Pâte sucrée façon Pierre Hermé

عجينة التارت باللوز على طريقة بيير هيرميه

في سنة 2016 كان في فكرة ان نهاجر من البلد وبالفعل بدينا نرتب امورنا ونظمها على هل الاساس .. كان في عندي خزانة كبيرة بطول حيط وبعرض متر ونص ..كانت خزانتي الي برتب فيها الاشياء الخاصة بالتصوير من خلفيات وقماشات واشياء تانية كنت جامعتها على مدة اكتر من 6 سنين .. هل الخزانة كلها فضيت لما بديت اجهز للهجرة .

الي صار بعدها ان الهجرة ما زبطت لاكتر من سبب ونحن بقينا هون وخزانتي صارت فاضية

هلق لما رجعت اصور للموقع اكتشفت حرفيا اني نسيانة كتير كتير ..ولما ارجع طلع بصوري القديمة عبقول لحالي والله كنت فنانة .. ييي هي القطعة الي ورا فرقتها وهي عطيتها لرفيقتي وهي مابعرف وين صارت ..وشو هي ..انا كان عندي هيك شي !! .. يعني هلق بديانة من الصفر ( او تقريبا من الصفر ).

مشان هيك رح تكون الصور حاليا بسيطة حتى ترجع تكبر خزانتي ان شالله .

متل ما شايفين في الصورة البسيطة واحدة من ابسط الوصفات الي ممكن نتعلمها : عجينة التارت .. بس متل كل الوصفات السهلة ..الوصفة البسيطة في الها كتير اسرار حتى تكون ناجحة .يعني الواحد بحاجة يكون عنده وصفة اساس يعتمدها ومن بعدها يمشي وينوع في النكهات ، اذا كان بدك هيك وصفة فهي الوصفة الي كنتي عبتدوري عليها ز. انا معتمدتها في شغلي ومنها بحضر تارت الحروف والارقام ( الاكثر طلبا عند منى )

اليوم رح قدملكم وصفة لشيف من اشهر الشيفات الفرنسيين والي بمجرد ما ينذكر اسمه رح نتذكر الابداع والتجديد واللمسة الراقية ..شيف بير هيرميه Pierre Hermé .. منهم بيسموه مهندس الحلويات .. كتير قدم في مجال الماكرون لان هو واحد من افضل مين خلق وابتكر نكهات جديدة اله . عنده كتير كتب خاصة بالحلويات الشوكولا والتارت والماكرون .. انا جربت اله عجينة تارت اللوز ..وكانت ولا اروع ولا اطيب ولا اسهل ولا احسن . مع تعديلين تلاتة صارت حفر وتنزيل الي .

أسرار الوصفة :
اول الشي استخدام الميزان لقياس المقادير .. انا رح اعطيكم المقادير بالكوب وبالغرامات ، بتمنى اذا حابين تجربوا الوصفة الدقيقة تقيسوا المقادير بالميزان . ارجوكم جيبوا ميزان للحلويات .. هاد اهم قطعة في مطبخ الحلويات بعد الفرن والخفاقة.

تاني شي بعد اضافة السوائل ( الي هو البيض هون ) للازم العجن يكون بلطف وبس حتى تلم العجينة ، بمجرد ما تلم منكتفي . زيادة العجن رح تخلي التارت يصير قاسي ومو هش بعد الخبز.

تالت الشي التبريد التبريد ومن ثم التبريد . يعني منعجن وبعدها منبرد العجينة ومنريحها ، هل الشي رح يخلي العجين يساعدني في المد وما يشقشق اثناء الشغل ، وقبل الخبز كمان التبريد مهم جدا حتى تبقى العجينة محافظة على شكلها وما تنتفخ من هون او هون واخر الشي التبريد مهم بعد الخبز حتى ما تفتت العجينة لما نقلبها من القالب .
.

رابع شي لما نشكل العجينة يفضل استخدام ورق زبدة للرق عواض عن رش الطحين ، لان اذ رشينا طحين وبعدها رجعنا لمينا باقي العجين وعدنا تشكيله رح تتغير مقادير العجينة نفسها وتصير قاسية

هي الاسرار مهمة لاي عجينة تارت بغض النظر عن المقادير الي رح تستعملوها .. وهيك صارت الوصفة واسرارها بين ايديكم .. بشوفكم عل خير اسبوعالقادم ان شالله

لا تحرموني من تواجدكم وردودكم وتفاعلكم وبالصحة والهنا .

The post عجينة التارت باللوز على طريقة بيير هيرميه appeared first on لقمة طيبة.

The post تحضير و حفظ الزيتون المكسر appeared first on لقمة طيبة.

تقريباً الوصفة اسهل من السهولة نفسها , منخلط كل المقادير بالليل , منخلي النكهات تتتمازج طول الليل , اي و بس . في اليوم التاني منستعمل الكتشاب متل مو حابين , كتشاب طعمته طيبة , مو حلوة كتير , مو مليان مواد حافظة و اشيا ما منعرف نقراها , و كمان متوفر دوما و بسعر رخيص .

مرات معجون الطماطم بيجي مالح زيادة , لهيك الملح بالوصفة ما منضيفوا الا اذا دعت الحاجة و بعد ما ندوق , و إذا شفتي انو قوام الكتشاب سميك , فيك تزيدي نتفة مي .

أنا بحب الفلفل الأسود كتير , و مرة رحت على مطعم كان مقدم الكتشاب مع الفلفل , صرت دوما بحضره هيك , بحط طبق للعيلة , و طبق بخاط معه شوية زيت زيتون و بطحن على الوج فلفل اسود فريش , للي بيحبوا الفلفل الأسود , رح يصير هل الصوص مفضل عندهن

بالصحة و الهنا

The post كتشاب بدقيقة واحدة appeared first on لقمة طيبة.

البيستو بيتحضر بالريحان و الصنوبر , اتعلمت من ريم الزعيم اني ضيف بقدونس , اللون عم يصير روعة و الطعم بقي بيجنن , يم يم . و جربت حضره بالكاجو و اللوز و كمان بالجوز , كل نوع من المكسرات اله ميزة و نكهة مختلفة بس كلو طيب كتير كتير كتيرر

بالصحة و الهنا

The post بيستو appeared first on لقمة طيبة.

The post صلصة البندورة على طريقتي appeared first on لقمة طيبة.

بالمكسيك في كتير انواع صلصات , اسهل و ابسط وصفة هي الصلصة الي رح نحضرها اليوم , في صلصة بندورة مطبوخة , صلصة افوكادو , صلصة الفليفلة , صلصة المانجو , و حتى صلصة بطيخ أحمر
الوصفة ما الها سر غير انك تحضريها بالصيف وقت بتكون الخضرة طيبة و الها و كلها طعم , و مرة شفت بالمول بندورة جبلية و جبتها و حضرت منها هل الصلصة , كانت الطعمة ما بتنوصف على اد مو طيبة .. يعني اذا حضرتيها بالخضرة البلاستيكية , لا تزعلي من وصقتي ..

بالصحة و الهنا

The post صلصة فريسكا appeared first on لقمة طيبة.

·         نصفي البقدونس من الماء ثم بنقوم بفرد الروريقا ت على فوطة مطبخ نظفها ونتركها حتى تجف تماما.

·         نقوم بتنقية البقدونس وفرمه ناعما كالمعتاد ونضعه فورا في كيس بلاستيك ونغلق الكيس باحكام ونضعه في الفريزر إلى حين الاستخدام.

·         أهم ملاحظتين: يحفظ البقدونس مباشرة بعد فرمه ولا نتركه أبدا في الخارج قبل الحفظ.

·         عند الاستخدام نقوم بوضع البقدونس المفروم من الفيزر إلى الطبخة مباشرة بدون أن نتركه خارج الثلاجة ولا دقيقة وإلا فسوف يسود ويتغير لونه. 

The post طريقة حفظ البقدونس والكزبرة للطبخ appeared first on لقمة طيبة.

·          تغسل حبات الفول ثم تسقط في الماء المغلي و تترك حتى تغلي مجدداً فقط .

·          ترفع حبات الفول فوراً من الماء المغلي و توضع في ماء فيه الكثير من الثلج .

·          ستبرد الحبات فوراً عندها يمكن تقشيرها بكل سهولة .  

The post أسهل طريقة لتقشير الفول appeared first on لقمة طيبة.

·          لا يغسل الهيل و يطحن .

·          توضع حبوب الكمون والكزبرة في مقلاه على نار خفيفه .وتقلب حتى تظهر رائحتها المميزه ثم تطحن .

·          تزال قشره جوزه الطيب في حاله استعمالها وتطحن .

·          تطحن البهارات طحنا ناعما …ثم تخلط معا .

·          وفي حاله اعداد كميات كبيره , يجب حفظها في أكياس محكمه الاغلاق في الفريزر .

The post خلطه البهار الكويتي appeared first on لقمة طيبة.