The post براونيز بكريما الخمس دقايق السرية appeared first on لقمة طيبة.

الوصفة بسيطة وما فيها اسرار .. غير سر واحد .. ، وهو في حال زاد كب كيك فيك تحفظيهم في البراد ليوم تاني ، بس مهم قبل التقديم تخليهم برة في درجة حرارة الغرفة هيك بيكونوا اطيب . اتذكرت شغلتين تانيات مهمات.. ان تكون الموزات كتير كتير طرايا بيعطوا نكهة اطيب ، وكمان ننتبه بعد اضافة الطجين التقليب بيكون بس حتى تمتزج المواد ، الخفق الزيادة رح يخلي المافن قاسي وكتيم .

بالف صحة وهنا وبتمنى ما تحرموني من تفاعلكم وتعليقاتكم وملاحظاتكم ووجودكم .

The post كب كيك الموز الرائع appeared first on لقمة طيبة.

Pâte sucrée façon Pierre Hermé

عجينة التارت باللوز على طريقة بيير هيرميه

في سنة 2016 كان في فكرة ان نهاجر من البلد وبالفعل بدينا نرتب امورنا ونظمها على هل الاساس .. كان في عندي خزانة كبيرة بطول حيط وبعرض متر ونص ..كانت خزانتي الي برتب فيها الاشياء الخاصة بالتصوير من خلفيات وقماشات واشياء تانية كنت جامعتها على مدة اكتر من 6 سنين .. هل الخزانة كلها فضيت لما بديت اجهز للهجرة .

الي صار بعدها ان الهجرة ما زبطت لاكتر من سبب ونحن بقينا هون وخزانتي صارت فاضية

هلق لما رجعت اصور للموقع اكتشفت حرفيا اني نسيانة كتير كتير ..ولما ارجع طلع بصوري القديمة عبقول لحالي والله كنت فنانة .. ييي هي القطعة الي ورا فرقتها وهي عطيتها لرفيقتي وهي مابعرف وين صارت ..وشو هي ..انا كان عندي هيك شي !! .. يعني هلق بديانة من الصفر ( او تقريبا من الصفر ).

مشان هيك رح تكون الصور حاليا بسيطة حتى ترجع تكبر خزانتي ان شالله .

متل ما شايفين في الصورة البسيطة واحدة من ابسط الوصفات الي ممكن نتعلمها : عجينة التارت .. بس متل كل الوصفات السهلة ..الوصفة البسيطة في الها كتير اسرار حتى تكون ناجحة .يعني الواحد بحاجة يكون عنده وصفة اساس يعتمدها ومن بعدها يمشي وينوع في النكهات ، اذا كان بدك هيك وصفة فهي الوصفة الي كنتي عبتدوري عليها ز. انا معتمدتها في شغلي ومنها بحضر تارت الحروف والارقام ( الاكثر طلبا عند منى )

اليوم رح قدملكم وصفة لشيف من اشهر الشيفات الفرنسيين والي بمجرد ما ينذكر اسمه رح نتذكر الابداع والتجديد واللمسة الراقية ..شيف بير هيرميه Pierre Hermé .. منهم بيسموه مهندس الحلويات .. كتير قدم في مجال الماكرون لان هو واحد من افضل مين خلق وابتكر نكهات جديدة اله . عنده كتير كتب خاصة بالحلويات الشوكولا والتارت والماكرون .. انا جربت اله عجينة تارت اللوز ..وكانت ولا اروع ولا اطيب ولا اسهل ولا احسن . مع تعديلين تلاتة صارت حفر وتنزيل الي .

أسرار الوصفة :
اول الشي استخدام الميزان لقياس المقادير .. انا رح اعطيكم المقادير بالكوب وبالغرامات ، بتمنى اذا حابين تجربوا الوصفة الدقيقة تقيسوا المقادير بالميزان . ارجوكم جيبوا ميزان للحلويات .. هاد اهم قطعة في مطبخ الحلويات بعد الفرن والخفاقة.

تاني شي بعد اضافة السوائل ( الي هو البيض هون ) للازم العجن يكون بلطف وبس حتى تلم العجينة ، بمجرد ما تلم منكتفي . زيادة العجن رح تخلي التارت يصير قاسي ومو هش بعد الخبز.

تالت الشي التبريد التبريد ومن ثم التبريد . يعني منعجن وبعدها منبرد العجينة ومنريحها ، هل الشي رح يخلي العجين يساعدني في المد وما يشقشق اثناء الشغل ، وقبل الخبز كمان التبريد مهم جدا حتى تبقى العجينة محافظة على شكلها وما تنتفخ من هون او هون واخر الشي التبريد مهم بعد الخبز حتى ما تفتت العجينة لما نقلبها من القالب .
.

رابع شي لما نشكل العجينة يفضل استخدام ورق زبدة للرق عواض عن رش الطحين ، لان اذ رشينا طحين وبعدها رجعنا لمينا باقي العجين وعدنا تشكيله رح تتغير مقادير العجينة نفسها وتصير قاسية

هي الاسرار مهمة لاي عجينة تارت بغض النظر عن المقادير الي رح تستعملوها .. وهيك صارت الوصفة واسرارها بين ايديكم .. بشوفكم عل خير اسبوعالقادم ان شالله

لا تحرموني من تواجدكم وردودكم وتفاعلكم وبالصحة والهنا .

The post عجينة التارت باللوز على طريقة بيير هيرميه appeared first on لقمة طيبة.

بتعرفوا لما الواحد بيكون بده يعمل احسن شي ومابتتيسر القصة بيقوم بياجل وبياجل لحتى تخمد الحماسة ويبقى من المشروع كله عبارة عن فكرة غامضة وقديمة .. هيك كان عبيصير فيني .
كل ما اقرر ارجع .. تكون احلامي كبيرة .. لازم ارجع بفيديو مهم , لازم يكون معي مقدمة عظيمة , لازم تكون الوصفة خارقة .. وهيك تم تاجيل هل الموضوع ( الي كنت اعمله كل يومين تلاتة باول التدوين ) تم تاجيله سنوات .. ويمكن ما حدا بيعرف كيف بتهرب السنوات متل الي عاش بالحرب .

المهم يا اصدقائي الغالين ، اليوم انا رجعت بوصفة خارقة ..الوصفة الي مقاديرها مضبوطة على التكة ، الوصفة الي تعبت وانا عبزبطها والي اخدت معي وقت طويل لاعتمدها ، والي هي شي خاص بكورساتي ، والي رح تزبط معك من اول مرة وكل مرة باذن الله . كوكيز الشوكولا الافضل على الاطلاق ..الكوكيزرح يكون متفجرة بطعم الشوكولا ، غنية كتير مقرمشة من برة مع طبقة طرية من جوة، بعدين سهلة كتير بوعاء واحد بتتحضر ..ومقاديرها سهل تتوفر .

يا ريت لو حدا جربها يبعتلي صور هون او على صفحة اللقمة على الفيس بوك . رح اكتب المقادير بالغرامات وبالكاسات ، واذا حدا بده يجرب الوصفة على المضمون يجربها بالميزان .. . يرروح يشتري ميزان / لانه قطعة كتير اساسية ومهمة بالمطبخ ، وبمجرد ما نقول وصفة حلويات احترافية ، معناها لازم تكون مكتوبة بالغرامات لضمان الدقة ونجاح الوصفة باذن الله .

رح اوعد حالي واوعدكم ان يكون في وصفة جديدة مرة واحدة بالاسبوع اذا رب العالمين يسر ، طبعا مع قصص وخبريات متل العادة .

مشتاقتلكم كتير

خلونا نبدا باسم الله المبدع الكريم .. ومتل ما كنت ااقول .. صحة وهنا

The post أفضل وصفة كوكيز على الاطلاق ..والعودة الى التدوين appeared first on لقمة طيبة.

رح اترككم مع تقديم مها للوصفة ، و بعدها الوصفة نفسها و بالصحة و ألف هنا .
________
الفطير المشلتت أكلة مصرية، من أقدم أنواع الفطير في التاريخ. قدمه المصريين القدماء قربان للآلهه في المعابد، ووضعوه مع المتوفيين في المقابر لأنه كان يعمل من عناصر لها قيمة مادية كبيرة حينها مثل السمن، والدقيق، والعسل. في مصر القديمة كان يسمى الفطير الملتوت (المطبق).
مع مرور الأيام أصبح الفطير المشلتت جزء من المأكولات، والثقافة المصرية بتتوارثه الأجيال من بعض جيل بعد جيل، وأصبح يقدم للضيوف كتعبير عن الحفاوه بهم. انتقل عمل الفطير من الصعيد للدلتا، وأصبح يُقدم في الأعياد، والمناسبات، والأفراح، وله أهمية اجتماعية كبيرة لأن النساء في الريف يقومون بإعداده، وإهداءه لأقاربهم، وضيوفهم.
في عصر الدولة المملوكية الذي كان حافل بأنواع كثيرة من الحلويات الخاصة بمصر، ومنها كثير انتقل للخارج. ظهر نوع اسمه الفطير الهلالى، وهذا النوع انتقل لأوروبا خصوصاً فرنسا حيث أصبح يُعرف بالكرواسان (بالفرنسية: Croissant).
الفطير المشلتت مغذى لأن به فيتامينات الدقيق، والذرة، والسمن البلدى، والسكر، ويؤكل مع العسل، أو الجبنة المصنوعة من اللبن ,,,
والمقاديير : لكل فطيره عملت الاتي

The post الفطير المشلتت appeared first on لقمة طيبة.

مهلبية الشوكولا بالبسكويت .. كل لقمة بلقمتها غرام و متعة و لذة ، عشاق الشوكولا ما لازم ابدا يفوتوا هي الوصفة ، تقريبا كل ما أعملها بتطير خلال ااقل من نص ساعة و هي لسا دافية شوي .. أد ما كانت الكمية ، صحن ورا صحن ورا صحن .. و الحلو كمان ان شكلها كتير مميز ، بتقدروا تستخدموا ايا بسكويت عندكم .. انا استعملت هل النوعية ، حبيت شكلها لما دابت الكريما شوي ، صارت اغراء فوق اغراء .

بالصحة و الهنا

The post مهلبية الشوكولا بالبسكويت appeared first on لقمة طيبة.

The post كاتو النسكافيه و الجوز appeared first on لقمة طيبة.

The post كاتو القرفة المميز appeared first on لقمة طيبة.

يمكن أخر مرة رح نشعل الصوبة , لهيك لحقت حالي و حضرت الكاتو عليها , و طلع رااائع متل كل مرة . و للأمانة الفكرة انا شفتها ع جروبات الطبخ في الفيس بوك منتشرة , ما بعرف صاحبتها الأصلية , بس الله يجزيها عنا كل خير , فكرة بسيطة بس مبدعة . بتحضري الكاتو بثواني , بتغطيه و بتحطيه ع الصوبة , و بتفوح الروايح الطيبة عليكن و انتو قاعديين بهل العتمة , ما في ضو غير النار , قعدة رايقة الحمد لله

الوصفة الي بحضر فيها هل الكاتو كمان سهلة و على ايدك بتصير من دون خفاقة , يعني منقدر نتحلى حتى لو الكهربا مقطوعة , انت فيك تحضري ايا وصفة معتمدتيها و تخبزيها على الصوبة , الفكرة بطريقة الخبز , مو بالمقادير نفسها .

لحتى ينجح معك من اول مرة لازم تنتبهي ع كم نقطة بسيطة بس مهمة , اول الشي لازم تغطيه بشكل محكم , و ما تبان منه و لا زيق هل الاد صغير و الا ما بنفش و بيعجن معك , تاني شي لازم يكون عيار الصوبة ع الوسط , لا عالي بيحترق , و لا واطي ما بيعود بيستوي و لا بينفش . أخر شي شفت بعد كذا تجربة انو اذا استخدمتي القالب الي مثقوب بالنص عبيعطي نتيجة احسن . بكل الاحوال هل العيار رائع , فيك تحضريه و تخبزيه بالفرن , إذا ما كان في صوبة عندك

بالصحة و الهنا

The post كاتو على الصوبة appeared first on لقمة طيبة.

]]> https://monasaboni.com/%d9%83%d8%a7%d8%aa%d9%88-%d8%a7%d9%84%d8%b5%d9%88%d8%a8%d8%a9/feed/ 12 https://monasaboni.com/%d8%ad%d9%84%d9%89-%d8%a7%d9%84%d9%81%d8%b1%d9%8a%d8%b2-%d8%a8%d8%a7%d9%84%d9%83%d8%a7%d8%b3%d8%a9/ https://monasaboni.com/%d8%ad%d9%84%d9%89-%d8%a7%d9%84%d9%81%d8%b1%d9%8a%d8%b2-%d8%a8%d8%a7%d9%84%d9%83%d8%a7%d8%b3%d8%a9/#comments Fri, 10 May 2013 08:18:18 +0000 منى http://monasaboni.com/?p=2361 من وقت ما بيجي الفريز لوقت ما يروح لازم كل كم يوم حضر شي جديد فيه , عشقي و غرامي هل النوع من الفواكهة , رومانسي و ناعم و حلو و طيب و بيدوب بالتم و لونه أحمر و قلبه زهري و كمان ما فيه كالوري متل كل شي حلو بهل الدني , هو لالي […]

The post حلى الفريز بالكاسة appeared first on لقمة طيبة.

]]> من وقت ما بيجي الفريز لوقت ما يروح لازم كل كم يوم حضر شي جديد فيه , عشقي و غرامي هل النوع من الفواكهة , رومانسي و ناعم و حلو و طيب و بيدوب بالتم و لونه أحمر و قلبه زهري و كمان ما فيه كالوري متل كل شي حلو بهل الدني , هو لالي كل شي بحبه بأكلة .

عملت كيك سادة و خطر ببالي حضر منه شي جديد بالفريز , حضرت كاسترد , قطعت فريز و رشيتهم بشوية سكر و خليتهن يرتاحوا شوي لحتى يطالعوا من عصيرهن الحلو , قطعت الكيك على أد الكاسات و حطيت شرحة كيك و رشيت عليها من مية الفريز , و فوقها شرحات فريز و فوقهن كاسترد , و منعيد , منخليهن شوي بالبراد و وقت التقديم شوية شوكولا على الوج , مم ممم ممممم , الاغراء كله ادامي بكاسة واحدة ما في أطيب من هيك , بصراحة مع هيك حلو الواحد ما بياكل منه , الواحد بيدوب فيه .

طلبت مني الاخت Bayan Al-taleb وصفات حلويات ما بدها فرن , و هي رح تكون أول وصفة بهل المجموعة في حال استخدمتي كيك جاهز أو أصابع ليدي فنجرز جاهزة أو حتى بسكويت عادي , بهيك حالة الوصفة ما بياخد تحضيرها معك أكتر من ربع ساعة و على السريع وصفة حلو للحلوين .
بالصحة و الهنا

The post حلى الفريز بالكاسة appeared first on لقمة طيبة.

]]> https://monasaboni.com/%d8%ad%d9%84%d9%89-%d8%a7%d9%84%d9%81%d8%b1%d9%8a%d8%b2-%d8%a8%d8%a7%d9%84%d9%83%d8%a7%d8%b3%d8%a9/feed/ 2 https://monasaboni.com/%d9%83%d8%b1%d8%a7%d8%aa-%d8%a7%d9%84%d8%b1%d9%8a%d9%83%d9%88%d8%aa%d8%a7-%d8%b9%d9%84%d9%89-%d8%a7%d9%84%d8%b7%d8%b1%d9%8a%d9%82%d8%a9-%d8%a7%d9%84%d8%aa%d8%b1%d9%83%d9%8a%d8%a9/ https://monasaboni.com/%d9%83%d8%b1%d8%a7%d8%aa-%d8%a7%d9%84%d8%b1%d9%8a%d9%83%d9%88%d8%aa%d8%a7-%d8%b9%d9%84%d9%89-%d8%a7%d9%84%d8%b7%d8%b1%d9%8a%d9%82%d8%a9-%d8%a7%d9%84%d8%aa%d8%b1%d9%83%d9%8a%d8%a9/#comments Sun, 31 Jul 2011 10:47:39 +0000 منى http://monasaboni.com/?p=1609 اللهم سلمنا لرمضان و سلم رمان لنا و تقبله منا سالما . سبحان الله رمضان السنة عم يمرق بأصعب أيام بالسنة ! شوب و النهار طويل و الليل قصير , اليوم سمعت حديث ” من صام رمضان إيمانا و احتساباً غفر له ما تقدم من ذنبه ” , مع انو هل الحديث حافظاته عن ظهر […]

The post كرات الريكوتا على الطريقة التركية appeared first on لقمة طيبة.

]]> اللهم سلمنا لرمضان و سلم رمان لنا و تقبله منا سالما .


سبحان الله رمضان السنة عم يمرق بأصعب أيام بالسنة ! شوب و النهار طويل و الليل قصير , اليوم سمعت حديث ” من صام رمضان إيمانا و احتساباً غفر له ما تقدم من ذنبه ” , مع انو هل الحديث حافظاته عن ظهر قلب , بس اليوم كأنو عم اسمعه لأول مرة , إن شاء الله رح نصومه إيمانا و احتساباً و إن شاء الله رح نكون من عتقائه , أمين


من صام رمضان , غفر له ما تقدم من ذنبه , يعني رمضان الي صمناه بالشتي , حسابه متل حساب رمضان الصيف . بتحس انو في خط واحد و مكيال واحد و مبدأ واحد , مو المهم الظرف المهم انت شو , الخط الي ماشي عليه شو , فوق و الا تحت انت نفسك بأخلاقك و مبادئك و تربيتك , اختبارك مو بس فوق , اختبارك فوق و تحت , بالرخاء و الشدة , و هون بيبان الدهب من التنك .


ما هي الدني يوم فوق و يوم تحت , الثبات و الاستقرار و دوام الحال , بعد التفكير الواقعي , هو فعليا ما بيتحقق الا بالموت الي هي نقيض الحياة و الحركة . و لما الانسان بيعرف انو هو موجة صغيرة بهل الدني , بيعود يفكر انو هو ما بيقدر يغير البحر , بس بيقدر يشتغل على حاله يكون صح و الباقي رح يتصلح لما بيكون أغلب الناس عندها هل التفكير , بس هو يكون صح , فوق و تحت ..


لما الواحد بشوف كل الاسى الي مارق علينا , ممكن يقول وين العدل ؟ هون في مقولة بحبها كتير , نسيت مين صاحبها ” ليس هنا ظلمة و لكن هناك قصور في الرؤية ” . لما الواحد بيشوف الصورة كاملة بيعرف انو الظلام هو اساسي لاظهار النور , الشغلة بدها صبر و عمل و امل و الباقي خليه لرب العالمين .



من المطبخ التركي وصفة طيبةةةة و سهلة و خفيفة و مناسبة لرمضان و شوباته , هي الوصفة حفر و تنزيل لتلات اسباب , اول شي حلو و الحلو حلو برمضان , تاني شي اسهل حلو رح تعمليه بحياتك , وقت جهزته اول مرة , قلت لا مو معقول , خلص يعني !! اخد ااقل من 5 دقايق . تالت شي خفيف كتير و رح يكون مناسب بعد وحبة الافطار .

اللهم اعنا على الصيام و القيام و غض البصر و صلة الأرحام , امين امين


بالصحة و الهنا

The post كرات الريكوتا على الطريقة التركية appeared first on لقمة طيبة.

]]> https://monasaboni.com/%d9%83%d8%b1%d8%a7%d8%aa-%d8%a7%d9%84%d8%b1%d9%8a%d9%83%d9%88%d8%aa%d8%a7-%d8%b9%d9%84%d9%89-%d8%a7%d9%84%d8%b7%d8%b1%d9%8a%d9%82%d8%a9-%d8%a7%d9%84%d8%aa%d8%b1%d9%83%d9%8a%d8%a9/feed/ 17 https://monasaboni.com/%d9%83%d8%b1%d9%8a%d8%a8-%d8%a8%d8%a7%d9%84%d8%b4%d9%88%d9%83%d9%88%d9%84%d8%a7/ https://monasaboni.com/%d9%83%d8%b1%d9%8a%d8%a8-%d8%a8%d8%a7%d9%84%d8%b4%d9%88%d9%83%d9%88%d9%84%d8%a7/#comments Thu, 21 Apr 2011 10:02:11 +0000 منى http://monasaboni.com/?p=1607 تقريبا أغلب الناس بتحب الكريب و مع ان وصفته بسيطة كتير بس مو كتير الي بيتشجع يحضرها . العجينة واحدة بس الحشوة ممكن تتغير و في مية الف فكرة و فكرة لتجددي فيها , حلو و مالح , بارد سخن , شو ما بيخطر على بالك اذا كان الكريب محضر صح فرح يطلع ايا شي […]

The post كريب بالشوكولا appeared first on لقمة طيبة.

]]> تقريبا أغلب الناس بتحب الكريب و مع ان وصفته بسيطة كتير بس مو كتير الي بيتشجع يحضرها . العجينة واحدة بس الحشوة ممكن تتغير و في مية الف فكرة و فكرة لتجددي فيها , حلو و مالح , بارد سخن , شو ما بيخطر على بالك اذا كان الكريب محضر صح فرح يطلع ايا شي فيه طيب


اليوم فكرة كتير بسيطة , حاشية الكريب بكريم موسلين , الي هو كريم باتيسير مع شانتيه , ما بتعرفي هل الاضافة البسيطة شو بتفرق بالطعم , بتحول الحشوة من شي طيب لشي يجنن و الحشوة هي لو مديتيها على بسكويت بتطلع يممي لو حشيتي فيها الكاتو بتطلع نممي و لو حشيتي فيها الكريب بتطلع نميي نميي .


بعدها وزعت عليه صوص شوكولا و اخر لمسة هي كرانش الشوكولا الي حيضيف قرمشة لكل لقمة , القوام مهم بكل وصفة و هي الاضافة رح تعمل اللمسة المزبوطة بين الحشوة الكريمة الناعمة الي بتدوب بالتم و القرشة الطيبة للكرانشات و كله مغطس بصوص شوكولا بياخد العقل .


بالصحة و الهنا

The post كريب بالشوكولا appeared first on لقمة طيبة.

]]> https://monasaboni.com/%d9%83%d8%b1%d9%8a%d8%a8-%d8%a8%d8%a7%d9%84%d8%b4%d9%88%d9%83%d9%88%d9%84%d8%a7/feed/ 32