطه بالصورة , كالعادة يعني ) . أو فيك تحمي زبدة لحتى يبدى لونها يتغير و تصير طعمتها فيها شي من المكسرات و ترشيها على النوكي , بتطلع رائعة و هل الطريقة هي اكتر طريقة بتتقدم فيها , و من زمان كان في زرعة صغيرة مريمية , جربت قطعت كم ورقة منها , نضفتهن و فرمتهم و حطتهم مع الزبدة , عطت نكهة كتير مميزة و بتستاهل تجربيها . ممكن كمان صلصة بندورة , و ممكن صلصة كريم فريش , مع كل صلصة بتعطيكي طعمة جديدة و مختلفة…. انا ما كتير حبيتها مع صوص الكريم حسيت انو ضيع طعمتها ..


بالصحة و الهنا

The post نيوكي السبانخ بصوص الميرمية و الزبدة appeared first on لقمة طيبة.

]]> https://monasaboni.com/%d9%86%d9%88%d9%83%d9%8a-%d8%a7%d9%84%d8%b3%d8%a8%d8%a7%d9%86%d8%ae/feed/ 8 بريوش بالنوتيلا https://monasaboni.com/%d8%a8%d8%b1%d9%8a%d9%88%d8%b4-%d8%a8%d8%a7%d9%84%d9%86%d9%88%d8%aa%d9%8a%d9%84%d8%a7/ https://monasaboni.com/%d8%a8%d8%b1%d9%8a%d9%88%d8%b4-%d8%a8%d8%a7%d9%84%d9%86%d9%88%d8%aa%d9%8a%d9%84%d8%a7/#comments Tue, 01 Mar 2011 15:41:21 +0000 منى http://monasaboni.com/?p=775 اذا كنت جديدة على الطبخ فاكتر شي ممكن تخافي منه هو اما المعجنات أو الحلويات , و انا كنت خاف من المعجنات , و لما شوف ماما أو أية عم يشتغلوا فيهم و هنن نايميين , قول لحالي بحياتي ما رح صير متلهم , و لاحكي الحق انا كنت عم احكي حكي نظري , يعني […]

The post بريوش بالنوتيلا appeared first on لقمة طيبة.

]]> اذا كنت جديدة على الطبخ فاكتر شي ممكن تخافي منه هو اما المعجنات أو الحلويات , و انا كنت خاف من المعجنات , و لما شوف ماما أو أية عم يشتغلوا فيهم و هنن نايميين , قول لحالي بحياتي ما رح صير متلهم , و لاحكي الحق انا كنت عم احكي حكي نظري , يعني مو انو جربت و فشلت , لا هيك عندي حاجز بيني و بين المعجنات و بس . و كل ما يكون عندي جمعة و بدها معجنات أتصل بـ 911 و قلها , بتذكري لما كنت بنتك ( أو أختك حسب الشخص ) , فورا تقلي خير ان شاء الله كم كيلو عجين بدك .. هيك علموني على الكسل و بمساعدتهم الي كبر الحاجز بيني و بين المعجنات .


بعدها كنت سهرانة مرة برمضان لحالي انا و الكتاكيت و اشتهيت فوت على المطبخ حضرلي شي شغلة , و كنت بيومتها شايفة وصفة للتوست في موقع لك , الوصفة كانت بسيطة كتير فاتشجعت و حضرتها … و لما جهزت و طلعت ريحة الخبز في البيت و اتجمعي القطط حوالي و هن انو شو هل الماما الخطيرة , حتى التوست بتعمله بالبيت ..
هل ردود الافعال شجعتني كتير كتير و الكل على اد ما انبسطوا اتحمست و صرت جرب بهل المعجنات و هيك بديت .


كانت بداياتي ان ااقسم المقدار لحتى اوصل لاصغر شي بقدر عليه , يعني مثلا ثلاث ارباع كاسة طحين و ما كنت افهم ليش ماما تقلب على ظهرها من الضحك كل ما تسمعني عم لت و اعجن بشوية طحين , تقلي لك بنتي هدول برشهن انا رش على العجينة , و الله بيلزقوا بايديك مو مستاهليين . بس انا كنت خاف كبرها , و الحمد لله صرت جرب شي جديد من فترة لفترة و صار يطلع معي شي , بس مو لدرجة اني أثق بنفسي بالمعجنات مثلاً و حضرهن لجمعة كبيرة


بعد بفترة , صار عندي صبحية نسوانية صغيرة و كان من بين الضيوف ستات رح يزوروني لاول مرة و كمان كان من بينهم ست مشهورة بعيلتنا بالطبخ و الحلويات و كمان مشهورة باللئامة , يعني ما بتعطيك طريقتها و مقدارها لو بتطلع عينك و اذا صدف و عطتهم فبتكون غلط ! يا ربي اعمل و الا ما اعمل , يلا يا موني حضري عجينتك و شوفي شو رح يطلع معك , و كنت بوقتها متوصلة لعجينة القطنة من جديد , حضرت كم نوع . الحمد لله على اد ما انبسطوا الضيوف و حبوا الفطاير عرفت ان المعجنات الي بتعملها الست على ايدها سحر خاص و شي بيضيف كتير الها و على فكرة الست اياها سالتني عن طريقتي , بس طبعا مو بطريقة مباشرة و انا لحتى احكي الحق طلع شرشبيل براسي و قالي اعملي متلها و طنشي , بس بعدها قلت بقلبي و لا و الله , اصلا مو بشطارتي اتعلمت , رب العالمين هو الي يسر , الحمد لله الذي علمنيه من غير حول مني و لا قوة . و عطيتها طريقتي على التكة و هل الحكي قبل الموقع بشي 5 سنين .

, هلا الحمد لله صار عندي اريحية بالتعامل مع العجين , و ممكن حتى حضر عجينة و تطلع روعة من دون مقادير , يعني على النظر متل ماما حبيبة قلبي , و هيك ما حدى بيعلم أكتر من التجربة لهيك بتمنى انه نحكي و نجرب و نشجع بعض لحتى كل واحدة هون تصير شطارتها متل ما بتحب و تتمنى .


الوصفة اليوم وصفة جديدة للبريوش , و الطريقة بسيطة و نكهة الزبدة بتجنن فيها , أنا حشيتها بالنوتيلا و ما رح خبركن ردود افعال الاولاد عليها , صحة و الف هنا على البهم . انت فيكي تحشيها بالي بتحبيه و لو علي ما بحشيها غير جبنة بيضاء مع كاسة شاي بتطلع يمممي .


بالصحة و الهنا

The post بريوش بالنوتيلا appeared first on لقمة طيبة.

]]> https://monasaboni.com/%d8%a8%d8%b1%d9%8a%d9%88%d8%b4-%d8%a8%d8%a7%d9%84%d9%86%d9%88%d8%aa%d9%8a%d9%84%d8%a7/feed/ 50 مكعبات طبقات التشيز كيك https://monasaboni.com/%d9%85%d9%83%d8%b9%d8%a8%d8%a7%d8%aa-%d8%b7%d8%a8%d9%82%d8%a7%d8%aa-%d8%a7%d9%84%d8%aa%d8%b4%d9%8a%d8%b2-%d9%83%d9%8a%d9%83/ https://monasaboni.com/%d9%85%d9%83%d8%b9%d8%a8%d8%a7%d8%aa-%d8%b7%d8%a8%d9%82%d8%a7%d8%aa-%d8%a7%d9%84%d8%aa%d8%b4%d9%8a%d8%b2-%d9%83%d9%8a%d9%83/#comments Sat, 05 Feb 2011 05:15:24 +0000 منى http://monasaboni.com/?p=1603 اليوم وصفتنا مميزة لسببين , اول سبب انها الوصفة رقم 800 في الموقع الحمد لله رب العالمين صار عنا كنز كامل من الوصفات المجربة و الشهية و الي عم تجربوها و تحبوها و عم تصير جزء من عيلتكم و لقمة طيبة كمان عم يصير جزء من عييلتكم الحلوة الصغيرة و هادا شي بيشرفني و بيسعدني […]

The post مكعبات طبقات التشيز كيك appeared first on لقمة طيبة.

]]> اليوم وصفتنا مميزة لسببين , اول سبب انها الوصفة رقم 800 في الموقع الحمد لله رب العالمين صار عنا كنز كامل من الوصفات المجربة و الشهية و الي عم تجربوها و تحبوها و عم تصير جزء من عيلتكم و لقمة طيبة كمان عم يصير جزء من عييلتكم الحلوة الصغيرة و هادا شي بيشرفني و بيسعدني . السبب التاني ان هل الوصفة الي طلعت من أطيب الحلويات الي حضرتها كان نتيجة تجربة و عدة غلطات جروا بعضهم و ما كنت متوقعة ان ييطلع شي منه .

المهم , يمكن كتيرين منكم شاف أو جرب وصفة مكعبات التشيز كيك الرخامية . مع ان الوصفة رائعة بس صار اكتر من واحدة خبروني انهم لما عم يضيفوا الشوكولا على مزيج التشيز عم يتعزبوا و ما عم تزبط معهم متل الصورة , فكرت بشي يخلي الوصفة اسهل . كمان حبيت يكون طبقة التشيز اكبر , فخطرت ببالي فكرة و لحقتها فكرة تانية و قررت جربهم .
زودت كريم فريش للوصفة مع كورن فلور هي لحتى تكتر الطبقة البيضا و الشغل لهون كان تمام . بعدها أخدت من المزيج كوب و خلطته مع الشوكولا المدوبة و لما جيت لاعمل زوابع ما زبط معي ابدا و حسيته انتزع . و قلت خلص غسلت ايدي منه و لكم لحظة خطر ببالي انو وقف و ما كمل
. كمل و الا ما كمل , يلا بكمل لشوف , كملت و خبزت القالب و عيني عليه طوال فترة خبزه , ما لاقي الي الشوكولا الي نزعتلي القالب بالاول اتجمعت على الوج و صارت طبقة لحالها . بعد ما قسمناه طلع منظره بياخد العقل و الطعمة و لا أطيب و صرت حضره كل ما كون حابة غنج الاولاد بشي لا يقوم .

يعني اذا بتحبي تشوفي سحر بعيونك , حضري هل الوصفة و قطعيها مكعبات و خليها على طاولة المطبخ , بتلاقي القطع عم تختفي واحدة ورا التانية , خليلي قلوبهم الصغيرة ربي عافية و قوة و فهم و ذكاء و سعد و سعادة بالدنيا و الأخرة , امين .

على قولة واحد من الدكاترة عنا في الجامعة : what is the moral of the story ?
الدرس ان دوما الواحد بيتعلم من أغلاطه , و التجربة الي ممكن تفكرها مو منيحة بتضيف الك كتير , و أخر شي اذا بديت بالشغلة كملها للاخر .

بالصحة و الهنا

The post مكعبات طبقات التشيز كيك appeared first on لقمة طيبة.

]]> https://monasaboni.com/%d9%85%d9%83%d8%b9%d8%a8%d8%a7%d8%aa-%d8%b7%d8%a8%d9%82%d8%a7%d8%aa-%d8%a7%d9%84%d8%aa%d8%b4%d9%8a%d8%b2-%d9%83%d9%8a%d9%83/feed/ 48