لقمة طيبة » المقبلات https://monasaboni.com الأكل عَ أصوله Fri, 04 Jan 2019 06:56:30 +0000 en-US hourly 1 http://wordpress.org/?v=3.6 تسقية بسمنة ( تسقية ببدوة ) https://monasaboni.com/%d8%aa%d8%b3%d9%82%d9%8a%d8%a9-%d8%a8%d8%b3%d9%85%d9%86%d8%a9-%d8%aa%d8%b3%d9%82%d9%8a%d8%a9-%d8%a8%d8%a8%d8%af%d9%88%d8%a9/ https://monasaboni.com/%d8%aa%d8%b3%d9%82%d9%8a%d8%a9-%d8%a8%d8%b3%d9%85%d9%86%d8%a9-%d8%aa%d8%b3%d9%82%d9%8a%d8%a9-%d8%a8%d8%a8%d8%af%d9%88%d8%a9/#comments Fri, 26 Oct 2018 07:20:26 +0000 منى http://monasaboni.com/?p=4007 تسقية بسمنة ( تسقية ببدوة ) امبارح واليوم امطار متل السيل في حلب ..الجو ولا احلى من هيك وصبحية يوم الجمعة .. في احلى من هيك صحن لهيك يوم وهيك جو ؟ من حوالي السنة أو أكتر كنت في البيت عبفتل متل ما اغلب ستات البيوت بيقضوا يومهم ، الراديو كانت على شي اذاعة من […]

The post تسقية بسمنة ( تسقية ببدوة ) appeared first on لقمة طيبة.

]]> IMG_3324
تسقية بسمنة ( تسقية ببدوة )

امبارح واليوم امطار متل السيل في حلب ..الجو ولا احلى من هيك وصبحية يوم الجمعة .. في احلى من هيك صحن لهيك يوم وهيك جو ؟

من حوالي السنة أو أكتر كنت في البيت عبفتل متل ما اغلب ستات البيوت بيقضوا يومهم ، الراديو كانت على شي اذاعة من الاذاعات ، فجاة اتذكرت راديو مونت كارلو قلت يا ترى ممكن أأقدر أطالعها . والله تركت كل شي من ايدي ودورت عليها ولقيتها.

صوتها ما كان صوت اذاعة عادي, كان صوت طفولتي والراديو الاسود العتيق الي في بيت اهلي ..المذيعة كانت عبتعمل مقابلة مع صبية , وانا كنت سبحانة في بجر عميق من الحنين ..فجاة صار الكلام مألوف وشدني شوي شوي لحتى رجعت وعيت.. كان الحكي عن الطبخ وبالاخص عن مبادرة قاموا فيها مجموعة من المدونات العربيات لحفظ تراثنا الغني من الوصفات العربية الاصيلة ، وكملت الصبية : صاحبة الفكرة منى صابوني الي اسست الجروب ، هون انا وصلت على السقف من النطة الي نطيتها .. أن شو هل الصدفة الي خلتني أدور على اذاعة صار عشر سنين اذا ما كان أكتر ما سمعتها وفي اللحظة المناسبة على الظبط :D

بداية نكهة عربية كان في سنة 2014 بقصة، كان في جروب تصوير مهم كتير مختص بتصوير الطعام وفيه ناس من كل العالم, بتنزل واحدة وصفة الدقة الغزاوية وبتكتب تعريف عنها انها السلطة الاسرائيلية, بتحكي واحدة من الصبايا الفلسطينيات ان هي سلطة غزاوية، بتقوم ادارة الجروب بتطالعها هي ومجموعة كبيرة من العربيات الي ناقشوا الاسرائيلية .. انا وصلت ماخرة ما حضرت كل الي صار , بس فتحت الجروب فهمت كل الكركبة الي صارت .
وصراحة انا من زمان كنت حابة اعمل جروب يجمعنا نحن المدونات العربيات , بس ما كنت عبقدر نظم افكاري كيف ممكن نجتمع وننظم امورنا وهيك .. اقترحت عليهم الفكرة ، وافقوا فورا .
الاسم الاول الي اخترته كان : على مائدة مستديرة . بس بعد التصويت فضل اغلبية الاعضاء ان يكون في كلمة “عربي” اشارة لاهم ما يميز مجموعتنا ، و هيك صار. اخترنا وصفة الدقة الغزاوية طبقناها كلياتنا . وبموعد محدد من الشهر نشرنا الوصفة وغرقنا الدنيا بالصور وقصة الوصفة وتفاصيلها . وبعدها صرنا كل شهر نعمل نفس الشي

كان في حماس كتير وبالبداية كان في اسماء مهمة جدا في الجروب , ولكن منهم مااستمروا ومنهم ما قدروا الالتزام ومنهم اشتغلوا على الجروب وكانوا عبيشتغلوا على مشروعهم الخاص بكل امانة وحماسة وعطاء . بعد شوي صار قطع للنت عن حلب ونحن حرفيا انقطعنا عن العالم الخارجي ومابقى اي وسيلة تواصل .. بهل الوقت كانت الغالية نسرين رحال ماسكة الجروب متل الام الحنونة المنظمة ..وصراحة رح اعترف ان هي السبب لاستمرار الفكرة و لان في كتير ناس بيجيهم افكار حلوة و بيبدوا فيها .. الكلام على الاستمرار ..والاستمرار كان بفضل رب العالمين وفضل نسرين .

وبما اني عدت الي التدوين ( ان شالله ) فلازم اجدد نشاطي في المجموعة . ووصفة هل الشهر ( للصدفة الجميلة ) كانت وصفة شامية : وصفة التسقية ببدوة لعائشة ميداني , وانا كنت كتير مشتهية اتعلمها بالتفصيل . لان كل ما كنت أسال يقولولي حمص حب وحمص عادي وشوية لبن وشوية ليمون .. يعني اعملها على النظر .. وبالنسبة لوصفة بسيطة فهاد شي صعب وخصوصي لما ما يكون الطبق جزء من .
عيلتي و شي تربيت عليه .

بالنسبة الي كان اكتر شي جديد هو كمية اللبن وعصير الليمون و الطحينة , لو اعملها على ذوقي كنت قلت كتير كمية اللبن و الليمون وكنت كترت الطحينة , بس مع الالتزام بالوصفة وتطبيقها اكتشفت ان الكمية مناسبة تماما وان هل الحمضية هو شي طيب كتير و تقليل الطحينة خلى الوصفة مميزة عن الفتة الي بعملها بالعادة . وشغلة تانية كمان مختلفة هو استعمال الخبز من دون تحميص , حتى لما كنت عبحضر الوصفة قليت خبز في مرحلة الاعداد لاكتشف بعد ما قرات الوصفة مرة تانية ان مافي داعي للقلي , خسارة اني كنت صورت الوصفة بالخبز المقلي وما كان في مجال اعيد الصورة .. ( يرجى اعتبار الخبز ني وتغميض العيون عن اللون الذهبي الجميل للخبز في الصورة ) ..واخر شي هو ان مافي كمون في الصلصة .. طبعا فكرت ان الكمون سقط سهوا ، بس بعدها طلع ان الوصفة ما بدها كمون .

انا التزمت بالوصفة حرفيا ، ما عدا تفصيلة واحدة ، وهي اني صفتيت الحمص بمصفاية ناعمة بعد الطحن ، حتى يكون الصوص ناعم .. انت ممكن تستغني عن هل الخطوة او ممكن تستعملي حمص جاهز وبهي الطريقة بتصير الوصفة ولا اسهل من هيك

موعدنا اسبوع القادم باذن الله ، لا تحرموني من تعليقاتكم

صحة وهنا

The post تسقية بسمنة ( تسقية ببدوة ) appeared first on لقمة طيبة.

]]> https://monasaboni.com/%d8%aa%d8%b3%d9%82%d9%8a%d8%a9-%d8%a8%d8%b3%d9%85%d9%86%d8%a9-%d8%aa%d8%b3%d9%82%d9%8a%d8%a9-%d8%a8%d8%a8%d8%af%d9%88%d8%a9/feed/ 4 زيتون بخلطة دبس الرمان https://monasaboni.com/%d8%b2%d9%8a%d8%aa%d9%88%d9%86-%d8%a8%d8%ae%d9%84%d8%b7%d8%a9-%d8%af%d8%a8%d8%b3-%d8%a7%d9%84%d8%b1%d9%85%d8%a7%d9%86/ https://monasaboni.com/%d8%b2%d9%8a%d8%aa%d9%88%d9%86-%d8%a8%d8%ae%d9%84%d8%b7%d8%a9-%d8%af%d8%a8%d8%b3-%d8%a7%d9%84%d8%b1%d9%85%d8%a7%d9%86/#comments Wed, 30 Apr 2014 14:52:21 +0000 منى http://monasaboni.com/?p=3221 الزيتون ملك سفرة الفطور و الغدا , بينوجد بكل بيت و في خلطات مشكل ملون لتحضيره , كل خلطة الها لذتها و نكهتها و تميزها , هل الخلطة أطيب خلطة عندي لتحضير الزيتون, زيتون بخلطة دبس الرمان ما بشبع منها , وقت تكون حاضرة ما بفطر غيرها . إذا عندك زعتر أخضر فريش فيكي تضيفيه […]

The post زيتون بخلطة دبس الرمان appeared first on لقمة طيبة.

]]> الزيتون ملك سفرة الفطور و الغدا , بينوجد بكل بيت و في خلطات مشكل ملون لتحضيره , كل خلطة الها لذتها و نكهتها و تميزها , هل الخلطة أطيب خلطة عندي لتحضير الزيتون, زيتون بخلطة دبس الرمان ما بشبع منها , وقت تكون حاضرة ما بفطر غيرها .
إذا عندك زعتر أخضر فريش فيكي تضيفيه عواض المجفف , كمان بيطلع غير نغم .
بالصحة و الهنا

The post زيتون بخلطة دبس الرمان appeared first on لقمة طيبة.

]]> https://monasaboni.com/%d8%b2%d9%8a%d8%aa%d9%88%d9%86-%d8%a8%d8%ae%d9%84%d8%b7%d8%a9-%d8%af%d8%a8%d8%b3-%d8%a7%d9%84%d8%b1%d9%85%d8%a7%d9%86/feed/ 6 بازركان https://monasaboni.com/%d8%a8%d8%a7%d8%b2%d8%b1%d9%83%d8%a7%d9%86/ https://monasaboni.com/%d8%a8%d8%a7%d8%b2%d8%b1%d9%83%d8%a7%d9%86/#comments Mon, 21 Apr 2014 13:44:14 +0000 منى http://monasaboni.com/?p=3198 بازركان واحدة من السلطات الخفيفة الطيبة الي ما بينشبع منها , وقت يكونوا الشنكليشات طيبات , بس ما بديتي فيها ما بتشيلي ايدك ليخلص الصحن ع الأخير , هو و مرقته كمان , مع كاسة شاي و خبز تازة , اللهم أدم النعم و لا تجعلها إلى زوال . هي السلطة بتذكرني بالسفر , نحنا […]

The post بازركان appeared first on لقمة طيبة.

]]> بازركان واحدة من السلطات الخفيفة الطيبة الي ما بينشبع منها , وقت يكونوا الشنكليشات طيبات , بس ما بديتي فيها ما بتشيلي ايدك ليخلص الصحن ع الأخير , هو و مرقته كمان , مع كاسة شاي و خبز تازة , اللهم أدم النعم و لا تجعلها إلى زوال .
هي السلطة بتذكرني بالسفر , نحنا بحلب ما منعرفها و لا منعملها , بس كنا دوما ناكل منها بصلنفة و باللادقية و بحمص و بجبلة , أيام ما كنا نقدر نسافر و الطرقات كانت مفتوحة , هلأ مناكل البازركان بالبيت و منتخيل البحر أو الجبل ادامنا , لوقت ما رب العالمين يفرجها على عباده .
كنت كل مرة دوقها بطريقة شكل , مرة مع بقدونس , مرة مع نعناع فريش , مرة مع زيتون أخضر , و مرة كانوا حاطيين معها شوي دبس رمان . رح اكتب الوصفة البسيطة الي بحضرها دوما و انت فيك تضيفي اشيا ع زوءك .

بالصحة و الهنا

The post بازركان appeared first on لقمة طيبة.

]]> https://monasaboni.com/%d8%a8%d8%a7%d8%b2%d8%b1%d9%83%d8%a7%d9%86/feed/ 10 شنكليش https://monasaboni.com/%d8%b4%d9%86%d9%83%d9%84%d9%8a%d8%b4/ https://monasaboni.com/%d8%b4%d9%86%d9%83%d9%84%d9%8a%d8%b4/#comments Sun, 20 Apr 2014 20:03:12 +0000 منى http://monasaboni.com/?p=3183 شنكليش أو سوركة واحدة من الوصفات الي ما تركت شغلة ما جربتها لحتى تطلع معي , مين ما شوف من الستات الكبارية أسألهن , مين ما صحلي حدى من شي ضيعة من ضيعنا الحلوة اسألوا , و حتى اجتني كتير وصفات من زوار الموقع الكرام .. كنت جرب و جرب و جرب , يطلع معي […]

The post شنكليش appeared first on لقمة طيبة.

]]> شنكليش أو سوركة واحدة من الوصفات الي ما تركت شغلة ما جربتها لحتى تطلع معي , مين ما شوف من الستات الكبارية أسألهن , مين ما صحلي حدى من شي ضيعة من ضيعنا الحلوة اسألوا , و حتى اجتني كتير وصفات من زوار الموقع الكرام .. كنت جرب و جرب و جرب , يطلع معي اشيا طيبة بس بتشبه كرات اللبنة , اكتر منها الشنكليش .
المهم شفت وصفة لسها في جروبها tea and cake و جربتها , كتير كانت سهلة , المقادير كلها تحت ايدي , قمت فوراً و جربتها , ريحتها كانت روعة , لونها طلع بيعقد , شغلهاا كان متعة و الأهم انها كانت خالصة بربع ساعة , شي ما بيتسدق و وصفة ما فيها جنس التعقيد ..
لتيتها بالفليفلة و الزعتر , و خليتها تنشف شي اسبوع , و بعدها اجى وقت الدوااق , مممم , فعلاً روووعة و اطيب من اطيب شنكليش خرج تشتريه من السوق . تسلم دياتك سهى .
إذا ما في عندك قريشة ففي حلينن ادامك , اما تجيبي لبن بقر و تغليه ع النار مع عصرة ليمونة لوقت يفرط , بعدها بتخليه يبرد و تصفيه و تستعمليه في الوصفة و هادا افضل حل , و في حل سريع هو انك تحضري الوصفة باستعمال الفيتا , بس طبعاً ما في داعي تضيفي ملح لان الفيتا مالحة و خالصة

بالصحة و الهنا

The post شنكليش appeared first on لقمة طيبة.

]]> https://monasaboni.com/%d8%b4%d9%86%d9%83%d9%84%d9%8a%d8%b4/feed/ 32 هبرة سمك حيلة https://monasaboni.com/%d9%87%d8%a8%d8%b1%d8%a9-%d8%b3%d9%85%d9%83-%d8%ad%d9%8a%d9%84%d8%a9/ https://monasaboni.com/%d9%87%d8%a8%d8%b1%d8%a9-%d8%b3%d9%85%d9%83-%d8%ad%d9%8a%d9%84%d8%a9/#comments Sun, 13 Apr 2014 03:52:00 +0000 منى http://monasaboni.com/?p=3113 هبرة سمك حيلو وصفة اتعلمتها من صفحة أم عبدو الحلبية الأصلية , وصفة كتير سهلة , و كلمة حيلة معناها انو ما حيكون فيها لحمة , بصراحة جربتها و انا مو متوقعة يطلع معي شي كتير طيب , بس الوصفة أغرتني لان سهلة و فيها فكرة لنستفيد من الخبز البايت و وصفة صيامية كمان .. […]

The post هبرة سمك حيلة appeared first on لقمة طيبة.

]]> هبرة سمك حيلو وصفة اتعلمتها من صفحة أم عبدو الحلبية الأصلية , وصفة كتير سهلة , و كلمة حيلة معناها انو ما حيكون فيها لحمة , بصراحة جربتها و انا مو متوقعة يطلع معي شي كتير طيب , بس الوصفة أغرتني لان سهلة و فيها فكرة لنستفيد من الخبز البايت و وصفة صيامية كمان .. ما كنت متخيلة كيف ممكن الخبز يصير عجينة و لا كيف ممكن يشرب كل النكهات و تكون طعمتو طيبة , و لا كيف ممكن يقرمش قرمشة غير شكل … عن جد الوصفة فاجأتني
بالعادة أنا ما بستعمل مكعبات مرق دجاج أبداً , بس لهل الوصفة استعملتهن , بس رح جرب مرة تانية استعمل مرق حقيقي لشوف كيف حتطلع معي الطعمة .
بالصحة و الهنا

The post هبرة سمك حيلة appeared first on لقمة طيبة.

]]> https://monasaboni.com/%d9%87%d8%a8%d8%b1%d8%a9-%d8%b3%d9%85%d9%83-%d8%ad%d9%8a%d9%84%d8%a9/feed/ 4 ورق الشوكي https://monasaboni.com/%d9%88%d8%b1%d9%82-%d8%a7%d9%84%d8%b4%d9%88%d9%83%d9%8a/ https://monasaboni.com/%d9%88%d8%b1%d9%82-%d8%a7%d9%84%d8%b4%d9%88%d9%83%d9%8a/#comments Mon, 10 Mar 2014 04:06:18 +0000 منى http://monasaboni.com/?p=2319 عم أحكي مع رفيقتي بالتلفون , كانت عم تتنغم بشيء عم تاكله و عم يقرمش تحت سنانها ، بالعادة لما بحكي بالتلفون و بيكون التاني عم ياكل شي و عم اسمع انا بادني صوت ” الخش الخش ” ، ممكن كتير أني اعتذر بشي شغلة و خلص المكالمة , و إذا حدى بمون عليه بقله […]

The post ورق الشوكي appeared first on لقمة طيبة.

]]> عم أحكي مع رفيقتي بالتلفون , كانت عم تتنغم بشيء عم تاكله و عم يقرمش تحت سنانها ، بالعادة لما بحكي بالتلفون و بيكون التاني عم ياكل شي و عم اسمع انا بادني صوت ” الخش الخش ” ، ممكن كتير أني اعتذر بشي شغلة و خلص المكالمة , و إذا حدى بمون عليه بقله انو شو هل الزوء حبيبي , خلص الي عم تاكله و بعدها احكي معي ..

أما رفيقتي مياسة كانت عم تنمنم و عم تقول امممم حامضة , طيبة … نسيت تعصيبتي الصغيرة الي بتطلع بهيك حالات و صار عندي فضول أعرف شو عم تاكل , قلتلها شو عم تاكلي مياسة خانم .. قالتلي ورق الشوكي , بتحبيه . قلتلها شو هاد ؟ قالتلي ورق الشوكي مع عصرة ليمونة ..

مممم , هلأ أنا الشوكية كاملة و شخصية ما شفتها بصغري و لا كبري , دوماً بيوصل على البيت مقشر و جاهز , و لما كنت صغيرة كنت فكر انو هو هيك بيطلع شكله على الشجرة , بس شوفهن أنو عم يجيبوه بكيس فيه مي و بيحطوه بمي و ليمون فوراً , فكانت فكرتي عن الشوكي انو هو نبات اله قشرة شفافة بس سميكة , متل قشرة البرتقالة بس على شفاف , و بقلب هل الثمرة في مي و قلب الشوكي , يعني شي بيشبه البيضة :D …

منرجع لورق الشوكي , قلتلها كيف يعني ورق الشوكي , ما فهمت . قالتلي هلأ انت مو بتجيبي الشوكية بتقشريها ,, قلتلها مممم ( بقلبي لا بحياتي ما جبت الشوكية و قشرتها بس … ) اي , قالتلي طيب بتكبي اول كم ورقة لان بيكون ورق خشن , و بعدها بيطلعلك الورق الطري , بتقطفيه و بتغطسي طرفه بالليمون و الزيت و بتاكلي لقمة واحدة بس من كل ورقة , لقمة بيضا و طرية بس مقرمشة , لقمة طيبة يا منى خانم ..

امممم , حبيتها لهل الشغلة و حطيتها براسي , ما انا ام الخضرة النية , بقى لما كنت رايحة لأقضيلي شي شغلة و شفت شوكي كامل و حقيقي لأول مرة على البسطات الي ملت الشوارع , جبت 5 شوكيات لجرب وصفة مياسة خانم , قعدنا أنا و قطاطي على البلكون , جهزت عصير ليمون و حطيت معه زيت زيتون كردي جاينا طعمة من عفرين , و صرنا نقشر و نغمس و ناكل , يممم فعلاً لقمة طيبة
بالصحة و الهنا

The post ورق الشوكي appeared first on لقمة طيبة.

]]> https://monasaboni.com/%d9%88%d8%b1%d9%82-%d8%a7%d9%84%d8%b4%d9%88%d9%83%d9%8a/feed/ 8 كبة مقلية بدون هبرة https://monasaboni.com/%d9%83%d8%a8%d8%a9-%d9%85%d9%82%d9%84%d9%8a%d8%a9-%d8%a8%d8%af%d9%88%d9%86-%d9%87%d8%a8%d8%b1%d8%a9/ https://monasaboni.com/%d9%83%d8%a8%d8%a9-%d9%85%d9%82%d9%84%d9%8a%d8%a9-%d8%a8%d8%af%d9%88%d9%86-%d9%87%d8%a8%d8%b1%d8%a9/#comments Wed, 25 Dec 2013 05:20:11 +0000 منى http://monasaboni.com/?p=2811 كتير اشيا ما عادت متوفرة متل قبل , او بالاحرى قليل من الاشيا الي صارت متوفرة متل قبل , بس نحنا قدها و قدود , دوما عنا حلول للمشاكل الي بتصير . المعبر مسكر و ما في هبرة , الكهربا مقطوعة و ما في ماكينة كبة , معنا ما في يأس و كل شغلى إلها […]

The post كبة مقلية بدون هبرة appeared first on لقمة طيبة.

]]> كتير اشيا ما عادت متوفرة متل قبل , او بالاحرى قليل من الاشيا الي صارت متوفرة متل قبل , بس نحنا قدها و قدود , دوما عنا حلول للمشاكل الي بتصير .

المعبر مسكر و ما في هبرة , الكهربا مقطوعة و ما في ماكينة كبة , معنا ما في يأس و كل شغلى إلها حلة و دوبارة , و هل الوصفة سميناها في البيت كبة الحصار , لان جكارة بالي عم يحاصرنا و الي عم يقطع علينا الكهربا نحنا ااقوى منكن انتو الاتنين و نحنا أهل البلد بقيانين هون و انتو رايحيين ..

بالصحة و الهنا

The post كبة مقلية بدون هبرة appeared first on لقمة طيبة.

]]> https://monasaboni.com/%d9%83%d8%a8%d8%a9-%d9%85%d9%82%d9%84%d9%8a%d8%a9-%d8%a8%d8%af%d9%88%d9%86-%d9%87%d8%a8%d8%b1%d8%a9/feed/ 20 أكواب البطاطا و الشوندر https://monasaboni.com/%d8%a3%d9%83%d9%88%d8%a7%d8%a8-%d8%a7%d9%84%d8%a8%d8%b7%d8%a7%d8%b7%d8%a7-%d9%88-%d8%a7%d9%84%d8%b4%d9%88%d9%86%d8%af%d8%b1/ https://monasaboni.com/%d8%a3%d9%83%d9%88%d8%a7%d8%a8-%d8%a7%d9%84%d8%a8%d8%b7%d8%a7%d8%b7%d8%a7-%d9%88-%d8%a7%d9%84%d8%b4%d9%88%d9%86%d8%af%d8%b1/#comments Mon, 28 Oct 2013 18:34:05 +0000 منى http://monasaboni.com/?p=2741 هي وصفة شكلها بياخد العقل و رح تلفت نظر عيلتك و ضيوفك كتير , طريقتها بسيطة نوعاً ما و ممكن تشوي البطاطا و تخليها بالبراد قبل بيوم من وقت التقديم , أهما الشي انك تخليها تبرد كتير منيح قبل البشر و انك تبشريها ع الطرف الخشن و ما ترققيها كتير لحتى تتماسك بعد الشوي . […]

The post أكواب البطاطا و الشوندر appeared first on لقمة طيبة.

]]> هي وصفة شكلها بياخد العقل و رح تلفت نظر عيلتك و ضيوفك كتير , طريقتها بسيطة نوعاً ما و ممكن تشوي البطاطا و تخليها بالبراد قبل بيوم من وقت التقديم , أهما الشي انك تخليها تبرد كتير منيح قبل البشر و انك تبشريها ع الطرف الخشن و ما ترققيها كتير لحتى تتماسك بعد الشوي . بعد ما تبشري البطاطا و تبليها بالبهارات رح تشمي اطيب ريحة بالدني , متعة لوحدها هل الريحة …



ع أيام المولات كنت استخدم للحشوة سالمون مدخن و كريما حامضة , يطلع اللون البرتقالي مع الابيض شغلة بتجنن , هلا ما عاد في هيك شي بحلب , بس انا لسى حابة حضر الوصفة , لهيك صرت استبدل الكريما الحامضة بمزيج من اللبنة و المايونيز , و عواض السالمون بحط أيا شي متوفر عندي و بحسه بيطبق مع هل الصلصة , و هل المرة استعملت شوندر مسلوق , طلع اللون و الطعم حلو كتير . انت ممكن تستخدمي أشيا على زوءك و تحسي انها بتطبق مع الصلصة . و إذا حابة تستعملي السلمون المدخن فافرميه ناعم و قلبيه مع البشر و الكريما الحامضة , و يمممم


بالصحة و الهنا

The post أكواب البطاطا و الشوندر appeared first on لقمة طيبة.

]]> https://monasaboni.com/%d8%a3%d9%83%d9%88%d8%a7%d8%a8-%d8%a7%d9%84%d8%a8%d8%b7%d8%a7%d8%b7%d8%a7-%d9%88-%d8%a7%d9%84%d8%b4%d9%88%d9%86%d8%af%d8%b1/feed/ 2 سمبوسك الجبنة و الجزر https://monasaboni.com/%d8%b3%d9%85%d8%a8%d9%88%d8%b3%d9%83-%d8%a7%d9%84%d8%ac%d8%a8%d9%86%d8%a9-%d9%88-%d8%a7%d9%84%d8%ac%d8%b2%d8%b1/ https://monasaboni.com/%d8%b3%d9%85%d8%a8%d9%88%d8%b3%d9%83-%d8%a7%d9%84%d8%ac%d8%a8%d9%86%d8%a9-%d9%88-%d8%a7%d9%84%d8%ac%d8%b2%d8%b1/#comments Mon, 17 Jun 2013 01:22:22 +0000 منى http://monasaboni.com/?p=2523 هل السمبوسك تغير شكل عن سمبوسك الجبنة العادي , طعمته بتجنن , سخن و الجبنة بقلبه سايحة و عم تشط و تمط , و لما بيكون في هيك صحن على السفرة , كل المقبلات التانية بتبين باهتة جنبه . تقليب الجزر بزيت الزيتون رح تخلي طعمته مميزة و بتفرق كتير عن اضافة الجزر و هو […]

The post سمبوسك الجبنة و الجزر appeared first on لقمة طيبة.

]]> هل السمبوسك تغير شكل عن سمبوسك الجبنة العادي , طعمته بتجنن , سخن و الجبنة بقلبه سايحة و عم تشط و تمط , و لما بيكون في هيك صحن على السفرة , كل المقبلات التانية بتبين باهتة جنبه .


تقليب الجزر بزيت الزيتون رح تخلي طعمته مميزة و بتفرق كتير عن اضافة الجزر و هو ني , و أناهل السمبوسك و كل سمبوسط بحضره بعجينتي الي ما بغيرها , أسهل و أطيب عجينة سمبوسك , مقرمشة , ما بتغب زيت , سهلة , و مكوناتها موجودة بكل بيت , الله يحفظ النعم علينا دوماً . أما الشكل ففيك تعليها متل شكل السمبوسك العادي , و فيكي تعمليها بهل الشكل المثلث , كمان أكشن و شي حلو


بالصحة و الهنا

The post سمبوسك الجبنة و الجزر appeared first on لقمة طيبة.

]]> https://monasaboni.com/%d8%b3%d9%85%d8%a8%d9%88%d8%b3%d9%83-%d8%a7%d9%84%d8%ac%d8%a8%d9%86%d8%a9-%d9%88-%d8%a7%d9%84%d8%ac%d8%b2%d8%b1/feed/ 4 البطاطا المقرمشة باكليل الجبل https://monasaboni.com/%d8%a8%d8%b7%d8%a7%d8%b7%d8%a7-%d8%a8%d8%a7%d9%83%d9%84%d9%8a%d9%84-%d8%a7%d9%84%d8%ac%d8%a8%d9%84/ https://monasaboni.com/%d8%a8%d8%b7%d8%a7%d8%b7%d8%a7-%d8%a8%d8%a7%d9%83%d9%84%d9%8a%d9%84-%d8%a7%d9%84%d8%ac%d8%a8%d9%84/#comments Sat, 20 Apr 2013 11:32:59 +0000 منى http://monasaboni.com/?p=2263 هي من وصفاتي المفضلة على اد مو سهلة و طيبة , كل ما بيكون لازمني دعم للوجبة الي عندي بحضرها و دايما بيتركوا الوجبة الرئيسية و بينزلوا فيها . اكليل الجبل كتير طيب مع البطاطا , و لو عاملة روستو هل الوصفة رح تكون حفر و تنزيل معها , بس على اعتبار ان اكليل الجبل […]

The post البطاطا المقرمشة باكليل الجبل appeared first on لقمة طيبة.

]]> هي من وصفاتي المفضلة على اد مو سهلة و طيبة , كل ما بيكون لازمني دعم للوجبة الي عندي بحضرها و دايما بيتركوا الوجبة الرئيسية و بينزلوا فيها .
اكليل الجبل كتير طيب مع البطاطا , و لو عاملة روستو هل الوصفة رح تكون حفر و تنزيل معها , بس على اعتبار ان اكليل الجبل طعمته قوية بيكفي معلقة كبيرة مفرومة لكل كيلو بطاطا , رح تنكهها بطعم طيب من دون ما تحسي النكهة طاغية على بقية الوصفة .

بالصحة و الهنا

The post البطاطا المقرمشة باكليل الجبل appeared first on لقمة طيبة.

]]> https://monasaboni.com/%d8%a8%d8%b7%d8%a7%d8%b7%d8%a7-%d8%a8%d8%a7%d9%83%d9%84%d9%8a%d9%84-%d8%a7%d9%84%d8%ac%d8%a8%d9%84/feed/ 12 بطاطا مشوية , بثلات حشوات https://monasaboni.com/%d8%a8%d8%b7%d8%a7%d8%b7%d8%a7-%d9%85%d8%b4%d9%88%d9%8a%d8%a9-%d8%a8%d8%ab%d9%84%d8%a7%d8%aa-%d8%ad%d8%b4%d9%88%d8%a7%d8%aa/ https://monasaboni.com/%d8%a8%d8%b7%d8%a7%d8%b7%d8%a7-%d9%85%d8%b4%d9%88%d9%8a%d8%a9-%d8%a8%d8%ab%d9%84%d8%a7%d8%aa-%d8%ad%d8%b4%d9%88%d8%a7%d8%aa/#comments Wed, 07 Mar 2012 12:26:14 +0000 منى http://monasaboni.com/?p=425 هي البطاطا من اطيب الوصفات عندي , أول مرة دقتها كانت في مطعم تركي صغير على شط البحر في استنبول , المطعم كان مختص بالبطاطا المشوية و بس . و الفرن عندو كان قديم و من الحديد و شكلوا لحاله تحفة .. ادام الفرن في صحون بيضاء مبردة , نظيفة , فيها أشكال و الوان […]

The post بطاطا مشوية , بثلات حشوات appeared first on لقمة طيبة.

]]> هي البطاطا من اطيب الوصفات عندي , أول مرة دقتها كانت في مطعم تركي صغير على شط البحر في استنبول , المطعم كان مختص بالبطاطا المشوية و بس . و الفرن عندو كان قديم و من الحديد و شكلوا لحاله تحفة ..
ادام الفرن في صحون بيضاء مبردة , نظيفة , فيها أشكال و الوان من الخضار و الحشوات , جرجير , درة , دجاج مدخن , فطر , كولسلو , حتى الهوت دوغ كان شكله حلو .. يا ترى الوصفة طيبة كتير و االا انا كل ما بحضرها و باكلها برجع بالذاكرة لهديك الليلة الدافية

بالعادة بحبها سادة مع رشة ملح و فلفل و زبدة و ممكن جبنة موزاريلا أو بارمجان , بس اليوم رح نحضرها بتلات حشوات , كل واحدة منهم أطيب من التانية .. بتمنى تحطيهم على بالك و تجربيهن بشي يوم من الايام ..

الوصفة الها سريين , لحتى تطلع معك متل بطاطا استنبول , السر الاول انو ما تغلفيها بورق الالمنيوم وقت الشوي لان المفروض انو تنشوى على نار قوية مو تنطبخ على البخار , و السر التاني انو تهرسيها بالشوكة مع الزبدة و البهارات , خفقيها لحتى تصير ناعمة و خفيفة و بتجنن

يا ترى انت كيف بتحضري هل البطاطا

بالصحة و الهنا

The post بطاطا مشوية , بثلات حشوات appeared first on لقمة طيبة.

]]> https://monasaboni.com/%d8%a8%d8%b7%d8%a7%d8%b7%d8%a7-%d9%85%d8%b4%d9%88%d9%8a%d8%a9-%d8%a8%d8%ab%d9%84%d8%a7%d8%aa-%d8%ad%d8%b4%d9%88%d8%a7%d8%aa/feed/ 27 امبطن ليبي https://monasaboni.com/%d8%a7%d9%85%d8%a8%d8%b7%d9%86-%d9%84%d9%8a%d8%a8%d9%8a/ https://monasaboni.com/%d8%a7%d9%85%d8%a8%d8%b7%d9%86-%d9%84%d9%8a%d8%a8%d9%8a/#comments Sat, 19 Nov 2011 21:42:15 +0000 منى http://monasaboni.com/?p=423 الوصفة اليوم وصفة مقبلات شعبية تراثية ليبية , مو معقول لما بتتحضر على اصولها اديه بتكون طيبة و نكهة الحشوة مع البهارات بتاخد العقل , اليوم اكلناها و اكلنا صوابعنا وراها الحمد لله اللهم ادمها نعمة و لا تجعلها الى زوال . يمكن هي من اكتر الوصفات اختفاءا كل ما بحضرها و أكتر الشي بتتحضر […]

The post امبطن ليبي appeared first on لقمة طيبة.

]]> الوصفة اليوم وصفة مقبلات شعبية تراثية ليبية , مو معقول لما بتتحضر على اصولها اديه بتكون طيبة و نكهة الحشوة مع البهارات بتاخد العقل , اليوم اكلناها و اكلنا صوابعنا وراها الحمد لله اللهم ادمها نعمة و لا تجعلها الى زوال .
يمكن هي من اكتر الوصفات اختفاءا كل ما بحضرها و أكتر الشي بتتحضر بالبطاطا , بس كمان باالقرنبيط طيبة كتير و بالفليفلة كمان بتكون يمممي , انا عادة بحضر اكتر من نوع اذا متوفر و اولادي بيموتوا على هل الاكلة و نوعهم المفضل البطاطا , لهيك دوما بس ما ابدى ااقلي و تطلع الريحة الطيبة بتلاقي الكل ركض على المطبخ انو شو اليوم عاملتيلنا اليوم ماميتو , مممم


اذا زاد لتاني يوم ممكن نغمرها بصلصة حمرا و نرجع نسخنها بالفرن , كمان كتير طيبة و مستاهلة كل تجربة بس انا مبطن البطاطا ما بحبه مع الصوص الاحمر . اما القرنبيط و الفليفلة بحبهن بالطريقتين .


تحياتي لليبيا و شعبها و ان شاء الله دوما الشعب الليبي في القمة

بالصحة و الهنا

The post امبطن ليبي appeared first on لقمة طيبة.

]]> https://monasaboni.com/%d8%a7%d9%85%d8%a8%d8%b7%d9%86-%d9%84%d9%8a%d8%a8%d9%8a/feed/ 23