بازركان واحدة من السلطات الخفيفة الطيبة الي ما بينشبع منها , وقت يكونوا الشنكليشات طيبات , بس ما بديتي فيها ما بتشيلي ايدك ليخلص الصحن ع الأخير , هو و مرقته كمان , مع كاسة شاي و خبز تازة , اللهم أدم النعم و لا تجعلها إلى زوال .
هي السلطة بتذكرني بالسفر , نحنا بحلب ما منعرفها و لا منعملها , بس كنا دوما ناكل منها بصلنفة و باللادقية و بحمص و بجبلة , أيام ما كنا نقدر نسافر و الطرقات كانت مفتوحة , هلأ مناكل البازركان بالبيت و منتخيل البحر أو الجبل ادامنا , لوقت ما رب العالمين يفرجها على عباده .
كنت كل مرة دوقها بطريقة شكل , مرة مع بقدونس , مرة مع نعناع فريش , مرة مع زيتون أخضر , و مرة كانوا حاطيين معها شوي دبس رمان . رح اكتب الوصفة البسيطة الي بحضرها دوما و انت فيك تضيفي اشيا ع زوءك .
بالصحة و الهنا
-المقادير:
2 حبة كبيرة بندورة
1 حبة كبيرة خيار
ربع كوب زيتون , مخلى من البذر ( اختياري )
ربع حبة صغيرة بصل
1 – 2 حبة شنكليش
6 – 8 ملعقة كبيرة زيت زيتون
ملح
رشة نعناع
2 حبة كبيرة بندورة
1 حبة كبيرة خيار
ربع كوب زيتون , مخلى من البذر ( اختياري )
ربع حبة صغيرة بصل
1 – 2 حبة شنكليش
6 – 8 ملعقة كبيرة زيت زيتون
ملح
رشة نعناع
- طريقة التحضير :
1 - تفرم الخضار ناعماً جداً , تقلب مع الزيت و الملح و النعناع و توضع في طبق التقديم .
2 – يفرم الشنكليش و يوضع في منتصف الطبق , يقدم فوراً .
1 - تفرم الخضار ناعماً جداً , تقلب مع الزيت و الملح و النعناع و توضع في طبق التقديم .
2 – يفرم الشنكليش و يوضع في منتصف الطبق , يقدم فوراً .
-
وصفات تانية ممكن تعجبك
ممممم من وجبات الفطور المفضلة عنا ايام ما كانت متوفرة وقت كنت بالشام ضيفي حبيبتي رشة حبة البركة و رشة سمسم بقشره محمص على خلطتك بتعزز النكهة بتناغم مع باقي المكونات
على فكرة صورتك روووعة ….
من زوءك فرح , و الله و انا كمان غرامي , ممم حبيت الفكرة كتير , بكرة ع الفطور ان شا الله رح جربها
تعيش دياتك و شكرا ع الاضافة كتير 🙂
تسلم ايديك بس عملت الشنكليشات هي اول شغلة رح اعملا ان شا الله
ان شا الله تجربيها و تكون طيبة و ع زوءك , و رح استنى رايك 🙂
يسلمو دياتك يا منى عالوصفات الحلوة عملتا بس بدون خيار وزيتون مرقيلنا اياها 🙂 وحطيت ورق نعنع أخضر وزعتر اخضر انا حبيت طعمة ورق الزعتر الأخضر معا جربيا راح ارفع صورة الصحن عالجروب 🙂
ههههههه اي بمرق ليش لا , يلا عبستنى الصورة
تسلم ايديكي موني
الله يسلمك مية صحة 🙂
يسلم ايدك ست منى بس كيف ممكن اعمل الشنكلش بل فيتا؟
اهليين هدولة 🙂
بتبلي الفيتا من دون تنشيف بالتوابل ، و بتنتبهي ع الملح لان الفيتا مالحة , بتكوريهن و بتابعي الوصفة متل العادة ..
هلا هي طيبة كتيرررر , بس مو شنكليش شنكليش