Comments on: عزيمة خالو تقي 2009 https://monasaboni.com/%d8%b9%d8%b2%d9%8a%d9%85%d8%a9-%d8%ae%d8%a7%d9%84%d9%88-%d8%aa%d9%82%d9%8a-2009/ الأكل عَ أصوله Fri, 04 Jan 2019 21:49:10 +0000 hourly 1 http://wordpress.org/?v=3.6 By: lolli https://monasaboni.com/%d8%b9%d8%b2%d9%8a%d9%85%d8%a9-%d8%ae%d8%a7%d9%84%d9%88-%d8%aa%d9%82%d9%8a-2009/#comment-757 lolli Mon, 06 Dec 2010 02:01:59 +0000 http://monasaboni.com/?p=93#comment-757 عن جد
(( منى و بس و الباقي خس ))
ما اتوقعت انك تجاوبيني بهالسرعة و ترديلي الثقة لنفسي

اكيد اتعلمت كتير شغلات جديدة متل انو السلطة بتنفرم قبل بيوم و بكياس عالبراد

و انو حتى بتجهزي مفرش السفرة و لوازمها قبل بيوم
بالنسبة للرز ما عرفت شو قصدك يتفلفل اكيد حابة اعرف طريقتك لطبخ الرز

هلء عندنا بكارفور في رز باكياس صغيرة و مثقبة بتحطيه بمي عم تغلي و بتشيليه بعد 12 دقيقة و بيكون مستوي ومو مخبوص و بتشقي الكيس فوق الصحن و بكون جاهز و حباته مو ملزقين
هو بيكون اغلى من الرز العادي بس بتوقع انو للعزيمة اخف لبكة
اما بالنسبة للاوزي : اتعلمت من رفيقة ماما اني اعملهم اصابع و بسموهم ميني اوزي رول
هيك الضيف بياكلها برشاقة و بيتني منها قد ما حب و الصغار ممكن وحدة تكون كافية احسن ما ياخدو قطعة كبيرة و ما يكملوها
ويمكن لاني لوحدي و عندي صبي هلء عمرو سنة و نص الله يخليه كتييييييير بيساعدني بالمقلوب عم تكون عزايمي فاشله و محبطة جدا

لذلك متل ماقلتي لازم اخطط قبل و احسب وقتي
و حتى طناجري و اخلص اكتر شغل ممكن قبل بيوم
ع كل حال ان شاء الله بالفترة القادمة رح تشوفي مني رسالة اني عملت عزيمة و نسبة نجاحها
خصوصا اني طبقت كم اكلة رائعة من الموقع و نجحو و نالو اعجاب زوجي
طيب انا طولت عليكي بس بقيان طلبين من بعد اذنك

الاول: في كتير عندي وصفات مصورة لمعجنات و حلويات و غالبا عالايميل و لكن ما عندي الوقت اني اجربهم و تاني شي زوجي زوقه بالاكل صعب و خياراتي غالبا محدودة . هلء انا حابة اني ارسلك ياهم بالايميل لو ما عندك مانع
عن جد اكيد رح تحبي كم وصفة لذلك رح حط ايميلي و لتبعتيلي عليه طريقة ارسلك فيها الوصفات المصورة
الطلب التاني :
مرة باحد مواقع الطبخ كان لما بفتح ع اي وصفة و بتعجبني كان في زر طباعة و لما بضغط عليه
بتطلع بس صفحة فيها الوصفة بقاديرها وطريقتها بس بملف صورة و ارضية الصورة كلها شعار الموقع
متل مابتعرفي معظم ستات البيوت بيكونو مستعجلات
و انا اولهم و حتى ابني ما بهنيني بقعدة كومبيوتر و يا هو يا اللابتوب
لهيك ياريت يصير في هيك خيار يسمحلي اطبع الوصفات و احتفط فيهم بسهولة لانو غالبا ماعندي وقت انقل و اكتب
هيك بتكوني فضلتي ع راسي من فوق متل ما بيقولو بالمسلسلات ههههه :grin
و بعتذر للاطالة و للاخطاء الاملائيةو الله يوفقك و يلبسك توب العاقية و يهدي بالك

]]> By: منى https://monasaboni.com/%d8%b9%d8%b2%d9%8a%d9%85%d8%a9-%d8%ae%d8%a7%d9%84%d9%88-%d8%aa%d9%82%d9%8a-2009/#comment-759 منى Mon, 06 Dec 2010 01:46:59 +0000 http://monasaboni.com/?p=93#comment-759 لا مو نسيانتك , بس انشغلت شوي :zzz

بس بدي خبرك شي , ان انا بس بجهو الخضرة تبعة السلطة من دون فرم , يعني بنضف الخس و الزعتر انتفه و اجهز الجرجير , و يو العزيمة بقطعهم لحتى يبقوا فريش و تازة

طبخ الرز موجود بقسم اساسيات , فيك تشوفيهم بالتفصيل

رح ابعتلك ايميل لحتى ترجعي تبعيلي الوصفات , شو رايك هلا شيل ايميلك من ردك :roll

بالنسبة للموقع , هلا في شي لتحديثه و ان شاء الله منحط الميزة الي ذكرتيها فيه

شكرا كتير لدعواتك و ايا خدمة تانية من عيوني ;)

]]> By: lolli https://monasaboni.com/%d8%b9%d8%b2%d9%8a%d9%85%d8%a9-%d8%ae%d8%a7%d9%84%d9%88-%d8%aa%d9%82%d9%8a-2009/#comment-758 lolli Wed, 01 Dec 2010 05:02:34 +0000 http://monasaboni.com/?p=93#comment-758 صباح الخير اختي منى

انا مو حابة اني اتقل دمي و حل ثقالتي بس حابة اني اعرف شو رأيك باقتراحاتي

مافيني اقلك غير انو ماتنسيني و انا ناطرة ردك :?

]]> By: منى https://monasaboni.com/%d8%b9%d8%b2%d9%8a%d9%85%d8%a9-%d8%ae%d8%a7%d9%84%d9%88-%d8%aa%d9%82%d9%8a-2009/#comment-756 منى Sun, 28 Nov 2010 14:22:41 +0000 http://monasaboni.com/?p=93#comment-756 هلا لولي :)
و لا يهمك و لا تزعلي على الي بيصير , لا تفكري ان انا بكون رايقة و هادية كتير قبل هيك عزيمة كبيرة , بصير من عبطتي ما بعرف حالي :roll و مع اني عندي خبرة 14 سنة , بقى انتي هلا لسا جديدة على المطبخ و الا ما تغلطي كم غلطة لحتى تزبط معك ..

شو بعمل بهيك عزيمة , خليني احكي عن هل الوصفات

قبل اسبوع , بلف اليالنجي بحطه بالفريزر , قبل بيوم من العزيمة اطبخه و اخليه بمرقه لتاني يوم , بحبه كتير هيك و بحسه بيشرب حمض غير شكل

قبل يوميين بجهز الكبة و بخليها بالفريزر

قبل بيوم هو اهم يوم و هو الي بخلص فيه الشغل , بجهز حشوة الاوزي , بطبخ البازلاء كلها خالصة , بجهعز المحمرة , بسلق الدجاج للفريكة و فخدات الدجاج و السلطة و بتبل جاج الشاورما, لقمة تشكن و الشوكي بجهزهم للأخر بس من دون الخبز و على التغليف و على البراد , المحمرة كمان بجهزها . بجهز قوالب الكيك بس من دون تزيين . و بجهز عجينة التارت و بالفريزر . و اخر الشي بجهز كل خضرة السلطة و بكياس نايلون على البراد , بعدها بكون خلص النهار و بكون انهد حيلي :roll برتب السفرة , بمد المفرش و الصحون و الكاسات و الملاعق , خلصنا

يوم العزيمة الصبح بجهز الكاتو , بحشي الأوزي , و بخبزه , بخبز الكبة و الشوكي و اللقمة تشكن , و لازم احسب حساب كل طبخة شي ساعة بالفرن و فكر ان لازم خلص قبل العزيمة بساعتين . و على هل الاساس بحمي الفرن و ببدى بالخبز .

الفريكة بطبخها بكير و بتركها بطنجرة الضغط لحتى تتهدى و بتبقى متل النار

القلي كمان قبل ساعتين على الاقل من العزيمة لازم يكون خالص , اخر الشي تتبيلة السلطات ..

بهيك عزايم ما بكون لوحدي ابدا , على الاقل في ماما و واحدة من خواتي عم يساعدوني , ما عدى واحدة بيومها خاصة للجلي و التنظيف , اكيد ايد وحدها ما بتصفق

شو كمان , ايه , بالنسبة للرز دوما خليه يكون خالص قبل ساعة من الموعد , منها بتكوني رايقة و منها بيتفلفل

اخر ساعة بس تسخين بسيط للأطباق و انا ما بحب تسخين الميكروويف لهيك بتغلب شوي لان كله بده شي عشر دقايق تسخين من اول و جديد

هادا كل شي , لا تزعلي ابدا لان صار معك فلم ناقص , انا برمضان الي مرق عزمت ام زوجي على لحمة بالصينية مع شوربة و سلطة , في اسهل منها , ما زبطت و لا استوت و كانت طعمتها سايطة , بقى وصفة واحدة و شخص واحد معزوم و ما كانت العزيمة ناجحة , بتصدقي بحس ان كل شي توفيق من رب العالمين . طبعا التخطيط المسبق مهم , بس كله بالاخير توفيق :)

ايا سؤال من عيوني انا دوما بالخدمة :) و الف شكر الك للدعوات الحلوة الكريمة من اخت كريمة

]]> By: lolli https://monasaboni.com/%d8%b9%d8%b2%d9%8a%d9%85%d8%a9-%d8%ae%d8%a7%d9%84%d9%88-%d8%aa%d9%82%d9%8a-2009/#comment-755 lolli Sun, 28 Nov 2010 12:30:45 +0000 http://monasaboni.com/?p=93#comment-755 سلامات اخت منى
عن جد انا برفعلك الشبو متل ما بيقولو هيك هون ببروكسل لما بيعجبو بحدا و بيقدروه
و بتشكرك كنير انك مخففة علي الغربة و محسستيني اني بحلب و بين رفقاتي و العزايم و الجمعيات الغير شكل
بس بصراحة لما شفت هالعزيمة شعرت اني مو من هالعالم و اني بعيدة الاف السنين الضوئية عن اني اعمل هيك سفرة شي يوم حتى لو عندي كل الوصفات

:sigh :sigh
بالغربة مافي قرايبين كتير يزورونا و نزورهم لذلك العزايم اللي عملتهم بينعدو ع اصابع اليد الواحدة

و مع ظلك اخر عزيمة كانت برمضان ل4 اشخاص بس
بس متل كل مرة …. هنن الضيوف بيروحو من هون و انا بفلت من البكا من هون
كنت بدي اعمل بايلا بالسمك و شوكي ورز و سمبوسك اللحمة و تبولة و سلطة يونانية و طبعا لانو رمضان فاخترت شوربة الحريرة المغربية

لقبل الافطار بساعة كان كلشي خالص و بقيان علي
اطبخ الرز ليكون خالص مع موعد الاذان و تسخين الشوربة ما بدي اطول عليكي
بس الرز البسمتي ما استوى و علقو بالتالي ما صار في بايلا و شوربة الحريرة علق الحمص و العدس و احترقو و طلعت طعمة الحرق فيها
و كلنا اكلناها بالزور وكانت عزيمة فاشلة و نهايتها بكا من قلب محروق

و جوزي بيصير يقلي هي اخر مرة منعمل عزيمة
ما بكفيني اني مابشوفك يوم قبل العزيمة و يوم العزيمة و يوم بعدها بالتنضيف و الجلي و بالاخير بتكوني زعلانة و بتبكي

و انا بحس اني مضيعة الحل و ان شاء الله انتي ح تكوني السبب بإنك تعلميني السر او الاسرار للنجاح

وبينوبك مني الثواب و انا رح ادعيلك الله يوفقك و يجعل حياتك و عيلتك و اطفالك حياة سعيدة فيها من القناعة و الرضى الكتير

لذلك ياريت تقليلي كيف ترتيب تجهيزك لهالسفرة من اول يوم
و شو بتتركي لاخر ساعة
و كيف الاكل بكون كله سخن للحظة وصول الضيوف؟

اسفة اني عم تقل عليكي بس منتظرة منك الحل

]]> By: منى https://monasaboni.com/%d8%b9%d8%b2%d9%8a%d9%85%d8%a9-%d8%ae%d8%a7%d9%84%d9%88-%d8%aa%d9%82%d9%8a-2009/#comment-754 منى Sun, 13 Sep 2009 15:53:00 +0000 http://monasaboni.com/?p=93#comment-754 هلا فيك اخي , شرفت الموقع و اتمنى ان تعجبك بقية الوصفات كمان

]]> By: زيد https://monasaboni.com/%d8%b9%d8%b2%d9%8a%d9%85%d8%a9-%d8%ae%d8%a7%d9%84%d9%88-%d8%aa%d9%82%d9%8a-2009/#comment-753 زيد Sun, 13 Sep 2009 07:06:48 +0000 http://monasaboni.com/?p=93#comment-753 ياريتني خالو تقي بس لهل سفرة 8)

]]> By: منى https://monasaboni.com/%d8%b9%d8%b2%d9%8a%d9%85%d8%a9-%d8%ae%d8%a7%d9%84%d9%88-%d8%aa%d9%82%d9%8a-2009/#comment-752 منى Thu, 11 Jun 2009 07:47:06 +0000 http://monasaboni.com/?p=93#comment-752 هلا بدورة :)
شو اعصاب قوية , ما على عينك يا تاجر , كم مرة حرقت صوابعي و انبحتت :grin

خليلي عينك بدورة على الدعوة الحلوة , ااامين يا رب و اشوف منهم خير كتير و انت كمان من كل احبابك و عيلتط ;)

]]> By: بدور https://monasaboni.com/%d8%b9%d8%b2%d9%8a%d9%85%d8%a9-%d8%ae%d8%a7%d9%84%d9%88-%d8%aa%d9%82%d9%8a-2009/#comment-751 بدور Wed, 10 Jun 2009 19:49:04 +0000 http://monasaboni.com/?p=93#comment-751 يا سلام على هالعزيمة وهالسفرة الروعة والله هي للنظر مو للأكل..

عبمزح طبعا مو تصدئي.. هي للنظر وللاكل كمان وين نتركلك كل هالاكلات الطيبة :grin

بس عنجد ما شاء الله عليكي على هالاعصاب القوية والله لو كنت محلك كنت تركت كلشي و ئعدت ابكي :roll

وكمان في مفاحئات وبآخر وئت لتحدد نوع الأصناف يلي رح تعمليها؟!

يا سلام! الله يحميكي و يباركلك بجودي الشطورة أبوس روحها ويباركلك بكل اخواتها يارب.

]]> By: منى https://monasaboni.com/%d8%b9%d8%b2%d9%8a%d9%85%d8%a9-%d8%ae%d8%a7%d9%84%d9%88-%d8%aa%d9%82%d9%8a-2009/#comment-750 منى Wed, 10 Jun 2009 05:30:34 +0000 http://monasaboni.com/?p=93#comment-750 هلا ام احمد :)
ااامممين اختي ,الله يسلمك و يحفظك .
لو كنت محلي بيعين الله و ما بتعرفي من وين بيجي التيسر ;)

]]> By: ام احمد الغالي https://monasaboni.com/%d8%b9%d8%b2%d9%8a%d9%85%d8%a9-%d8%ae%d8%a7%d9%84%d9%88-%d8%aa%d9%82%d9%8a-2009/#comment-749 ام احمد الغالي Tue, 09 Jun 2009 19:09:34 +0000 http://monasaboni.com/?p=93#comment-749 يسلمو ايديكي يا منى
تعيشي وتعملي عزايم بس بخسائر اقل عن جد لو كنت محلك ما بعرف شو كان صارلي
:zzz

]]> By: منى https://monasaboni.com/%d8%b9%d8%b2%d9%8a%d9%85%d8%a9-%d8%ae%d8%a7%d9%84%d9%88-%d8%aa%d9%82%d9%8a-2009/#comment-748 منى Mon, 08 Jun 2009 03:52:43 +0000 http://monasaboni.com/?p=93#comment-748 هلا وداد :)
يا ستي بتنوري و بتشرفي , اامين ربي يديم نعمة و يعرفنا اياها بدوامها مو بزوالها , اامين يا رب .

الاقتراح وصل , بس انا ما رديت على الريالة لان كنت مسافرة و لسا امبارحة رجعت , , ان شاء الله وداد , فكرة وصفات للريجيم عم حضر الها من فترة , اما أكل الاطفال لسا ما عندي اله أفكار , ربي بيسر ان شاء الله :)

نورتي وداد و الف شكر الك للردود و التواجد

]]>