أنا كاتبتها فوق بالطريقة الي كانت ستس و ست ستي يحضروا المربى , هيك اتعلمتها , و على فكرة نحنا بحلب اغلب المربيات توضع على الشمس لحتى تسمك و بهيك توصل للسماكة المطلوبة و بيبقى لون الكرزات حلو ..

ألف ألف شكر ليك لاغناء الوصفات بطريقتك , يعني ردودك بتبل القلب و واثقة ان الكل رح يستفيد منها

يا ستي بعد ما تخلي الكرز من النواة بتحطي الكرز مع السكر طبقات، طبقة كرز وبتغطيها بالسكر وهكذا حتى انتهاء الكمية، وبتغطي الوعاء وبتتركيه بالثلاجة يوم كامل.

في اليوم الثالي بتلاحظي إنه الكرز نزّل كتير من ماءه، فالوصفة مش محتاجة ماء إضافي. بتحطي الوعاء على نار متوسطة وبتضيفي ملعقة كبيرة عصير ليمون مع التحريك حتى يذوب السكر ونتركه حتى يغلي، فنخفض الحرارة ونتركه خمس دقائق، ثم نرفع الكرز من الماء ونحفظه جانبا ونترك الشراب على النار حوالي نصف ساعة حتى يصبح كثيفا.

نعيد الكرز إلى الشراب ونتركه حتى يبدأ بالغليان، فيغلي عشر دقائق أو أكثر حسب السماكة المرغوبة ثم نبعده عن النار. نتركه حتى يبرد تماما ثم نعبئه في برطمانات معقمة ونغطيه بإحكام ونحفظه.

وصحة وهنا على قلب الجميع.. بس عجبتني طريقتك عالشمس هاي. بيحسها الواحد معمولة عالمزاج هيك مش بسرعة. :roll