The post كبسة الدجاج السريعة appeared first on لقمة طيبة.

صار في نقاش بالفيس بوك بجروبنا انو في صبايا ما بتثق في شيف مصري مثلاً عم يعمل كبة و في شيف سوري عم يحضر كبسة و في شيف تونسي عم يحضر فتة . هلا انا مو كتير مع هل الحكي , دوما بالوصفات التقليدية ما في مجال للتفنن , بس ما في مانع ابدا انو نقدم وصفات من مطابخ تانية و خصوصا لما بيكون الواحد متعلمها من مصدر ثقة و مو ضايف و لا لمسة من لمساته ..

ما بقدر انسى مثلاً لما بدي الشيف اندرو اول برنامج اله و كان من وصفاته , كبة ستروغونوف و شي تخبيص من هل النوعية , وصفاته كانت منفرة لان وصفة تقليدية بطريقة غريبة و نحنا ما كتير منتقبل هل الوصفات , منتقبل الجديد الجديد , بس الي اتربينا عليه اتركوه على طرف و لا حدى يزيد عليه .. متل كمان وصفات في النت , بتلاقي وصفات عن جد بتوقف شعر البدن على اد مو غلط و على اد انها مو راكبة و مو زابطة و بعدها بيلزقوها بالمطبخ السوري ….

منرجع للفتة , ان شاء الله محضرتها على اصول اصولها و من دون ادنى تفنن مني , متل ما تعلمتها من رفيقتي المصرية و متل ما صرت حضرها و قدمها لعيلتي .. و سرها انك تستعملي سمنة طيبة لان رح تخلي الطبق كله طعمته غير شكل . اتمنى تجربيها و تكون نممي

بالصحة و الهنا

The post فتة اللحم المصرية appeared first on لقمة طيبة.

هي تحزوره قديمة و جوابها

الكماية

و ما ادراكم ما الكماية عشقي و غرامي و اكتر اكلة بحبها في الدني كلها , يعني يمكن زمرة دمي كماية ايجابي , الله اعلم .. بحبها حتى نية بقى كيف اذا كانت بقلب محشي البتنجان و كيف اذا كان المحشي شغل ماما المشهورة بمحاشيها المفلفلة المتبلة الي على اصول اصولها .

خبرتكم اني بزمناتي ما كنت حب البتنجان و لا ايا شي بيقرب ناحه , حتى المحاشي المشكلة اذا كان في بينها بتنجان ما عود قرب عليها ,, البتنجان كله كله كله , الا هل المحشي كان و لا يزال و سيبقى من الذ و اطيب المحاشي الي بتحضرها امي الله يخليلي ياها و يديمها بصحتها و عافيتها , امين . بيطلع معها غير شكل , يمكن اطيب محشي في العالم هو محشي ماما . حتى جميع أحفاد ال الصابوني ما بياكلوا محشي بتنجان في بيوتهم و من تحت ديات امهاتهم , و ما صاروا ياكلوه االا عند نانا مها ..

هل النوع مو كتير مشهور , بس الي بيجربه ما بيعود ينساه ابدا .. الكماية رح تعطي نكهة بتاخد العقل للمحشي كله .. و في حال كانت الكماية خلصانة عندك او ما مونتي فيكي تحضري نفس الوصفة بس بالحمص , يعني تنقعي كاسة و نص او كاستين حمص و بتسلقيهم تلات ارباع سلقة و بعدها بتحضري الحشوة فيهم , طيبين , بس مو متل الكماية .

بعد ما تقراي الوصفة رح تكتشفي انو وقت الطبخ قليل مقارنة بالمحاشي الي فيها حمض , هون رح يستوي المحشي بسرعة متل محشي الكوسا بلبن , انتبهي احسن ما يفتحوا الحبات و يروح تعبك على الفاضي .

بالصحة و الهنا

The post محشي الباذنجان بالكماية appeared first on لقمة طيبة.

The post مقلوبة القرنبيط باللحمة appeared first on لقمة طيبة.

بالصحة و الهنا

The post مجدرة appeared first on لقمة طيبة.